Fəridə Məmmədova (müğənni)

Məmmədova Fəridə Kamal qızı (29 sentyabr 1976, Bakı) — azərbaycanlı müğənni, Azərbaycan Respublikasının əməkdar artisti.

Fəridə Məmmədova
Fəridə Kamal qızı Məmmədova
Farida soprano.jpg
Ümumi məlumatlar
Doğum tarixi (45 yaş)
Doğum yeri Bakı, Azərbaycan SSR, SSRİ
Musiqiçi məlumatları
Fəaliyyəti müğənni

HəyatıRedaktə

Fəridə Məmmədova (soprano) Bakı şəhərində anadan olub. 1994-cü ildə Bülbül adına orta ixtisas musiqi məktəbini bitirib. 1994-2000-ci illərdə Üzeyir Hacıbəyov adına Bakı Musiqi Akademiyasının fortepiano və solo oxuma fakültələrində təhsil alıb. 1997-ci ildən Azərbaycan Dövlət Akademik Opera və Balet Teatrında solist-vokalçı vəzifəsində çalışır.

1997-ci ildə Azərbaycanda vokalçıların "İlin vokalçısı" müsabiqəsində I mükafata, 2000-ci ildə Vokalçıların Bülbül adına II Beynəlxalq müsabiqəsində III mükafata layiq görülmüşdür. 2007-ci ildə Almaniyanın Veyden şəhərində keçirilən Maks Reger adına Beynəlxalq müsabiqənin finalçısıdır.

Azərbaycan Dövlət Akademik Opera və Balet Teatrında çalışdığı müddətdə teatrın səhnəsində aşağıdakı obrazları yaradıb: R.Mustafayevin "Vaqif" operasında Xuraman, M.Maqomayevin "Şah İsmayıl" operasında Gülzar, J.Bizenin "Carmen" operasında Mikaela, W.A.Mosartın "Cosi fan tutte" və "Fiqaronun toyu" operalarında Fiordilici və Qrafinya, V. Bellininin "Norma" operasında Norma, C.Verdinin "İl Trovatore" və "Don Carlos" operalarında Leonora və Yelizaveta, R.Leonkavallonın "I Pagliacci" operasında Nedda, C.Puççini "Il Tabarro" və "Gianni Schicchi" operalarında Giorgetta və La Ciesca, Çaykovskinin "Qaratoxmaq qadın" operasında Liza və s.

F.Məmmədova həm də geniş konsert fəaliyyəti ilə məşğul olur. Dəfələrlə klassik dünya və Azərbaycan bəstəkarlarının yaradıcılığından nümunələrlə müxtəlif simfonik, kamera orkestr və ansamblari ilə çıxış edir. Onun repertuarı barokko dövründən tutmuş muasir bəstəkarlarınin əsərlərinə kimi opera və kamera musiqisini əhatə edir. Bakıda R.Wagner, G.Mahler, A.Berg, A.Schoenberg, S.Raxmaninov, E.Denisov, F.Qarayev, G.Aperghis və s. vokal silsilə və monooperaların ilk ifaçısı olub.

F.Məmmədova ölkədə və onun hüdüdlarından kənarda (Almaniya, Fransa, İsveçrə, Avstriya, Hollandiya, Belçika, Çexiya, Bosniya, Serbiya, Türkiyə, Rusiya, Ukrayna, Qazaxstan, Qırğızıstan, Monqolustan və s.) solo konsert proqramları ilə çıxış edib, tanınmış Azərbaycan və xarici dirijorların rəhbərliyi altında müxtəlif orkestrərlə (Ü.Hacıbəyli adına Azərbaycan Dövlət simfonik orkestri, Q.Qarayev adına Azərbaycan Dövlət kamera orkestri, Vyana kamera orkestri, Yerusalim simfonik orkestri, Johannesburq simfonik orkestri, “Raana Symphonietta”, “Studio for the New Music”, “Asco-Schoenberg ensemble”, “Reconsil” və s.) əməkdaşlıq və nüfuzlu beynəlxalq festival və layihələrdə (Young-euro-classic, Beethovenfest, Culturescapes, Kyiv Music Fest, Vilnius Mama jazz, Aspendos festivalı, Türksoy Opera günləri, Moskvada Musiqi alətlər teatrı, Prokofyev FEST, Həştərxanda V.Barsova və M.Maksakova adına Opera festivalı, Roaring hooves, "Sarajevo winter" və s., Azərbaycanda keçirilən Beynəlxaıq Qəbələ festivalında, Qara Qarayev müasir musiqi, M.Rostropoviç adına, Üzeyir Hacıbəyli adına, "Zamanla üz-üzə", "İpək yolu" ) iştiraki onu yüksək səviyyəli və yenilliklərə açıq bir musiqiçi kimi təsdiqləyib.

Mükafat və təltifləriRedaktə

6 may 2015-ci ildə[2], 6 may 2016-cı ildə[3], 1 may 2017-ci ildə[4]9 may 2018-ci ildə[5] Prezident Mükafatına layiq görülmüşdür.

İstinadlarRedaktə

  1. "Azərbaycan Respublikasının mədəniyyət xadimlərinə fəxri adların verilməsi haqqında Azərbaycan Respublikası Prezidentinin 14 sentyabr 2012-ci il tarixli Sərəncamı". president.az (azərb.). Azərbaycan Respublikası Prezidentinin rəsmi internet saytı. 14 sentyabr 2012, 18:30. İstifadə tarixi: 8 may 2016.
  2. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  3. İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı
  4. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 01.05.2017. İstifadə tarixi: 2017-05-02.
  5. President.Az. "İncəsənət xadimlərinə Azərbaycan Respublikası Prezidentinin mükafatlarının verilməsi haqqında Azərbaycan Respublikası Prezidentinin Sərəncamı" (az.). President.az. 09.05.2018. İstifadə tarixi: 2018-05-10.