Hollandiya qraflığı

Hollandiya qraflığı — Ərazisi Niderlandın indiki Şimali Hollandiya və Cənubi Hollandiya əyalətlərinə uyğun gələn tarixi ərazi. Ərazi 938-ci ildən 1433-cü ilə kimi Müqəddəs Roma İmperiyasının mülku olub. Sonra 1433-cü ildən Burqundiya Niderlandının bir hissəsi, 1482-ci ildən Habsburq Niderlandının bir hissəsi və 1581-ci ildən 1795-ci ildə baş vermiş "Bataviya İnqilabı"na qədər bir hissəsi olaraq qaldığı Yeddi Birləşmiş Əyalət Respublikasının aparıcı əyaləti idi.

Müqəddəs Roma imperiyasının qraflığı
Hollandiya qraflığı
lat. Comitatus Hollandiae nid. Graafschap Holland
Gerb
«lat. "Vigilate Deo confidentes" "Allaha güvənərək bax"»
←   → 880 — 1795
Paytaxt	Haaqa
Dilləri	Friziya dili Qədim Niderland dili Orta Niderland dili Niderland dili
Rəsmi dilləri	Friz dilləri, niderland dili
Qraf
• 880–896	Hollandiyalı Qerolf (ilk)
• 1555-1581	II Filipp (son)
Vikianbarda əlaqəli mediafayllar

Qraflığın yaranması və etimologiya

Əvvəlcə Hollandiya ərazisində frizlər yaşayırdı. Ən qədim mənbələr Vli boğaznın qərbində Friziya (həmçinin Qərbi Friziya kimi də tanınır) kimi dəqiq müəyyən edilməmiş qraflığa istinad edirlər. 1101-ci ildən əvvəlki mənbələr Friziya qraflarından danışırdılar, lakin məhz bu ildə Hollandiya qrafı kimi "II Floris"in adı çəkilir (lat. Florentius comes de Hollant). Hollandiya sözünün kökünün, Qədim Niderland dilindəki holt lant yəni "meşəlik torpaq" sözündən gəldiyi düşünülür. Hollandiya qrafları 1291-ci ildə "V Florisin" özünü Hollandiya və Zelandiya qrafı, Frizlandiyanın ağası adlandırmaq qərarına gələnə qədər, ümumiyyətlə, bu vahid titulu saxlamışdı. Hollandiya Eno, Bavaria-Ştraubinq və Burqundiya Hersoqluğu ilə birləşdirildikdən sonra da bu titul istifadə edilmişdir. Bu titul zaman keçdikcə əhəmiyyətini itirdi və ən sonuncu dəfə İspaniya kralı II Filipp tərəfindən istifadə olundu.