Elşad Əliyev (əsgər, 1972)

əsgər

Elşad Əli oğlu Əliyev (27 sentyabr 1972, Nehrəm, Naxçıvan rayonu1994) — Birinci Qarabağ Müharibəsi şəhidi.

Elşad Əliyev
Elşad Əli oğlu Əliyev
Şəxsi məlumatlar
Doğum tarixi 27 sentyabr 1972(1972-09-27)
Doğum yeri
Vəfat tarixi 1994
Vəfat səbəbi Şəhid
Dəfn yeri
Vətəndaşlığı Azərbaycan Azərbaycan
Milliyyəti Azərbaycanlı
Atası Əli Əliyev
Anası Əfruz Əliyeva
Hərbi fəaliyyəti
Qoşun növü Quru qoşunları
Rütbəsi Əsgər
Vəzifəsi Əsgər
Döyüşlər Ağdam, Qərvənd (Füzuli)

Həyatı redaktə

Elşad Əli oğlu Əliyev 27 sentyabr 1972-ci ildə Babək rayonunun Nehrəm qəsəbəsində anadan olub.

Təhsili redaktə

1979–1989-cu illərdə Nehrəm qəsəbəsi 2№-li orta məktəbində oxumuşdur.

Hərbi Xidməti redaktə

1990-cı ildə ordu sıralarında hərbi xidmətə çağırılmış və daha sonra siyasi vəziyyətin gərgin olması səbəbi ilə Rusiyada Sovet ordusundakı hərbi xidmətini Azərbaycan ordusunda davam etdirməli olmuşdur.

1992-ci ildə könüllü şəkildə Qarabağa[1] yollanır və bir çox ağır hərbi əməliyyatlarda iştirak edir.

Xüsusilə də Ağdam rayonu[2] ətrafında gedən döyüşlərdə ən qızğın, ən çətin, ən ağır əməliyyatlarda kəşfiyyat dəstəsinin əsgəri kimi düşmən mövqelərinə keçərək qəhrəmanlıqlar göstərir. Ön sıralarda vuruşan Elşad döyüş tapşırıqlarını yüksək, dəqiq və qərəzsiz formada yerinə yetirir.

1993-cü ildə hərbi xidmətdən qısa müddətli məzuniyyət götürərək doğulub, boya başa çatdığı Nehrəm qəsəbəsinə qayıdır.

Qısa müddətli məzuniyyətdən sonra yenidən könüllü şəkildə hərbiyə qayıdan Elşad bir çox uğurlu əməliyyatlarda iştirakına davam edir. 1994-cü ildə Füzuli rayonu Qərvənd kəndi ərazisində hərbi əməliyyatı yerinə yetirən zaman minaya düşür. Silahdaşı Elşadın yanına çatanda Elşadın son sözləri bunlar olur: "Anama və nişanlıma deyin ki, Elşad Qaravənd kəndinin ətrafında şəhid oldu!"

Ədəbiyyat redaktə

Azərbaycan qəhrəmanlıq salnaməsində nehrəmli şəhidlər.[3]

İstinadlar redaktə

  1. "Qarabağ". 2023-05-18 tarixində arxivləşdirilib. İstifadə tarixi: 2023-08-11.
  2. "Ağdam". 2023-03-21 tarixində arxivləşdirilib. İstifadə tarixi: 2023-08-11.
  3. "Azərbaycan qəhrəmanlıq salnaməsində nehrəmli şəhidlər". 2023-08-11 tarixində arxivləşdirilib. İstifadə tarixi: 2023-08-11.