Fəqam Kəsəmənli
Fəqam Kəsəmənli, Fəhəm Kəsəmənli (Fəqam Paşa oğlu Kəsəmənli; 19 aprel 1932) — Fizika‑riyaziyyat elmləri doktoru, professor. Sankt‑Peterburq Dövlət Politexnik Universitetinin eksperimental fizika kafedrasının professoru.[1], nobelşünas alim, "Rusiya Federasiyasının ali peşə təhsili fəxri işçisi", "Əməkdar professor". “Əmək veteranı” medalı, “SSRİ ixtiraçısı”, “Əməkdə əla nailiyyətlərə görə” ilə təltif olunmuşdur. Paşa bəy Kəsəmənlinin oğludur. Qıraq Kəsəmən kəndindəndir, Gəncə şəhərində anadan olub.
| Fəqam Kəsəmənli | |
|---|---|
| Doğum tarixi | 19 aprel 1932 (91 yaş) |
| Doğum yeri | |
| Elm sahəsi | yarımkeçiricilər fizikası[d] |
| Elmi dərəcəsi | |
| İş yeri | |
| Təhsili | |
| Mükafatları |
 |
Həyatı redaktə
Fəqam Kəsəmənli 1932-ci ildə Gəncə şəhərində doğulmuşdu. Əslən Ağstafa rayonunun Qıraq Kəsəmən kəndindəndir. Fəqam bəy 1939-cu ildə məktəbdə oxumağa başlayır. 1942-ci ilin payızında o, ailəsi ilə birlikdə Qazax şəhərinə, 1944-cü ildə isə Bakıya köçür. 1949-cu ildə orta məktəbi bitirərək Azərbaycan Dövlət Universitetinin (indiki Bakı Dövlət Universitetinin) fizika-riyaziyyat fakültəsinin fizika şöbəsinə daxil olur.
O, ali təhsil almaqla yanaşı, 1952-ci ilin payızından Bakının Sabunçu qəsəbəsindəki 58 saylı axşam məktəbində fizika və riyaziyyat müəllimi işləməyə başlayır. 1954-cü ilin avqustundan Azərbaycan EA Fizika və Riyaziyyat İnstitutunun istilik fizikası laboratoriyasında baş laborant vəzifəsində çalışmağa başlayan tələbə F.Kəsəmənli həmin laboratoriyada diplom işini yerinə yetirir, 1955-ci ilin mayında həmin diplom işini "əla" qiymətlə müdafiə edir, universiteti yetkin bir fizik kimi bitirir.[2]
Ailəsi redaktə
Fəqam Paşa bəy Kəsəmənlinin oğludur. Azərbaycanın əski bəylərinin nəslindəndir. Ailədə dörd oğuldan ikincisi Fəqam olub.
Təltif və mükafatları redaktə
- “Əmək veteranı” medalı,
- “SSRİ ixtiraçısı”,
- “Əməkdə əla nailiyyətlərə görə”,
- “Rusiya Federasiyasının ali peşə təhsilinin fəxri işçisi”
İstinadlar redaktə
- ↑ Bağıyeva, Mətanət. Xaricdə yaşayan azərbaycanlılar. Qısa bioqrafik məlumat kitabçası (PDF) (az.). Bakı: "Papirus NP". 2016. ISBN 978-9952-8299-1-4. 2017-10-21 tarixində arxivləşdirilib (PDF). İstifadə tarixi: 2019-01-02.
- ↑ "Piterli alimlərimizin ağsaqqalı". 2023-07-20 tarixində arxivləşdirilib. İstifadə tarixi: 2018-04-30.