Eno qraflığı

Eno qraflığı (fr. Comté de Hainaut; nid. Graafschap Henegouwen), bəzən Enolt olaraq da yazılır. Hazırda BelçikaFransanın sərhədi olan ərazini əhatə edən orta əsrlər Müqəddəs Roma İmperiyası daxilində bir dövlət idi. Onun ən mühüm şəhərlərinə hazırda Belçikada olan Mons və indi Fransada yerləşən Valansyen daxildir.

Eno qraflığı

lat. Comitatus Hanoniensis
nid. Graafschap Henegouwen
fr. Comté de Hainaut
alm. Grafschaft Hennegau
900–1433
Eno qraflığı gerbi
Gerb
Eno qraflığı xəritədə yeri
StatusuMüqəddəs Roma imperiyasının qraflığı
PaytaxtıMons
Ümumi dilləriFransız dili
Niderland dili
Vallon dili
Alman dili
Pikard dili
Qraf 
• ?–898
I Reqinar (ilk)
• 1792–1794
II Frans (son)
Tarixi 
• Yaranması
900
• Süqutu
1433
Ərazisi
Sələfi
Xələfi
Mons qraflığı
Brabant lanqraflığı
Valansyen markqraflığı
Burqundiya Niderlandı

Qraflıq Hayn çayının adını daşıyırdı. Enonun ilkin nüvəsi Belçikanın Eno əyalətinin mərkəzi hissəsindən və Fransanın Nor departamentinin şərq hissəsindən (Aven-sür-ElpValansyen rayonları) ibarət idi.

TəkamülüRedaktə

Eno artıq VIII əsr mənbələrində Romanın Famars və Bavay şəhərlərini əhatə edən bir Frank vilayəti kimi keçirdi. IX əsrdə, o artıq qraflıq kimi xatırlanır. Bölgənin bir çox qraflığında olduğu kimi, yəqin ki, X əsrdə müxtəlif feodallar arasında ərazilərin kəskin parçalanması var idi. Mövcudiyyəti boyu Eno Fransa krallığı ilə sərhəd ərazisi idi. 843-cü ildən Lotarinqiyanın bir hissəsi idi. Təxminən 925-ci ildən sonra Lotarinqiya Şərqi Frank imperiyasının bir hissəsinə çevrildi. Eno və onun ətraflı orta əsrlərdə mühüm sərhəd bölgəsi olaraq qaldı. O, indiki Almaniya ərazisindən hökmranlıq edən Müqəddəs Roma İmperiyasının bir hissəsi olsa da, mədəni və linqvistik baxımdan Fransanın, dini baxımdan Reyms yeparxiyasının bir hissəsi idi. Qonşuları BrabantFlandriya kimi o tez-tez Fransa siyasətinin bir komponenti olmuşdu.

Eno qrafları çox vaxt Flandriya və Hollandiya da daxil olmaqla digər əyalətlərin hökmdarları idilər. Belə fərdi birliklərə misal olaraq aşağıdakıları göstərmək olar:

  • Eno və Flandriya: 1067–71 və yenidən 1191–1246
  • Eno, Hollandiya və Zelandiya: 1299–1356
  • Eno, Hollandiya və Zelandiya Bavariya-Ştraubinq tərkibində: 1356–1432

1432-ci ildə Eno, Hollandiya və Zelandiya Fransanın Valua-Burqundiya sülaləsinə aid olan Niderlanddakı ərazilərin böyük aqlomerasiyası tərkibinə qoşuldu. Bu aqlomerasiyada Flandriya, Artua, Namur, Brabant, Limburq və daha sonra Lüksemburq qoşuldu. Burqundiya Niderlandı adlanan bu dövlət sonradan Habsburqlar sülaləsinə miras qaldı.

1659 və 1678-ci illərdə Enonun cənubu Fransa tərəfindən işğal edildi. Şimal hissəsi Habsburq Niderlandının bir hissəsi olmağa davam etdi. Bu əyalətin çox hissəsi kimi, Enonun şimal hissəsi də sonradan Birinci Fransa Respublikasına daxil edildi, lakin daha sonra 1830-cu ildə Belçikanın bir hissəsi oldu.