Vikipediya

Emin Musavi

Jurnalist

Musavi Emin Qabil oğlu (29 sentyabr 1976, Bakı[1]) — Azərbaycan Respublikasının əməkdar jurnalisti,[2] televiziya və radio aparıcısı, "ASAN Radio"nun direktoru.[3][4][5]

Emin Musavi
Emin Qabil oğlu Musavi
Emin Musavi
Emin Musavi
Doğum tarixi 29 sentyabr 1976(1976-09-29) (47 yaş)
Doğum yeri
Atası Qabil Musavi
Anası Zemfira Novruzbəyova
Milliyyəti Azərbaycanlı
Təhsili
Fəaliyyəti 1997 – h. h.
Mükafatları "Azərbaycan Respublikasının əməkdar jurnalisti" fəxri adı — 2022
"Tərəqqi" medalı
emin-musavi.business.site
Vikianbarın loqosu Vikianbarda əlaqəli mediafayllar

Həyatı redaktə

Musavi Emin Qabil oğlu 29 sentyabr 1976-cı ildə Bakı şəhərində doğulub. Orta təhsilini Bakı şəhər 46 saylı orta məktəbdə alıb.[6]

1994–2000-ci illərdə Azərbaycan Tibb Universitetinin Pediatriya fakültəsində Psixiatr ixtisasına yiyələnib. Həmçinin Bakı Sosial İdarəetmə və Politologiya İnstitutunu Politologiya ixtisası üzrə bitirib.[6]

1997–1999-cu illərdə ANS ÇM radiosunda aparıcı vəzifəsində çalışıb.

1999–2000-ci illərdə 106 FM radiosunda direktor vəzifəsində çalışıb.[7]

2000–2002-ci illərdə orduda həqiqi hərbi xidmətdə olub.

2003–2004-cü illərdə Space TV-də aparıcı, 2004–2012-ci illərdə "Azad Azərbaycan" radiosunda (106.3 FM) direktor və aparıcı kimi fəaliyyətini davam etdirib. Eyni zamanda "Azad Azərbaycan Televiziyası"nda aparıcı və müəllif kimi çalışıb.

2010–2015-ci illərdə Latviya səfirliyində KİV-lərlə iş üzrə məsləhətçi (ictimai əsaslarla) vəzifəsində işləyib. Xarici ölkələr üçün tanıtım xarakterli filmlərin çəkilməsi və həmin filmlərin xarici kanallarda yayımlanması da fəaliyyət sahəsinə daxil olub.

Televiziya layihələri çərçivəsində dünyanın aparıcı siyasətçiləri — İsrailin prezidenti Şimon Peres, Latviya prezidentləri, Estoniya, Argentina, Almaniya rəsmiləri, parlament üzvləri ilə, eyni zamanda, Layma Vaykule, Vaxtanq Kikabidze, Raymond Pauls, Polad Bülbüloğlu və s. kimi sənətçilərdən müsahibə alıb.

2015-ci ildən ASAN Radionun direktoru vəzifəsində fəaliyyət göstərir.[8][9][10][11]

2019-cu ildə "EU NEİGHBOURS" Şərq layihəsi çərçivəsində Helsinki və Tallin şəhərlərində, 2 dəfə isə Amerikada olub xüsusi audio və video buraxılışlar hazırlayıb. "IVLP" proqramı çərçivəsində Amerikanın müxtəlif ştatlarında yerləşən radiostansiyalarda təcrübə mübadiləsində iştirak edib. "Hello, America!" və "Avropadasan" verilişlərinin prodüserlik vəzifəsini icra edib. 2021-ci ildə Azərbaycan Respublikasının Medianın İnkişafı Agentliyi və ADA Universitetinin İxtisasartırma Proqramlarının birgə təşkilatçılığı ilə keçirilən "Mediada islahatlara doğru" silsilə seminarların iştirakçısı olub.

Ailəlidir, 2 övladı var.

Təltifləri redaktə

  • "ASAN FM" radiosunun direktoru Emin Musavi Rayonun ictimai‐siyasi, sosial‐iqtisadi və mədəni həyatındakı yeniliklərin ictimaiyyətə obyektiv və qərəzsiz, şəkildə çatdırılmasında xidmətlərinə görə 22 iyul Milli Mətbuat və Jurnalistika günü münasibətilə Binəqədi Rayon İcra Hakimiyyəti başçısının Fəxri Fərmanı ilə təltif olunmuşdur.[12]
  • "ASAN xidmət" işçilərinin peşə bayramı günü münasibətilə və dövlət xidmətlərinin göstərilməsinin təkmilləşdirilməsində səmərəli fəaliyyətinə görə Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin əməkdaşı Emin Musavi Azərbaycan Respublikası Prezidentinin Sərəncamına əsasən "Tərəqqi" medalına layiq görülmüşdür.[13]
  • Emin Musavi Azərbaycan Respublikası Prezidentinin Sərəncamına əsasən Jurnalistika sahəsində səmərəli fəaliyyətinə görə "Əməkdar jurnalist" fəxri adına layiq görülmüşdür.[14]

İstinadlar redaktə

  1. ↑ 1 2 Freebase Data Dumps. Google.
  2. ↑ "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin bir qrup əməkdaşının təltif edilməsi haqqında Azərbaycan Respublikası Prezidentinin Sərəncamı". 2022-12-27 tarixində arxivləşdirilib. İstifadə tarixi: 2022-12-27.
  3. ↑ ""ASAN radio"-nun rəhbəri Emin Musavi ilə gənclər təşkilatlarının görüşü keçiriləcək". https://nayora.org/.[ölü keçid]
  4. ↑ "Emin Musavi könüllü oldu - FOTOLAR". Femida.Az. 2021-07-27 tarixində arxivləşdirilib. İstifadə tarixi: 2022-04-07.
  5. ↑ ""ASAN Radio"nun icraçı direktoru Emin Musavi "Tərəqqi" medalı ilə təltif edilib". www.gununsesi.info. 2021-07-26 tarixində arxivləşdirilib. İstifadə tarixi: 2022-04-07.
  6. ↑ 1 2 ""Mediada təsadüfi adamlar çoxdur" – Emin Musəvi ilə MÜSAHİBƏ". 2021-07-27 tarixində arxivləşdirilib. İstifadə tarixi: 2021-07-26.
  7. ↑ ""ASAN FM" radiosunun rəhbəri məlum oldu". Trend.Az. 5 okt 2015. 2021-07-31 tarixində arxivləşdirilib. İstifadə tarixi: 2021-07-31.
  8. ↑ "Emin Musəvi xanımı ilə - FOTO - son xeberler". Sonxeber.az. 2021-07-31 tarixində arxivləşdirilib. İstifadə tarixi: 2021-07-31.
  9. ↑ "APA Holding, ASAN radio sign MoU for cooperation". Apa.az. 2022-04-07 tarixində arxivləşdirilib. İstifadə tarixi: 2022-04-07.
  10. ↑ "Üç yaşlı "ASAN Radio"nun direktoru: "Hələ özümüzdən tam razı deyilik"". Report İnformasiya Agentliyi. 2021-07-31 tarixində arxivləşdirilib. İstifadə tarixi: 2021-07-31.
  11. ↑ "404" (PDF). www.digital.gov.az. 2023-07-08 tarixində arxivləşdirilib (PDF). İstifadə tarixi: 2022-04-07.
  12. ↑ "Emin Musavi 22 iyul Milli Mətbuat və Jurnalistika günü münasibətilə Binəqədi Rayon İcra Hakimiyyəti başçısının Fəxri Fərmanı ilə təltif olunmuşdur" (PDF). 2018-12-21 tarixində arxivləşdirilib (PDF). İstifadə tarixi: 2021-07-26.
  13. ↑ "Azərbaycan Respublikasının Prezidenti yanında Vətəndaşlara Xidmət və Sosial İnnovasiyalar üzrə Dövlət Agentliyinin əməkdaşlarının təltif edilməsi haqqında Azərbaycan Respublikası Prezidentinin Sərəncamı » Azərbaycan Prezidentinin Rəsmi internet səhifəsi". president.az. 2022-04-07 tarixində arxivləşdirilib. İstifadə tarixi: 2022-04-07.
  14. ↑ "Arxivlənmiş surət". 2022-12-27 tarixində arxivləşdirilib. İstifadə tarixi: 2022-12-27.

Xarici kecidlər redaktə

Mənbə — "https://az.wikipedia.org/w/index.php?title=Emin_Musavi&oldid=7402915"