Emil Edde

Emil Edde (ərəb. إميل أده; 5 may 1883[2], Dəməşq27 sentyabr 1949[3][2]) — Livanlı maruni siyasətçi. Livanın baş naziri və prezidenti olmuşdur.

Emil Edde
ərəb. إميل أده
Émile Eddé 2.png
Livan prezidenti
1936-1941
Şəxsi məlumatlar
Doğum tarixi
Doğum yeri Dəməşq, Suriya
Vəfat tarixi (66 yaşında)
Təhsili
İxtisası Hüquq
Uşağı 3

Erkən həyatıRedaktə

Emil Edde 1883-cü (bəzi mənbələrə görə 1886-cı) ildə Dəməşqdə dünyaya gəlmişdir. Babası və atası Fransa konsulluğunda tərcüməçi işləyirdilər. Orta təhsilini Beyrutdakı yezuitlər məktəbində almış, 1902-1909-cu illərdə Eks-an-Provansda yaşamışdır. Atasının səhhəti ilə əlaqədar Beyruta qayıtmalı olmuş və orada vəkil kimi çalışmışdır. 1913-cü ildə Raymon, 1917-ci ildə Andre, 1921-ci ildə Pyer adlı oğulları dünyaya gəlmişdir.

Hərbi xidmətiRedaktə

Birinci Dünya Müharibəsi zamanı Misir cəbhəsində vuruşmuş Emil Edde Fransa ordusunun suriyalı və livanlı könüllülərdən ibarət Şərqi Legionunun (Légion d’Orient) yaradıcılarından biri olmuşdur. Sözügedən legion Livan hərbi qüvvələrinin təməli sayılır.

Baş nazirliyiRedaktə

11 oktyabr 1929-cu ildə 25 mart 1930-cu ilə qədər Edde Livanın baş naziri vəzifəsində çalışmışdır.

PrezidentliyiRedaktə

1936-cı ildə Edde Milli blok adlı siyasi partiya yaradaraq ona rəhbərlik etməyə başladı. Elə həmin il Livan prezidenti oldu. 1941-ci ildə Vişi hökumətinin siyasətinə etiraz olaraq istefa etdi.

1943-ci ildə Livanın müstəqillik qazanmasından sonra 11 gün ərzində (11-22 noyabr) yenidən prezident vəzifəsini icra etmişdir.

İstinadlarRedaktə

  1. Hallak H. موقع يا بيروت: آل إدِّه.
  2. 1 2 Emile Eddé // Roglo. 1997.
  3. Bibliothèque nationale de France Émile Eddé // BnF identifikatoru (fr.): açıq məlumat platforması. 2011.

Xarici keçidlərRedaktə