Elçin Zeynalov
Elçin Razim oğlu Zeynalov (21 sentyabr 1970, Bakı) — texnika elmləri doktoru, Azərbaycan Respublikasının kənd təsərrüfatı nazirinin müavini (2019-cu ildən).[1]
| Elçin Zeynalov | |
|---|---|
Vəzifədədir | |
| 9 oktyabr 2019-cu ildən | |
| Nazir | Məcnun Məmmədov |
| Şəxsi məlumatlar | |
| Doğum tarixi | 21 sentyabr 1970 (53 yaş) |
| Doğum yeri | |
| Təhsili | |
| Elmi fəaliyyəti | |
| Elmi dərəcəsi | |
Həyatı redaktə
Elçin Razim oğlu Zeynalov 1970-ci il sentyabrın 21-də Bakı şəhərində ziyalı ailəsində anadan olub. 1987-ci ildə Binəqədi rayonu 157 saylı tam orta məktəbi (rus bölməsi) bitirib. 1992-ci ildə Azərbaycan Dövlət Neft Akademiyasının İstehsal proseslərinin avtomatlaşdırılması fakültəsinin informasiya ölçmə hesablama texnikasi ixtisasını fərqlənmə diplomu ilə bitirib. 1992-ci ildən 1995-ci ilə qədər Azərbaycan Dövlət Neft Akademiyasının Aspirantura şöbəsində təhsil alıb. 1998-ci ildə Ali Attestasiya Komissiyası tərəfindən texnika üzrə fəlsəfə doktoru, 2014-cü ildə texnika elmləri doktoru elmi dərəcəsi verilmişdir[2]. 3 kitabın və 40-dan çox elmi məqalənin müəllifidir. Bir sıra beynalxalq elmi konfranslarda iştirak edib. Dünya şöhrətli azərbaycanlı alim, qeyri-səlis məntiq nəzəriyyəsinin banisi Lütfi Zadənin davamçılarından biridir. 2007–2009-cu illərdə ikinci ali təhsilini Azərbaycan Dövlət İqtisad Universitetinin Beynəlxalq İqtisadi Münasibətlər ixtisası üzrə alıb. Ailəlidir, üç övladı var.
Əmək fəaliyyəti redaktə
- 1992–1995-ci illərdə Azərbaycan Dövlət Neft Akademiyasının Aspirantura şöbəsində təhsil alıb.
- 1995–2003-cü illərdə Azərbaycan Dövlət Neft Akademiyasında elmi işçi olub.
- 2003–2006-cı illərdə Azərbaycan Respublikası Prezidenti yanında Qiymətli Kağızlar üzrə Dövlət Komitəsində baş məsləhətçi, sektor müdiri vəzifələrində çalışıb.
- 2006–2008-ci illərdə Azərbaycan Respublikası İqtisadi İnkişaf Nazirliyinin Sahibkarlara Kömək Milli Fondunun icraçı direktoru vəzifəsində çalışıb.
- 2008-ci ildə Azərbaycan Respublikası İqtisadi İnkişaf Nazirliyi Antiinhisar Xidmətinin rəisi olub.
- 2010–2013-cü illərdə Rabitə və İnformasiya Texnologiyaları Nazirliyində şöbə müdiri olub.
- 2013–2018-ci illərdə Nəqliyyat, Rabitə və Yüksək Texnologiyalar Nazirliyinin yanında İnformasiya Texnologiyalarının İnkişafı Dövlət Fondunun icraçı direktoru olub.[3]
- 2018–2019-cu illərdə Kənd Təsərrüfatı nazirinin müşaviri, Aqrar Elm və İnnovasiya Mərkəzinin direktoru olub.
- 2019-cu ildən kənd təsərrüfatı nazirinin müavini vəzifəsini tutur.
Xəbərlər redaktə
- E. R. Zeynalovun Azərbaycan Respublikası kənd təsərrüfatı nazirinin müavini təyin edilməsi haqqında
- Şamaxıda regional ixtisaslaşma və davamlı iqtisadi inkişaf mövzusunda konfrans keçirilib
- Bakıda ECO ölkələrinin kənd təsərrüfatı üzrə yüksək səviyyəli ekspertlərinin V iclası keçirilir
- Nazir müavini: Kənd təsərrüfatı sahəsinə birbaşa dövlət dəstəyinin yeni mərhələsinə start verilib
- Azərbaycan nümayəndə heyəti Çində kənd təsərrüfatı sərgisində iştirak edib
- Lütfi Zadə — Xəyalla həqiqət arasındakı səddi aradan qaldıran şəxsiyyət
İstinadlar redaktə
- ↑ "Arxivlənmiş surət". 2023-02-18 tarixində arxivləşdirilib. İstifadə tarixi: 2023-02-22.
- ↑ "Arxivlənmiş surət". 2023-02-23 tarixində arxivləşdirilib. İstifadə tarixi: 2023-02-22.
- ↑ "Arxivlənmiş surət". 2016-04-30 tarixində arxivləşdirilib. İstifadə tarixi: 2023-02-22.