Əsas menyunu aç

Hacıyev Fərhad Məcid oğlu - Azərbaycan Respublikası Gənclər və İdman nazirinin müavini.

Fərhad Hacıyev
Hacıyev Fərhad Məcid oğlu
Fərhad Hacıyev.jpg
Doğum tarixi 1980(1980)
Doğum yeri Sumqayıt, Azərbaycan
Vətəndaşlığı Azərbaycan
Təhsili Azərbaycan Universiteti, Azərbaycan Dövlət İqtisad Universiteti
Mükafatları
"Dövlət qulluğunda fərqlənməyə görə" medalı
Azərbaycan Respublikası Prezidentinin Fəxri Diplomu — 2015

Həyat və FəaliyyətiRedaktə

Hacıyev Fərhad 1980-ci ildə Sumqayıt şəhərində anadan olub. Azərbaycan UniversitetiniAzərbaycan Dövlət İqtisad Universitetini fərqlənmə ilə bitirib. Fəlsəfə üzrə fəlsəfə doktoru elmi dərəcəsi var. Harvard Kennedi Məktəbinin məzunudur. Əmək fəaliyyətinə 1998-ci ildən Azərbaycan Respublikasının Gənclər Təşkilatları Milli Şurasında departament müdiri vəzifəsində başlamışdır. 1999-cu ildə ARGTMŞ-in Məclis Sədri, 2000-ci ildə isə Baş Katibi seçilmişdir. 2001-ci ildə Azərbaycan Respublikası Gənclər və İdman nazirliyində Beynəlxalq təşkilatlarla iş sektorunun müdiri vəzifəsinə təyin olunmuşdur. 2001-2002-ci illərdə Azərbaycan Respublikasının silahlı qüvvələrində hərbi xidmətdə olmuşdur. 2002-ci ilin noyabr ayında Gənclər və İdman nazirliyinin Gənclərlə iş şöbəsinin müdiri vəzifəsinə təyin olunmuşdur. 2006-2009-cu illərdə Avropa Şurasının Gənclərlə iş üzrə Proqram Komitəsinin sədri vəzifəsində çalışıb. 2011-ci ildən 2018-ci ilə qədər Azərbaycan Respublikasının Prezidenti yanında Gənclər Fondunun icraçı direktoru vəzifəsində işləyib[1]. 1 mart 2018-ci ildən isə Azərbaycan Respublikası Gənclər və İdman nazirinin müavinidir.

MükafatlarıRedaktə

2007-ci ildə Azərbaycan Respublikasının Prezidenti İlham Əliyevin Sərancamı ilə Dövlət qulluğunda fərqlənməyə görə medalı ilə təltif edilmişdir. 2015-ci ildə Birinci Avropa Oyunlarının təşkilində iştirak etdiyinə görə Azərbaycan Respublikası Prezidentinin Fəxri Diplomu ilə təltif edilmişdir.

İstinadlarRedaktə