Ettore Puriçelli
Ektor ("Ettore") Puriçelli Senya (it. Hector "Ettore" Puricelli Seña ;15 sentyabr 1916, Montevideo – 14 may 2001, Roma) — Uruqvay və İtaliya vətəndaşlığı olmuş keçmiş futbolçu. Mövqeyi hücumçu olub.[1] Futbolçu karyerasını bitirdikdən sonra məşqçi kimi işləyib.[2]
| Ettore Puriçelli | |
|---|---|
 | |
| Ümumi məlumatlar | |
| Doğum tarixi | 15 sentyabr 1916 |
| Doğum yeri |
|
| Vəfat tarixi | 14 may 2001 (84 yaşında) |
| Vəfat yeri | |
| Vətəndaşlığı | |
| Mövqeyi | hücumçu |
 Vikianbarda əlaqəli mediafayllar | |
Karyera
redaktəKaryerasına doğma Montevideonun "Sentral" komandasında başlayıb. Uruqvayda 5 il oynadıqdan sonra Puriçelli İtaliyanın "Bolonya" klubuna gedir. Bu keçid "Bolonya" tarixinin ən yaxşı dövrlərindən birinə təsadüf edir. İlk mövsümdə (1938–1939) Puriçelli 19 qol vuraraq Aldo Boffi ilə birlikdə İtaliya A Seriyasının bombardiri olur. Komandası isə bütun klubları qabaqlayaraq İtaliya çempionu olur. 1940–41 mövsümündə hər şey təkrarlanır, 22 qolla Puriçelli A Seriyasında ən yaxşı snayperi, "Bolonya" isə İtaliya çempionu olur. Puriçelli baş ilə əla oynadığı üçün "Qızıl Baş" ləqəbini alır.
II Dünya Müharibəsindən sonra Puriçelli "Milan" klubuna keçir. "Milan" ilə Seriya A Çempionluğunu və İtaliya kubokunu qazanır.
Daha sonra B Seriyasında yarışan "Lenyano" klubuna keçir və karyerasını orada ilə bitirir.
"Bolonya" ilə A Seriyasında 133 oyun keçirərək 80 qol vurur.
"Milan" ilə A Seriyasında 157 oyunda 55 qol vurur.
"Lenyano"nun heyətində 38 oyunda 25 dəfə fərqlənir..
Futbolçu karyerasını bitirdikdən sonra məşqçi kimi işləyir.[3]
Uğurları
redaktəKomanda
redaktə- İtaliya çempionu: 1939, 1941, 1955
- Latın Kubokunun qalibi: 1956
Fərdi
redaktə- İtaliya çempionatının bombardiri: 1939 (19 qol), 1941 (22 qol)
İstinadlar
redaktə- ↑ "Arxivlənmiş surət". 2022-01-02 tarixində arxivləşdirilib. İstifadə tarixi: 2021-03-18.
- ↑ "Arxivlənmiş surət". 2022-03-31 tarixində arxivləşdirilib. İstifadə tarixi: 2021-03-18.
- ↑ "Arxivlənmiş surət". 2020-12-25 tarixində arxivləşdirilib. İstifadə tarixi: 2021-03-18.
Xarici Keçidlər
redaktə- Ettore Puriçelli National-Football-Teams.com'da
- Ettore Puriçelli at WorldFootball.net
- EU-Football.info saytında profili (ing.)