Eldar Qocayev

Eldar Qocayev(azərb. Qocayev Eldar Mehralı oğlu‎) — Azərbaycanın Əməkdar elm xadimi, fizika-riyaziyyat elmləri doktoru, mühəndis fizikası və elektronika kafedrasının müdiri, professor.

Eldar Qocayev
Doğum tarixi	10 Dekabr, 1944-cü il
Doğum yeri	İcevan rayonu, Qərbi Azərbaycan
Vəfat tarixi	12 Mart, 2023-cü il
Vəfat yeri	Bakı şəhəri, Azərbaycan
Elmi dərəcəsi	Fizika Elmlər Doktoru
Elmi adı	Professor
İş yeri	Azərbaycan Texniki Universiteti
Mükafatları	Əməkdar Elm Xadimi

Həyatı

Qocayev Eldar Mehralı oğlu 1944-cü ildə anadan olub.

1973–1990-cı illərdə Azərbaycan Neft Kimya İnstitutunun Sumqayıt filialında əmək fəaliyyətinə başlayıb. Sumqayıt şəhərində işlədiyi dövrdə yeni ixtisasların açılmasında, yüksək ixtisaslı kadrların hazırlanması istiqamətində böyük işlər görüb. İşdə göstərdiyi xüsusi xidmətlərinə görə Sov. İKP MK, SSRİ Nazirlər Soveti və SSRİ Həmkarlar Təşkilatının fəxri fərmanına layiq görülüb.

Onun rəhbərliyi ilə fizika üzrə 31 fəlsəfə doktoru, 2 fizika-riyaziyyat elmləri doktoru, 1 texnika elmləri doktoru və 1 pedaqoji elmlər doktoru dissertasiyaları müdafiə olunub. O, vəfatından öncə 2 elmlər doktorunun, 5 fəlsəfə doktorunun və 1 dissertantın elmi rəhbəri idi.

Fizika sahəsində 530-dan artıq elmi əsərin, 11 dərsliyin və dərs vəsaitinin, 8 patentin və ali texniki məktəblər üçün "Ümumi fizika kursu" fənn proqramının müəllifidir. 300-dən çox elmi məqaləsi xarici ölkələrin nüfuzlu jurnallarında çap olunub.

Vəfatı

12 mart, 2023-cü ildə Bakı şəhərində vəfat etmişdir.

Təltifləri

• 2007-ci ildə Azərbaycan Respublikası Prezidentinin sərəncamı ilə Əməkdar Elm Xadimi fəxri adına layiq görülüb.