Enn Linç Botta
Enn Linç Botta - Amerikalı şairə, yazıçı və müəllimə. (D.11 noyabr 1815/ Ö. 23 mart 1891)
| Enn Linç Botta | |
|---|---|
_MET_DT287621.jpg) | |
| Doğum adı | Anne Charlotte Lynch[3] |
| Doğum tarixi | 11 noyabr 1815[1] |
| Vəfat tarixi | 23 mart 1891[1][2] (75 yaşında) |
| Vəfat yeri | |
| Vəfat səbəbi | ağciyər iltihabı |
| Fəaliyyəti | sahibə[d], şair, sosial fiqur[d], heykəltaraş, ədəbiyyat tarixçisi, yazıçı |
 Vikianbarda əlaqəli mediafayllar | |
Həyatı
redaktəGerçək adı Anne Charlotte Lynch olan Anne Botta, 11 noyabr, 1815-ci ildə, Amerikanın Wermont əyalətində anadan olmuşdur. İrlandiya əsilli olan atası Patrich Lynch, 1798 İrlandiya üsyanında iştirak etdiyi üçün ölkədən qovulmuş, 18 yaşı olarkən Amerikaya yerləşmişdir. 1812.ci ildə Charlotte Gray adlı xanımla ailə həyatı qurmuş və bu izdivaçdan Anne və oğulları Thomas Rowson dünyaya gəlmişdir. 1819.cu ildə atasını itirən Anne, 16 yaşı olarkən Albany Qızlar Akademiyasına daxil olmuş, 1834 də isə, təhsilini yüksək dərəcəylə başa vurduqdan sonra, məhz orada bir neçə il müəlliməliklə maşğul olmuşdur. Ardından anasıyla birlikdə Rhoda Islanda köçmüş və müəlliməliyə davam etmişdir. Bununla yanaşı O, şairə və yazıçı kimi də fəaliyyət göstərmiş və evi uzun illər boyunca ədəbi dəvətlərin verildiyi bir mərkəz olmuşdur. 1841.ci ildə, Annenin redaktorluğu ilə, içərisində bir çox şairin əsərləriylə yanaşı öz şeirlərinin də olduğu kitab, həmçinin 1848.ci ildə şeirlərinin məcmuasını əks etdirən digər bir kitabı da işıq üzü görmüşdür. Bununla yanaşı eyni anda bir çox fərqli jurnalda yazıları dərc olunmuşdur. Evində verdiyi ədəbi dəvətlər səbəbiylə, dövrün bir çox ədibiylə tanış olma imkanı qazanmış, həmçinin bir çox təzə qələm sahibinin də ictimaiyyətə tanıdılmasında rol oynamışdır. Bunların arasında Edqar Allan Po da var idi. 1853.cü ildə getdiyi Avropada İtalyan fəlsəfə professoru Vincenzo Botta ilə tanış olan Anne Lynch 1855.ci ildə onunla ailə həyatı qurmuşdur. Ədəbiyyata dəyərli töhfələri ilə tanınan bu aktiv qadın, 1860.cı ildə müxtəlif yazıçılar və fəaliyyətləri məzmununda bir kitab qələmə almışdır. O kitab ki, bəzi təhsil qurumlarında məlumat məqsədli müraciət edilən bir qaynaq olaraq istifadə edilmişdir. 23 mart, 1891.ci ildə, 75 yaşında vəfat edən Anne Botta, avtobioqrafiya kitabı yazmağı rədd etmişdir. Odur ki, ölümündən iki il sonra, 1893.cü ildə bioqrafiya məlumatlarını və məktublaşmalarını əks etdirən kitab, həyat yoldaşı tərəfindən yayımlanmışdır.
İstinadlar
redaktə- ↑ 1 2 Anne Charlotte Lynch Botta // FemBio database (alm.).
- ↑ https://en.wikisource.org/wiki/Woman_of_the_Century/Anne_Charlotte_Lynch_Botta.
- ↑ Blain V., Grundy I., Clements P. The Feminist Companion to Literature in English (ing.): Women Writers from the Middle Ages to the Present. 1990. P. 117.
- ↑ http://www.librarycompany.org/women/portraits/botta.htm.
- ↑ http://www.womenhistoryblog.com/2014/01/anne-lynch-botta.html.