Enriko Kavilya
Enriko Kavilya (it. Enrico Caviglia; 4 may 1862[1] – 22 mart 1945[1]) – İtaliya dövlət xadimi və İtaliya ordusunun zabiti. Rus-yapon müharibəsinə hərbi müşahidəçi qismində qatılmışdır.
| Enriko Kavilya | |
|---|---|
| it. Enrico Caviglia | |
 | |
| Şəxsi məlumatlar | |
| Doğum adı | Enrico Caviglia |
| Doğum tarixi | 4 may 1862[1] |
| Vəfat tarixi | 22 mart 1945[1] (82 yaşında) |
| Vətəndaşlığı | |
| Hərbi fəaliyyəti | |
| Qoşun növü | İtaliya Kral Ordusu |
| Döyüşlər | |
| Təltifləri |
      |
 Vikianbarda əlaqəli mediafayllar | |
Həyatı
redaktəEnriko Kavilya 1862-ci ildə Savona əyalətinin Finale-Liqure kommunasında doğulmuşdur. Turin şəhərində yerləşən hərbi akademiyada təhsil almış, 1884-cü ildə artilleriyada hərbi xidmətə başlamışdır. Əvvəlcə 1888–1889-cu illərdə, daha sonra 1896–1897-ci illərdə Eritreyada hərbi xidmət göstərmişdir. 1903-cü ildə mayor rütbəsinə yüksəlmişdir.[2]
1903-cü ildə Rus-yapon müharibəsini Yaponiya tərəfdən müşahidə etmək üçün Mancuriyaya göndərilmişdir. 1911-ci ilə qədər Şərqi Asiyada qalmış, Tokio və Pekində İtaliyanın hərbi ateşesi kimi fəaliyyət göstərmişdir. Asiya qitəsini at belində keçərək İtaliyaya qayıtmış və 1912-ci ildə Liviya hərəkatında döyüşmüşdür. Birinci Dünya müharibəsi zamanı 1915-ci ildə briqada, 1916-cı ildə diviziya, 1917-ci ildə korpus və 1918-ci ildə ordu komandanı olmuşdur. 1920-ci ildə qısa müddətliyinə müharibə naziri təyin olunmuşdur. 1920-ci ildə faşist Qabriele Dannunsionu Fiume şəhərində çıxarmışdır. 1926-cı ildə İtaliya marşalı rütbəsinə yüksəlmişdir.[2]
Kavilya İtaliya kralı II Viktor Emanuelə sadiq qalmış, antifaşizmi dəstəkləmiş, İkinci dünya müharibəsi zamanı Benito Mussoliniyə qarşı hərbi çevrilişdə və İtaliyanın təslim olmasında iştirak etmişdir.[2]
İstinadlar
redaktə- ↑ 1 2 3 4 Bibliothèque nationale de France BnF identifikatoru (fr.): açıq məlumat platforması. 2011.
- ↑ 1 2 3 Kowner. səh. 77
Ədəbiyyat
redaktə- Kowner, Rotem. Historical Dictionary of the Russo–Japanese War (ingiliscə). The Scarecrow Press. 2006. 83. ISBN 978-0-8108-4927-3. İstifadə tarixi: 1 may 2023.