Füruğ Fərruxzad

Füruğ Fərruxzad (fars. فروغ فرخزاد‎; 5 yanvar 1935, Tehran, İran — 13 fevral 1967, Tehran, İran) — İran şairəsi, rejissor.

Füruğ Fərruxzad
fars. فروغ فرخزاد‎
Doğum adı	Füruğzaman Fərruxzad
Doğum tarixi	5 yanvar 1935
Doğum yeri	Tehran, İran
Vəfat tarixi	13 fevral 1967 (32 yaşında)
Vəfat yeri	Tehran, İran
Vəfat səbəbi	Yol-nəqliyyat qəzası
Dəfn yeri	Zahirəddövlə qəbiristanlığı
Vətəndaşlığı	İran
Milliyyəti	fars
Fəaliyyəti	şairə, aktrisa, kinorejissor
Əsərlərinin dili	farsca
forughfarrokhzad.org/ind…
Vikianbarda əlaqəli mediafayllar

Həyatı

Füruğ Fərruxzad 1935-ci il yanvar ayının 5-də Tehranda, hərbi xidmətçi ailəsində dünyaya gəlib. Ailədə ondan başqa daha 6 uşaq var idi. 9-cu sinfi bitirəndən sonra Fərruxzad orta sənət məktəbinə daxil olub. 17 yaşında məzhəkəçi Pərviz Şapur ilə evlənib və Əhvaza köçüb. Oğlu Kamyar dünyaya gələndə ona "Sənin üçün bir şeir" adlı əsər həsr edib. İki ildən sonra şairə həyat yoldaşından ayrılıb və yeganə oğlunu keçmiş ərinin himayəsinə buraxmalı olub. Tehrana qayıdarkən 1955-ci ildə "Əsir" adında şeirlər məcmuəsini çap etdirib. 1958-ci ildə Fərruxzad Avropada filosof İbrahim Gülüstan ilə tanış olub və "Ev qaradır" adlı filmin ideyasını ondan alıb (bu vaxta qədər şairənin daha iki kitabı işıq üzü görmüşdü – "Divar" və "Üsyan"). Cüzam xəstəliyindən əzab çəkənlərdən bəhs edən bu film Təbrizdə çəkilib və tezliklə bütün dünyada şöhrət qazanıb. Füruğ Fərruxzad xəstə bir uşağı oğulluğa götürüb. 1963-cü ildə "Başqa bir doğuluş" adında son şeirlər məcmuəsini nəşr etdirib.

Füruğ Fərruxzad 1967-ci ildə avtomobil qəzasında həlak olub. Uşaqlarla dolu avtobusla toqquşmamaq üçün o idarə etdiyi maşını divara çırpıb və xəstəxanaya aparılarkən yolda dünyasını dəyişib.

Kitabları

Fərruxzadın əsərləri Azərbaycan dilinə Səməd Behrəngi tərəfindən tərcümə edilib.

• Əsir (1952)
• Divar (1957)
• Üsyan (1959)
• Başqa bir doğuluş (1964)
• Soyuq mövsümün başlanğıcına inanaq (bu kitabı bitirməmiş vəfat edib)

Mükafatları

• 1962-ci ildə Fərruxzadın çəkdiyi "İtaliya" sənədli filmi sənədli filmlər festivalında birinci yer qazanıb.
• 1963-cü ildə "Qara ev" filmi Almaniya Oberhausen Film Festivalinda ən yaxşı film seçilib.

Xarici keçidlər

• Foruğ Fərruxzad. ŞEİRLƏR Arxivləşdirilib 2008-10-12 at the Wayback Machine
• Salam, ey məsum gecə!