Elşad Məmmədov (professor)
Elşad Məmmədov (azərb. Məmmədov Elşad Yaqub oğlu;16 dekabr 1976, Bakı) — iqtisad elmləri doktoru, professor[1]
| Elşad Məmmədov | |
|---|---|
| Elşad Yaqub oğlu Məmmədov | |
 | |
| Doğum tarixi | |
| Doğum yeri | Bakı, Azərbaycan |
| Vətəndaşlığı |
 Azərbaycan |
| Milliyyəti | Azərbaycanlı |
| Uşağı | 2 |
| Atası | Yaqub Məmmədov |
| Elm sahəsi | iqtisadiyyat |
| Elmi dərəcəsi | iqtisad elmləri doktoru |
| Elmi adı | professor |
| İş yeri | UNEC |
| Təhsili | |
| Mükafatları |
 |
Həyatı redaktə
16 dekabr 1976-cı ildə Bakı şəhərində anadan olub. 1992-ci ildə Bakı şəhəri 42 saylı məktəbi qızıl medalla bitirib. 1997-ci ildə Azərbaycan Dövlət İqtisad Universitetinin Kommersiya və Beynəlxalq iqtisadi münasibətlər fakültəsini fərqlənmə diplomu ilə bitirib. 1999-2004-cü illərdə Azərbaycan Dövlət İqtisad Universitetində böyük laborant, 2004-2007-ci illərdə baş müəllim, 2007-2015-ci illərdə dosent vəzifələrində işləyib.[2]
2007-2015-ci illərdə Kommersiya fakültəsində dekan müavini vəzifəsində çalışıb. 2007-2015-ci illərdə həmçinin Azərbaycan Respublikası Rabitə və Yüksək Texnologiyalar nazirinin məsləhətçisi vəzifəsində çalışıb.2003-cü ildə qərargahı İsveçrədə yerləşən Beynəlxalq Telekommunikasiya İttifaqının (İTU) eksperti, həm də 2002-2003-cü illərdə Respublikada elektron ticarətin (e-commerce) tətbiqinə dair işçi qrupun rəhbəri olub.
2003-cü ildə Azərbaycan Dövlət İqtisad Universitetində fəaliyyət göstərən Dissertasiya Şurasında namizədlik dissertasiyasını müvəffəqiyyətlə müdafiə edib və 2004-cü ildə ona Respublika Prezidenti Yanında Ali Attestasiya Komissiyasının (AAK) qərarı ilə iqtisad elmləri namizədi elmi dərəcəsi verilib. 2008-ci ildə AAK-nın qərarı ilə dosent attestatı təqdim edilib.
2014-cü ilin 23 may tarixində Milli Elmlər Akademiyasının İqtisadiyyat İnstitutunda fəaliyyət göstərən Dissertasiya Şurasında iqtisad üzrə elmlər doktoru elmi dərəcəsini almaq üçün doktorluq dissertasiyasını müvəffəqiyyətlə müdafiə edib və AAK-nın Rəyasət heyətinin 13 mart 2015-ci il tarixli qərarı ilə iqtisad üzrə elmlər doktoru elmi dərəcəsi verilib. Hazırda Azərbaycan Respublikasında ən gənc iqtisad üzrə elmlər doktoru, professordur.[3]
2015-ci il may ayının 1-dən 2018-ci ilə kimi İqtisad Universitetinin “Ticarət və gömrük işinin təşkili” kafedrasının professoru olub. Hazırda UNEC-in “İqtisadiyyat” (rus dilində) kafedrasının professorudur. 2020-ci ildən Odlar Yurdu Universitetinin "İqtisadiyyat və iqtisadi münasibətlər kafedrasının müdiri, 2022-ci ildən həmçinin İqtisadiyyat, Menecment və Biznes İnstitutunun direktoru vəzifələrində çalışır.
Azərbaycan Milli Elmlər Akademiyası(AMEA)-nın İqtisadiyyat İnstitutunda fəaliyyət göstərən iqtisad üzrə elmlər doktoru (i.e.d.) və iqtisad üzrə fəlsəfə doktoru (i.ü.f.d.) elmi dərəcələri üzrə dissertasiya müdafiələri təşkil olunan Dissertasiya Şurasının üzvü, həmin şuranın nəzdində fəaliyyət göstərən Elmi Seminarın sədridir. UNEC-in Tədris-Metodiki Şurasının üzvüdür. 2017-ci ilin yanvar-may aylarında həmçinin Qərb Universitetində (WU) elmi işlər üzrə prorektor, professor, həmin Universitetin “Elmi Xəbərlər” jurnalının baş redaktoru vəzifələrində işləyib.
2018-2022-ci illərdə Rus İqtisad Məktəbinin direktor müavini vəzifəsində işləmişdir.
17 iyul 2019-ci il tarixdə Azərbaycan Respublikası Prezidenti Yanında Ali Attestasiya Komissiyasının Rəyasət Heyətinin Qərarı ilə Elşad Məmmədova “Professor” elmi adi verilmişdir.
09 fevral 2021-ci il tarixindən Azərbaycan Respublikası Əmək və Əhalinin Sosial Müdafiəsi Nazirliyi yanında İctimai Şurasının üzvü seçilib. 2021-ci ilin martında Əmək və Əhalinin Sosial Müdafiəsi Nazirliyi yanında İctimai Şuranın sədri seçilib.[4]
07 mart 2024-cü il tarixində Azərbaycan Texniki Universitetində yeni yaradılan İnnovativ İqtisadi Araşdırmalar Mərkəzinə rəhbər təyin edilib.[5]
9 monoqrafiyanın, 3 dərsliyin, 2 dərs vəsaitinin, 300-dən çox, o cümlədən 100-ü beynəlxalq və, o cümlədən beynəlxalq sitat bazalarına daxil olan elmi nəşrlərin müəllifidir. Həmçinin Kütləvi İnformasiya Vasitələrində(KİV) minlərlə çıxışın müəllifidir. O, eyni zamanda bir sıra yerli və xarici KİV-lərin iqtisadi təhlilçisi və icmalçısıdır.
Ailəlidir, iki övladı var.
Təltifləri redaktə
- Azərbaycan Respublikası Prezidentinin 24 sentyabr 2020-ci il tarixli Sərəncamı ilə Azərbaycan Dövlət İqtisad Universitetinin 90 illiyi münasibətilə və Azərbaycanda təhsilin inkişafındakı xidmətlərinə görə “Tərəqqi” medalı ilə təltif edilib.[6]
- Vətən Müharibəsi Veteranları İctimai Birliyi tərəfindən "Böyük Zəfər" medalı ilə təltif olunmuş və birliyin fəxri üzvü seçilib.[7]
İstinadlar redaktə
- ↑ "Professor Elşad Məmmədov: "Azərbaycan Cənubi Qafqazın ən mühüm ölkəsinə çevrilir"". 2023-01-22 tarixində arxivləşdirilib. İstifadə tarixi: 2023-01-22.
- ↑ "i.e.d., prof. Məmmədov Elşad Yaqub oğlu". 2023-01-22 tarixində arxivləşdirilib. İstifadə tarixi: 2023-01-22.
- ↑ "İqtisadiyyat İnstitutu". 2023-01-22 tarixində arxivləşdirilib. İstifadə tarixi: 2023-01-22.
- ↑ Elşad Məmmədov: Sosial xərclərin artırılmasına həmişə ehtiyac var[ölü keçid]9
- ↑ "Elşad Məmmədova yüksək VƏZİFƏ VERİLDİ - FOTO". Milli.az (az.). 2024-03-08. 2024-04-03 tarixində arxivləşdirilib. İstifadə tarixi: 2024-04-03.
- ↑ "Azərbaycan Dövlət İqtisad Universitetinin əməkdaşlarının təltif edilməsi haqqında Azərbaycan Respublikası Prezidentinin Sərəncamı". 2023-01-22 tarixində arxivləşdirilib. İstifadə tarixi: 2023-01-22.
- ↑ "Professor Elşad Məmmədov "Böyük Zəfər" medalı ilə təltif olunub - FOTO". 2023-01-22 tarixində arxivləşdirilib. İstifadə tarixi: 2023-01-22.