Embilər

Embilər (lat. Embioptera) — heyvanlar aləminin buğumayaqlılar tipinin həşəratlar sinfinə aid heyvan dəstəsi. Nisbətən aznövlü həşərat dəstələrindən biridir. Əsasən tropik və subtropik ölkələrdə yaşayırlar. Azərbaycanda 1 növü məlumdur.

Embilər
Elmi təsnifat
Domen: Eukariotlar Ranqsız: Amorphea Ranqsız: Obazoa Ranqsız: Opisthokonta Ranqsız: Holozoa Ranqsız: Filozoa Aləm: Heyvanlar Yarımaləm: Eumetazoylar Klad: ParaHoxozoa Klad: İkitərəflisimmetriyalılar Klad: Nephrozoa Ranqsız: İlkağızlılar Tipüstü: Tüləyənlər Ranqsız: Panarthropoda Ranqsız: Tactopoda Tip: Buğumayaqlılar Klad: Pancrustacea Yarımtip: Altıayaqlılar Sinif: Həşəratlar Ranqsız: Dicondylia Yarımsinif: Qanadlılar Budaq: Metapterygota İnfrasinif: Yeniqanadlılar Dəstə: Embilər
Beynəlxalq elmi adı
Embioptera Auguste Lameere, 1900
Şəkil axtarışı ITIS   102463 NCBI   50657 EOL   519 FW   190856

Ümumi məlumat

Embilər uzunsov çevik bədənli, 10–20 mm ölçülü, yumşaq örtüklü həşəratlardır. Bədəni bozumtul-qonur rəngdədir. Başı iri, sərbəstdir. Ağız orqanları gəmirici, gözləri fasetli, bığcıqları təsbehşəkilli, 15–32 buğumludur. Döşü aydın ayrılmış üç buğumdan ibarətdir. Ön bel başdan enli olmayıb kvadrat və ya uzunsov formalıdır. Erkəklərdə iki cüt pərdəli, demək olar ki, quruluşca eyni, sakit vaxtı yastı qatlanan qanad vardır. Dişilər qanadsızdır. Qarıncıq 10 buğumdan ibarət olub, qısa serkləri var. Erkəklərdə sol serk simmetrik olmayıb, dəyişilmişdir. Ayaqları qısa, 3 buğumlu, pəncəlidir. Ön ayaqları güclü şəkildə üfürülmüş birinci buğumu ilə seçilir. Onun içərisində ipək hörümçək toru və toru yağlamaq üçün maye ifraz edən vəzi vardır. Embilər adətən cəld qaçır, irəli və geri hərəkət edə bilirlər. Geriyə qaçarkən serkləri yolu tapmaq üçün "bığcıq" funksiyasını yerinə yetirir.

Təsnifatı

• Andesembiidae
• Archembiidae
• Australembiidae
• Clothodidae
• Embiidae
• Notoligotomidae
• Oligotomidae
• Scelembiidae
• Teratembiidae