Eldar Qarayev
Eldar Abdulla oğlu Qarayev (21 noyabr 1964, Bakı) — əczaçılıq üzrə elmlər doktoru, profesor, Ümumi və toksikoloji kimya kafedrası müdiri.[1]
| Qarayev Eldar | |
|---|---|
| Qarayev Eldar Abdulla oğlu | |
 | |
| Doğum tarixi | |
| Doğum yeri | Bakı, Azərbaycan SSR, SSRİ |
| Vətəndaşlığı |
 SSRİ→ Azərbaycan |
| Milliyyəti | Azərbaycanlı |
| Atası | Qarayev Abdulla Hacıvəli oğlu |
| Elm sahəsi | əczaçılıq |
| Elmi dərəcəsi | əczaçılıq üzrə elmlər doktoru |
| Elmi adı | professor |
| İş yeri | Azərbaycan Tibb Universiteti |
| Təhsili | Azərbaycan Tibb Universiteti |
Həyat və fəaliyyəti redaktə
Eldar Abdulla oğlu Qarayev 1964-cü ildə Bakı şəhərində ziyalı ailəsində anadan olmuşdur. 1987-ci ildə Azərbaycan Tibb İnstitunun əczaçılıq fakültəsini fərqlənmə diplomu ilə bitirmişdir. 1995-ci ildə namizədlik dissertasiyasını müdafiə edərək əczaılıq elmləri namizədi elmi adına layiq görülmüşdür[2]. 1992-ci ildən Azərbaycan Tibb Universitetinin əczaçılıq kimyası kafedrasında əvvəl baş laborant, assistent, sonra ümumi və toksikoloji kimya kafedrasında baş müəllim, dosent və professor vəzifələrində çalışmışdır. 2013-cü ildə doktorluq dissertasiya işini müdafiə edərək əczaçılıq üzrə elmlər doktoru elmi adına layiq görülmüşdür. Hazırda Azərbaycan Tibb Universitetinin ümumi və toksikoloji kimya kafedrasının müdiri vəzifəsində çalışır. 180-dan artıq elmi işin, o cümlədən 8 patentin (ixtira), 2 dərs vəsaitinin və 4 dərsliyin müəllifidir. Xarici ölkələrdə keçirilən bir sıra beynəlxalq konfranslarda dəvət olunmuş məruzəçi və konfrans sədri qismində iştirak etşmişdir.Bəzi elmi işləri xarici ölkələrdə (ABŞ, Türkiyə, Yunanıstan, Rusiya, Özbəkistan, Belarus, Çin, Gürcüstan və s.) impakt faktorlu jurnallarda çap olunmuşdur. “Azərbaycan əczaçılıq və farmakoterapiya” jurnalının və “Toksikologiya” Elmi-Praktik jurnalının redaksiya heyətinin üzvüdür. Azərbaycan Respublikası Səhiyyə Nazirliyi Etik Komissiyasının sədridir. Azərbaycan Tibb Universiteti nəzdində dissertasiya işlərinin ilkin sənədlərinin yoxlanılması komissiyasının sədridir. Azərbaycan dili ilə yanaşı rus, ingilis və türk dillərində sərbəst danışır. Ailəlidir, 2 övladı var.
Təhsili, elmi dərəcəsi və adları redaktə
1987-ci ildə Azərbaycan Tibb İnstitunun əczaçılıq fakültəsini fərqlənmə diplomu ilə bitirmişdir
1995-ci ildə namizədlik dissertasiyasını müdafiə edərək əczaılıq elmləri namizədi elmi adına layiq görülmüşdür
2013-cü ildə doktorluq dissertasiya işini müdafiə edərək əczaçılıq üzrə elmlər doktoru elmi adına layiq görülmüşdür
Əmək fəaliyyəti redaktə
1992–1995-cu illərdə Azərbaycan Tibb Universitetinin baş laborant vəzifəsində işləmişdir.
2004-cü ildən Ümumi və toksikoloji kimya kafedrasının assistenti işləmişdir.
2007-ci ildən Ümumi və toksikoloji kimya kafedrasının baş müəllimi olmuşdur.
2010-cu ildən Ümumi və toksikoloji kimya kafedrasının dosent vəzifəsində çalışmışdır.
2016-ci ildən Azərbaycan Tibb Universitetinin Ümumi və toksikoloji kimya kafedrasının professor vəzifəsində çalışır.
2017-ci ildən Ümumi və toksikoloji kimya kafedrasının müdiri vəzifəsində işləyir.
İxtiralar redaktə
- 2007 — "Flavonoid cəminin alınma üsulu"[3]
- 2008 — "Mirisetinin alınma üsulu"[4]
- 2008 — "Alaqanqal toxumlarının emalə üsulu"[5]
- 2008 — "Çaytikanı meyvələrinin emalı üsulu"[6]
- 2008 — "Flavonoidlərin alınması üsulu"
- 2009 — "Alaqanqal toxumlarının emalı üsulu"
- 2009 — "Hepatotrop təsirə malik flavonoidlərin alınma üsulu"
- 2014 — "Yunan qozunun (Juglans regia L.) meyvə və yanlıqlarından yuqlonla zənginləşdirilmiş ekstraktln alınması üsulu"[1]
Dərsliklər və dərs vəsaitləri redaktə
- "Fotometrik spektral analiz", 2012, 101 səh.
- "Bitki və heyvan mənşəli zəhərlərin kimyəvi-toksikoloji analizi", 2015, 307 səh.[7]
- "Sintetik üzvi zəhərlərin kimyəvi-toksikoloji analizi", 2017, 325 səh.[7]
- "Spektroskopik analiz üsulları", 2018, 208 491 s.[1]
- "Toksikoloji kimyadan praktikum. II Hissə", 2019, 164 səh.[8]
- "Xromatoqrafik analiz üsulları", 2021, 424 s.[1]
İstinadlar redaktə
- ↑ 1 2 3 4 "Arxivlənmiş surət". 2022-01-21 tarixində arxivləşdirilib. İstifadə tarixi: 2022-01-21.
- ↑ "Arxivlənmiş surət" (PDF). 2022-01-21 tarixində arxivləşdirilib (PDF). İstifadə tarixi: 2022-01-21. (#empty_citation)
- ↑ "Arxivlənmiş surət" (PDF). 2022-06-28 tarixində arxivləşdirilib (PDF). İstifadə tarixi: 2022-01-24.
- ↑ "Arxivlənmiş surət" (PDF). 2022-06-28 tarixində arxivləşdirilib (PDF). İstifadə tarixi: 2022-01-21.
- ↑ "Arxivlənmiş surət" (PDF). 2022-06-28 tarixində arxivləşdirilib (PDF). İstifadə tarixi: 2022-01-21.
- ↑ "Arxivlənmiş surət" (PDF). 2022-06-28 tarixində arxivləşdirilib (PDF). İstifadə tarixi: 2022-01-24.
- ↑ 1 2 "Arxivlənmiş surət". 2022-01-21 tarixində arxivləşdirilib. İstifadə tarixi: 2022-01-21.
- ↑ "Arxivlənmiş surət". 2022-03-08 tarixində arxivləşdirilib. İstifadə tarixi: 2022-01-24.