Elnur Allahverdizadə

Elnur Əli oğlu Allahverdizadə (15 may 1995, Sumqayıt7 noyabr 2020, Yuxarı Qiyaməddinli, Ağcabədi rayonu) — Azərbaycan Silahlı Qüvvələrinin əsgəri, İkinci Qarabağ müharibəsi şəhidi.

Elnur Allahverdizadə
Şəxsi məlumatlar
Doğum tarixi
Doğum yeri Sumqayıt, Azərbaycan
Vəfat tarixi (25 yaşında)
Vəfat yeri Yuxarı Qiyaməddinli, Ağcabədi rayonu, Azərbaycan
Dəfn yeri Sumqayıt Şəhidlər Xiyabanı
Vətəndaşlığı Azərbaycan Azərbaycan
Təhsili Bakı Slavyan Universiteti
Hərbi fəaliyyəti
Mənsubiyyəti Azərbaycan Azərbaycan Ordusu
Qoşun növü Azərbaycan Quru Qoşunları
Xidmət illəri 2016—2017 / 2020
Rütbəsi Əsgər
Döyüşlər İkinci Qarabağ müharibəsi
 • Ağdam döyüşləri
 • Hadrutun azad edilməsi
Təltifləri "Vətən uğrunda" medalı — 2020 "Cəsur döyüşçü" medalı — 2020 "Xocavəndin azad olunmasına görə" medalı — 2020

Həyatı redaktə

Elnur Əli oğlu Allahverdizadə 1995-ci ildə Sumqayıt şəhərində anadan olmuşdur.[1] Əslən Zəngilan rayonundandır. 2016-cı ildə Bakı Slavyan Universitetinin Tərcümə fakültəsini çex dili ixtisası üzrə bitirmişdir.[2] Hərbi xidmətdən geri döndükdən sonra səs rejissoru kimi fəaliyyət göstərmişdir. “Barama" və "Atılmışlar” serialları, bir çox reklam çarxlarının səs rejissoru olmuşdur.[3] Xüsusilə, "Son iclas" bədii filminin bum operatoru,[4] "Buğlama" komediya serialının səs operatoru olmuşdur. "Picmus production”un əməkdaşı olaraq çalışmışdır.[5]

Hərbi xidməti redaktə

Elnur Allahverdizadə 2016-2017-ci illərdə Azərbaycan Silahlı Qüvvələrinin sıralarında müddətli həqiqi hərbi xidmət etmişdir.[6] Hərbi xidmət müddəti bitdikdən sonra mülki şəxs olaraq fəaliyyətini davam etdirmişdir. 2020-ci ilin sentyabrın 29-dan Səfərbərlik və Hərbi Xidmətə Çağırış üzrə Dövlət Xidmətinin Sumqayıt şöbəsindən İkinci Qarabağ müharibəsinə yollanmışdır.

Azərbaycan Ordusunun əsgəri olan Elnur Allahverdizadə 2020-ci il sentyabrın 27-də Azərbaycan Silahlı Qüvvələri tərəfindən Ermənistan işğalı altında olan ərazilərin azad edilməsi və Azərbaycanın ərazi bütövlüyünün bərpa olunması üçün başlanan İkinci Qarabağ müharibəsində könüllü topçu olaraq iştirak etmişdir. AğdamınXocavəndin azadlığı uğrunda gedən döyüşlərdə vuruşmuşdur. Elnur Allahverdizadə 7 noyabr 2020-ci ildə Ağcabədi rayonunun Yuxarı Qiyaməddinli kəndi istiqamətində döyüş tapşırığının yerinə yetirilməsi zamanı həlak olmuşdur.[7] 8 noyabr 2020-ci ildə Sumqayıt Şəhidlər Xiyabanında dəfn olunmuşdur.[8]

Azərbaycanın ərazi bütövlüyünün təmin edilməsi uğrunda döyüş əməliyyatlarına qatılan və hərbi hissə qarşısında qoyulmuş tapşırıqların icrası zamanı vəzifə borcunu şərəflə yerinə yetirdiyi üçün Azərbaycan Prezidenti İlham Əliyevin 15.12.2020-ci il tarixli Sərəncamına əsasən Elnur Allahverdizadə ölümündən sonra "Vətən uğrunda" medalı ilə təltif edildi.[9]

Azərbaycan ərazilərinin işğaldan azad olunması zamanı döyüş tapşırıqlarını uğurla yerinə yetirdiyinə, düşmənin əsas qruplaşmalarının məhv edilməsi ilə qoşunların döyüş qabiliyyətinin qorunub saxlanılmasında fərqləndiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Elnur Allahverdizadə ölümündən sonra "Cəsur döyüşçü" medalı ilə təltif edildi.[10]

Azərbaycanın Xocavənd rayonunun işğaldan azad edilməsi uğrunda aparılan döyüş əməliyyatlarına qatılaraq şəxsi igidliyi və şücaəti nümayiş etdirdiyinə görə Azərbaycan Prezidenti İlham Əliyevin 24.06.2021-ci il tarixli Sərəncamına əsasən Elnur Allahverdizadə ölümündən sonra "Xocavəndin azad olunmasına görə" medalı ilə təltif edildi.[11]

Xatirəsi redaktə

  • 2020-ci ildə çəkilən "Buğlama" serialının bir seriyasında (həmin seriyanın çəkilişləri bitdikdən sonra Elnur Allahverdizadə müharibəyə yollanmışdı) titrlərdə şəhid Elnur Allahverdizadənin adı var.[12]
  • 2021-ci ildə Sumqayıt şəhərində Elnur Allahverdizadə və Elçin Hüseynovun xatirə lövhəsi açılmışdır.[13]
  • 2021-ci ildə Bakı Şəhər Gənclər və İdman Baş İdarəsi və “İDEA” şahmat klubunun birgə təşkilatçılığı ilə Elnur Allahverdizadənin xatirəsinə həsr olunmuş onlayn şahmat turniri keçirilmişdir.[14]

Filmoqrafiya redaktə

Təltifləri redaktə

İstinadlar redaktə

  1. Müdafiə Nazirliyi. "İkinci Qarabağ müharibəsində şəhid olan hərbi qulluqçuların siyahısı" (PDF). www.mod.gov.az (Azərbaycan Müdafiə Nazirliyinin rəsmi saytı) (az.). 22.01.2021. 2021-01-22 tarixində arxivləşdirilib (PDF). İstifadə tarixi: 22.01.2021.
  2. "Bakı Slavyan Universitetinin vətənpərvər məzunu". bsu-uni.edu.az. 2020-12-25 tarixində arxivləşdirilib. İstifadə tarixi: 25 dekabr 2020.
  3. 25 yaşlı şəhid Elnur Allahverdizadə Arxivləşdirilib 2022-08-01 at the Wayback Machine. ATV NEWS. 19.12.2020.
  4. Heydər Əliyev Fondu. "Last session (2018)". www.youtube.com (  YouTube portalı / "BP" səhifəsi) (az.). 12.06.2018. 2021-10-26 tarixində arxivləşdirilib. İstifadə tarixi: 26.10.2021.
  5. Ətrabə Rzayeva. "Elnur topun arxasında əsl qəhrəmanlıq, igidlik nümunəsi olub". azertag.az. 17 dekabr 2020. 2020-12-25 tarixində arxivləşdirilib. İstifadə tarixi: 25 dekabr 2020.
  6. Yaşasaydı 26 yaşı olacaqdı sumqayıtlı şəhid Elnur Allahverdiyevin... - FOTO Arxivləşdirilib 2021-10-26 at the Wayback Machine. xeberle.com. 15.05.2021.
  7. Pərviz Hüseyn. ""Bilməzdim ki, evimdən körpə kimi çıxan oğlum şəhid kimi qayıdacaq"". mediapost.az. 16 noyabr 2020. 2020-12-25 tarixində arxivləşdirilib. İstifadə tarixi: 25 dekabr 2020.
  8. Əbədiyyətdəki əziz ünvanlarımız - Şəhidlər ölməz, Vətən bölünməz! Arxivləşdirilib 2021-10-26 at the Wayback Machine. 525-ci qəzet. 03.06.2021.
  9. Azərbaycan Prezidentinin saytı. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". www.president.az. 15.12.2020. 2020-12-15 tarixində arxivləşdirilib. İstifadə tarixi: 15.12.2020.
  10. "Azərbaycan Silahlı Qüvvələrinin hərbi qulluqçularının "Cəsur döyüşçü" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". 24.06.2021. 2021-10-03 tarixində arxivləşdirilib. İstifadə tarixi: 06.07.2021.
  11. Azərbaycan Prezidentinin saytı. "Azərbaycan Silahlı Qüvvələrinin hərbi qulluqçularının "Xocavəndin azad olunmasına görə" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.president.az. 24.06.2021. 2021-06-25 tarixində arxivləşdirilib. İstifadə tarixi: 24.06.2021.
  12. "Buğlama" 74-cü seriya (19.12.2020) Arxivləşdirilib 2021-10-26 at the Wayback Machine. İlk Media. 19.12.2020.
  13. Sumqayıtda şəhidlər Elçin Hüseynov və Elnur Allahverdizadənin xatirə lövhəsi açılıb Arxivləşdirilib 2021-10-26 at the Wayback Machine. Azerbaijan-news.az. 13.01.2021.
  14. Şəhid Elnur Allahverdizadənin xatirəsinə həsr olunmuş onlayn şahmat turnirinin qalibləri müəyyənləşib Arxivləşdirilib 2021-10-26 at the Wayback Machine. dysbaku.az. 23.05.2021.
  15. "Azərbaycan Silahlı Qüvvələrinin hərbi qulluqçularının "Vətən uğrunda" medalı ilə təltif edilməsi haqqında Azərbaycan Prezidentinin 15.12.2020-ci il tarixli Sərəncamı". 15.12.2020. 2020-12-17 tarixində arxivləşdirilib. İstifadə tarixi: 25.12.2020.
  16. "Azərbaycan Silahlı Qüvvələrinin hərbi qulluqçularının "Cəsur döyüşçü" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". 24.06.2021. 2021-10-03 tarixində arxivləşdirilib. İstifadə tarixi: 06.07.2021.
  17. Azərbaycan Dövlət İnformasiya Agentliyi. "Azərbaycan Silahlı Qüvvələrinin hərbi qulluqçularının "Xocavəndin azad olunmasına görə" medalı ilə təltif edilməsi haqqında Azərbaycan Prezidentinin 24.06.2021-ci il tarixli Sərəncamı". www.azertag.az. 24.06.2021. 2021-06-25 tarixində arxivləşdirilib. İstifadə tarixi: 24.06.2021.