Elman Paşayev
Elman Məhərrəm oğlu Paşayev (22 dekabr 1971, Şişqaya, Vardenis rayonu) — Rusiyada fəaliyyət göstərmiş Azərbaycan əsilli hüquqşünas, vəkil. Paşayev Rusiyada məşhur və VİP şəxslərin vəkili kimi məşhurlaşıb. Onun müştəriləri arasında məşhur şoubiznes nümayəndələri, iş adamları və aktyorlar olub. O, xüsusilə Aktyor Mixail Efremovun məhkəmə işində iştirakı nəticəsində şöhrət qazanıb.
| Elman Paşayev | |
|---|---|
 | |
| Doğum tarixi | 22 dekabr 1971 (53 yaş) |
| Doğum yeri | |
| Təhsili | |
| Fəaliyyəti | vəkil |
 Vikianbarda əlaqəli mediafayllar | |
Həyatı
redaktəElman Məhərrəm oğlu Paşayev (22 dekabr 1971, Vardenis rayonu və ya Ermənistan SSR) 22 dekabr 1971-ci ildə Basarkeçər rayonunun Şişqaya kəndində anadan olub.
1991-ci ildə hərbi xidməti başa vurduqdan sonra jurnalist, daha sonra Azərbaycan Daxili İşlər Nazirliyinin əməkdaşı kimi çalışıb.
Elman Paşayev 1997-ci ildə Moskvaya köçüb və burada hüquq karyerasına başlayıb.
Birinci Moskva Hüquq İnstitutunda (hüquqşünaslıq ixtisası), Moskva Dövlət Hüquq Akademiyasında (hüquqşünaslıq ixtisası) və Rusiya Federasiyasının Prezidenti yanında Rusiya Dövlət İdarəçilik Akademiyasında (kadr siyasəti üzrə dövlət qulluğu ixtisası) təhsil alıb. O, Moskva Dövlət Hüquq Akademiyasında kriminalistika ixtisası üzrə aspirant olub.
2004-cü ildə Moskva "Egida" Vəkillər Kollegiyasına qəbul olunub. 2009-cu ildə Beynəlxalq Hüquq Şirkəti Elman Qrup MMC-ni təsis edib. 2019-cu ildə o, Rusiya Ədalətli Qüvvələrin İttifaqı partiyasının təşkilatçısı olub.[1]
2020-ci ilə qədər o, üç dəfə vəkillik statusundan məhrum edilib.[2] 2018-ci ildə Mıtişi Şəhər Məhkəməsi Paşayevi hədə-qorxu ilə tələb etmə ittihamı ilə iki ay müddətinə həbs edib.[3] İttihamlar yenidən təsnifləşdirildikdən sonra o, bir il sınaq müddətinə azadlıqdan məhrum edilib.[4]
2023-cü ilin mayında məlum olub ki, Paşayev Ukraynadakı döyüş bölgəsində rus hərbçilərinə yardım çatdırır.[5]
Rusiya Silahlı Qüvvələri ilə müqavilə imzalayan Elman Paşayev 2024-cü il 29 aprel tarixində Rusiya-Ukrayna müharibəsində Ukraynanın Uqledar şəhərində Ukrayna Silahlı Qüvvələrinin dron hücumu nəticəsində ağır yaralanıb.[6]
17 sebtyabr 2024-cü ildə Moskvada dələduzluq işi ilə bağlı saxlanılıb[7], ardından həbs edilib.[8]
Şəxsi həyatı
redaktəAiləlidir, iki övladı var. Həyat yoldaşı: Alyona Paşayeva.
Məşhur müştəriləri və məhkəmə işləri
redaktəElman Paşayev VİP-lərin vəkili kimi məşhurlaşıb. Onun müştəriləri arasında:
- Katya Lel ("Katya Lel" brendinin hüquqları ilə bağlı məhkəmə prosesi);[9]
- Yuri Şerlinq (Master Bank prosesi);[10]
- Aleksey Panin (qızı üzərində qəyyumluq hüququ ilə bağlı məhkəmə);[11]
- Qalina Vasilyeva, Radisson-Slavyanskaya hotelinin baş direktor müavini Mixail Vasilyevin həyat yoldaşı (boşanma prosesi);[3]
- Darya Dmitryeva (Aleksandr Radulov ilə boşanma prosesi);[12]
- Feliks Komarov (Slavyanski Bankın iflas məhkəməsi);[13]
- Mixail Yefremov, teatr və kino aktyoru (8 iyun 2020-ci ildə ölümlə nəticələnən qəzada müdafiə). Bu, Paşayevin karyerasında ən məşhur iş hesab olunur. Vəkilin sözlərinə görə, o, "özünü müdafiə etmək üçün qanunun icazə verdiyi hər şeyi edib".[14] Çünki "Yefremov mühakimə olunub, qanunu pozan vətəndaş yox". Paşayev mərhumun ailəsi ilə danışıqlardan tutmuş, sənətçinin avtomobilini başqa şəxsin idarə etdiyini iddia edən şahidlərin tapılmasına qədər bütün vasitələrə əl atıb. Nəticədə məhkəmə prosesi qalmaqalla yekunlaşıb.[15] Yefremov məhkəmənin sonuna yaxın onun xidmətlərindən imtina edib. Yefremov təqsirli bilinib və 8 il azadlıqdan məhrum olunub. Daha sonra Rusiya Ədliyyə Nazirliyi Paşayevin vəkillik statusuna xitam verib.[16]
Mükafatları
redaktəPaşayevin bir sıra ictimai mükafatları var:
- Rusiya Federasiyası Federal Vəkillər Palatasının 1-ci və 2-ci dərəcəli "Vətəndaşların hüquq və azadlıqlarının qorunmasında xidmətlərinə görə" medalları;
- "Hərbi şücaətə görə" medalı;
- "Vətənə sədaqətinə görə" döş nişanı ordeni;
- Azərbaycan Respublikası Veteranlar Cəmiyyətinin "İki dəfə SSRİ Qəhrəmanı General Həzi Aslanov" yubiley medalı;
- "Yamalo-Nenets Muxtar Dairəsinin fəxri hüquqşünası" medalı;
- Rusiya Federasiyasının Federal Hüquqşünaslar Palatasının medalı.
İstinadlar
redaktə- ↑ "«Партия „СССР" создается в России», Интерфакс". 2020-10-28 tarixində arxivləşdirilib. İstifadə tarixi: 2020-10-25.
- ↑ "«Лишение Пашаева статуса адвоката оказалось что слону дробина» Московский комсомолец". 2020-10-28 tarixində arxivləşdirilib. İstifadə tarixi: 2020-10-25.
- ↑ 1 2 "«Адвоката звезд и VIP-жен арестовали за вымогательство» Росбалт". 2020-08-18 tarixində arxivləşdirilib. İstifadə tarixi: 2020-10-25.
- ↑ "«Кто такой Эльман Пашаев?», АиФ". 2020-10-28 tarixində arxivləşdirilib. İstifadə tarixi: 2020-10-25.
- ↑ "Экс-адвокат Ефремова Пашаев отправился в зону СВО". 2023-06-05 tarixində arxivləşdirilib. İstifadə tarixi: 2023-06-05.
- ↑ "Ukraynada yaralanan tanınmış azərbaycanlı hüquqşünasın vəziyyəti AÇIQLANDI". Oxu.Az (az.). 2024-05-01. 2024-05-01 tarixində arxivləşdirilib. İstifadə tarixi: 2024-05-01.
- ↑ "Dələduzluqda ittiham olunan tanınmış azərbaycanlı vəkillə bağlı yeni DETAL". Oxu.az (az.). 2024-10-01 tarixində arxivləşdirilib. İstifadə tarixi: 2024-10-02.
- ↑ "Moskvada hakim qarşısına çıxarılan tanınmış azərbaycanlı vəkil həbs edildi". Oxu.az (az.). 2024-09-19 tarixində arxivləşdirilib. İstifadə tarixi: 2024-10-02.
- ↑ "«Кто защищает Ефремова», Экспресс-газета". 2020-08-18 tarixində arxivləşdirilib. İstifadə tarixi: 2020-10-25.
- ↑ "«Вклад пересмотренный», КоммерсантЪ". 2020-10-23 tarixində arxivləşdirilib. İstifadə tarixi: 2020-10-25.
- ↑ "«Панин раскрыл роль Пашаева в скандальной истории с собакой», РИА Новости". 2020-10-20 tarixində arxivləşdirilib. İstifadə tarixi: 2020-10-25.
- ↑ "Адвокат Пашаев о разводе Дмитриевой и Радулова: «Я много нулей отсудил по мировому соглашению, но у неё рубля не брал», Sports.ru". 2020-11-05 tarixində arxivləşdirilib. İstifadə tarixi: 2020-10-25.
- ↑ "О компании «Эльман ГРУПП»". 2020-10-28 tarixində arxivləşdirilib. İstifadə tarixi: 2020-10-25.
- ↑ "«Пашаев назвал „виновного" в приговоре Ефремову», РБК". 2020-10-28 tarixində arxivləşdirilib. İstifadə tarixi: 2020-10-25.
- ↑ "«Засуженный артист. Чем запомнился процесс по делу Ефремова», РИА Новости". 2020-10-28 tarixində arxivləşdirilib. İstifadə tarixi: 2020-10-25.
- ↑ "Ukraynada yaralanan tanınmış azərbaycanlı hüquqşünasın vəziyyəti AÇIQLANDI". Oxu.Az (az.). 2024-05-01. 2024-05-01 tarixində arxivləşdirilib. İstifadə tarixi: 2024-05-01.