Elxan Həsənli
Elxan Həsənli[1][2] (əsl adı: Elxan Məmməd oğlu Həsənov; alm. Elchan Gassanow;[3] 15 dekabr 1974, Qazax) — Azərbaycan əsilli İsveçrə[4] tarixçisi, tarix üzrə fəlsəfə doktoru, politoloq, siyasi ekspert.
| Elxan Həsənli | |
|---|---|
| alm. Elchan Gassanow | |
| Digər adı | Elxan Həsənov |
| Doğum tarixi | 15 dekabr 1974 (49 yaş) |
| Doğum yeri | |
| Milliyyəti | azərbaycanlı |
| Atası | Məmməd Həsənov |
| Elm sahəsi | tarixşünaslıq |
| Elmi dərəcəsi | fəlsəfə doktoru |
| Təhsili |
|
Həyatı
redaktəElxan Məmməd oğlu Həsənov (Həsənli) 15 dekabr 1974-cü ildə Azərbaycan SSR-nin Qazax şəhərində anadan olmuşdur. O, 1990–1995-ci illərdə Bakı Dövlət Universitetinin tarix fakultəsində təhsil almışdır.[5] Həsənli 2007–2011-ci ildə İsveçrənin Sürix Universitetinin magistraturasında, 2011–2013-cü illərdə Sürix Pedaqoji İnstitutunda pedaqoji təhsil almışdır.[6]
Fəaliyyəti
redaktəElxan Həsənli 1996–1998 ci illərdə Azərbaycan Silahlı Qüvvələrində hərbi xidmət keçmişdir. O, 1994-cü ildə "Rezonans" qəzetinin müxbiri kimi əmək fəaliyyətinə başlamışdır. Həsənli 1998-ci ildən 2004-cü ilə qədər "Yeni Müsavat" qəzetinin müxbiri işləmişdir.[5] O, 2011-ci ildən 2016-cı ilə qədər İsveçrənin Sürix Universitetində elmi işçi, 2016-cı ildən 2021-ci ilə qədər Sürix meriyasında çətin öyrənən uşaqların təhsili kollecində alman dili, tarix və informasiya-kommunikasiya texnologiyaları müəllimi işləmişdir. Həsənli müəllimlərin təkmilləşməsi üzrə İsveçrə və Almaniya sertifikasiyalarını qazanmışdır.[7]
İsveçrənin Sürix Universitetində təhsil aldığı dövrdə 1 elmi monoqrafiyası, 6 elmi məqaləsi dərc olunmuşdur. "Stalinin Qərbə qarşı müharibə planları" adlı dissertasiyası 2011-ci ildə dərc olunmuşdur. İkinci Qarabağ müharibəsi dövründə İsveçrə və Almaniyanın tanınmış kütləvi informasiya vasitələrində Azərbaycan həqiqətlərinin yayılmasında yaxından iştirak etmişdir. Müəllifi olduğu "Qarabağda konstruktiv münaqişə mədəniyyəti" adlı elmi monoqrafiyası tanınmış internet platformalarında yayılmışdır.[8]
Diaspora fəaliyyəti
redaktəİsveçrə Azərbaycanlıları Assosiasiyasının, İsveçrə Azərbaycan Ticarət Təşkilatının sədri olan Elxan Həsənli[9] İsveçrə jurnalistləri arasında apardığı təbliğat işi 2010-cu ildən başlayır. Elxan Həsənlinin təşkilatçılığı ilə isveçrəli jurnalistlər Qarabağ münaqişəsi zamanı Azərbaycanın üzləşdiyi haqsızlıqları Avropa ictimaiyyətinə çatdırıblar. 2010-cu ildə isveçrəli jurnalistlərin Ağdam rayonunun dağıdılması, viran qoyulması haqqında aparılan araşdırmaları almandilli ölkələrin kütləvi informasiya vasitələrində dərc olunmuşdur.[10]
Əsərləri
redaktə- Politischer Islam nach 1967, almanca. (1967-ci ildən sonra siyasi islam), 2008, Sürix.
- Dünya müharibələri arasında Estoniyanın azlıq siyasəti, almanca, (Estlands Minderheitenpolitik zwischen den Weltkriegen) 2009, Sürix.
- Historischer Kommentar zur Lex de imperio Vespasiani, almanca, (Leks de imperio Vespasiani haqqında tarixi şərh), 2009, Sürix.
- Religioese Konstruktion des Raumes im Martyrium Polykarps, almanca, 2010, Sürix. Die Rolle Kennedys bei der Beilegung der Kuba-Krise, almanca (Kennedinin Kuba böhranının həll ediləsində rolu), 2011, Sürix.
- Stalins Kriegsplaene gegen den Westen - Sowjetischer Militarismus, almanca, (Stalinin Qərbə qarşı müharibə planları - sovet militarizmi), 2011, Sürix.
- Wozu Geschichte? almanca, (Tarix nə üçündür), 2013, Sürix.
- Konstruktive Konfliktkultur in Karabach, (Qarabağda konstruktiv münaqişə mədəniyyəti), 2021, Sürix.
İstinadlar
redaktə- ↑ "İSVEÇRƏDƏ AZƏRBAYCANLILAR YENİ TƏŞKİLAT YARADIR". GünAz TV (az.). 14 oktyabr 2008. 2022-01-19 tarixində orijinalından arxivləşdirilib. İstifadə tarixi: 19 yanvar 2022.
- ↑ "Elxan Həsənli: "Azərbaycanın güclənməsi və inkişafı İran rejimini bərk narahat edir"". GünAz TV (az.). 8 may 2012. 19 January 2022 tarixində orijinalından arxivləşdirilib. İstifadə tarixi: 19 yanvar 2022.
- ↑ "Elchan Gassanow". Waterstones (alman). 2022-01-19 tarixində arxivləşdirilib. İstifadə tarixi: 19 yanvar 2022.
- ↑ "Azərbaycan kökənli İsveçrə vətəndaşı elə şeylərdən yazdı ki..." Yeni Müsavat (az.). 17 mart 2020. 2022-01-19 tarixində arxivləşdirilib. İstifadə tarixi: 19 yanvar 2022.
- ↑ 1 2 "KÖHNƏ ƏMƏKDAŞIMIZIN YENİ KİTABI". Yeni Müsavat (az.). 9 fevral 2009. 2022-01-19 tarixində arxivləşdirilib. İstifadə tarixi: 19 yanvar 2022.
- ↑ ""Azərbaycanın ərazi bütövlüyünün bərpası istiqamətində xaricdə təhsil alan Azərbaycanlı tələbələrin və diaspor təşkilatlarının beynəlxalq fəaliyyətinin gücləndirilməsi" mövzusunda konfrans keçirilmişdir". Azərbaycan Dövlət İnformasiya Agentliyi (az.). 17 iyun 2011. 2022-01-19 tarixində arxivləşdirilib. İstifadə tarixi: 19 yanvar 2022.
- ↑ "İsveçrəlilərə dərs deyən qazaxlı müəllim - "Qayıdacam"..." Yeni Müsavat (az.). 26 aprel 2015. 2022-01-19 tarixində arxivləşdirilib. İstifadə tarixi: 19 yanvar 2022.
- ↑ "Arxivlənmiş surət". 2023-07-08 tarixində arxivləşdirilib. İstifadə tarixi: 2022-01-19.
- ↑ Ruhiyyə. "Azərbaycana saxta dərmanlar gətirən məşhur iş adamı İsveçrə məhkəməsinə verildi - ŞOK". AzNews (az.). 2 iyul 2013. 2022-01-19 tarixində arxivləşdirilib. İstifadə tarixi: 19 yanvar 2022.
- ↑ Vidmer, Andre. "Die Geisterstadt im Niemandsland". 20Minutes (alman). 10 avqust 2010. 2022-01-19 tarixində arxivləşdirilib. İstifadə tarixi: 19 yanvar 2022.