Fərəc bəy Məliknamazəliyev

Məliknamazəliyev Fərəc bəy Kərbəlayı Mehdi bəy oğlu Zəngəzur qəzasının rəisi, titulyar müşavir, repressiya qurbanı.

Fərəc bəy Məliknamazəliyev
ƏvvəlkiVəzifə təsis olundu.
SonrakıHüseyn bəy Mahmudbəyov
Şəxsi məlumatlar
Doğum tarixi
Doğum yeri Pirəhmədli, Vərəndə sahəsi, Şuşa qəzası, Rusiya imperiyası
Vəfat tarixi
Vəfat yeri Pirəhmədli, Şuşa qəzası, Gəncə quberniyası, Azərbaycan SSR
Atası Kərbəlayı Mehdi bəy
Həyat yoldaşları Bədircahan bəyim Mustafa ağa qızı Cavanşir, Asiyabəyim xanım Axundova
Uşağı Həsən bəy

Həyatı redaktə

Fərəc bəy Məliknamazəliyev 1863-cü ildə Şuşa qəzasının Vərəndə sahəsinin Pirəhmədli kəndində anadan olmuşdu. Şuşa qəza məktəbini bitirəndən sonra dövlət idarələrində qulluğa başlamışdı. Öncə Tiflisdə Qafqaz canişinliyində tərcüməçi işləmişdi. Zaqatala sahəsində polis pristavı kimi çalışmışdı. Bir müddət də Qaryagin qəzasında işləmişdi. ADR dönəmində Zəngəzur qəzasının rəisi vəzifəsinə təyin olunmuşdu. Erməni basqınçılarına qarşı camaatın müdafiəsini təşkil etmişdi. Arxiv sənədlərində yazılır: "Cəbrayıl və Zəngəzur qəza rəisi Məliknamazəliyevdən teleqram. İngilis-Fransız nümayənədləri çıxıb getdikdən sonra dekabrın 10-da ermənilər müsəlmanların Şəbədiyə və beşinci sahənin başqa kəndlərinə hücum etdilər. Əsir ermənilər belə ifadə verirlər ki, bütün hadisələrin günahkarı Andranikdir: çaya qədər bütün torpaqları o, Ermənistana birləşdirmək qərarına gəlib, buna görə də döyüşdən boyun qaçırdan erməniləri asır. Küm dərəsi yanında döyüşlər gedir".

Quberniya katibi dərəcəsindən titulyar müşavir dərəcəsinə qədər ucalmışdı. Fərəc bəy Məliknamazəliyev 1921-ci ildə bolşeviklər tərəfindən öldürülüb.

Ailəsi redaktə

Fərəc bəy öncə Bədircahan bəyim Mustafa ağa qızı Cavanşirlə, onun vəfatından sonra isə Asiyabəyim xanım Axundova ilə ailə qurmuşdu. Həsən bəy adlı oğlu vardı.

Ədəbiyyat redaktə

  • Ənvər Çingizoğlu, Məliknamazəliyevlər:Pirəhmədli bəyləri, "Soy" elmi-kütləvi dərgi, 2011, № 3, səh.31–41.

Həmçinin bax redaktə