Fərid Quliyev

Fərid Ruslan oğlu Quliyev ( ) — Azərbaycan futbolçusu.

Fərid Quliyev
Ümumi məlumatlar
Tam adı	Fərid Ruslan oğlu Quliyev
Doğum tarixi	6 yanvar 1986
Vətəndaşlığı	Azərbaycan
Boyu	1.83 m (6 ft 0 düym)
Çəkisi	70 kq
Mövqeyi	hücumçu
Klub haqqında məlumat
Klub	Sumqayıt
Nömrəsi	86
Karyerası
Klub karyerası 2003—2005 Dinamo Bakı 6 (0) 2005—2006 Qarabağ 7 (1) 2006—2008 Bakı 26 (2) 2008 →  Muğan Salyan 13 (4) 2009—2010 Standard Sumqayıt 38 (19) 2010—2012 Neftçi Bakı 26 (3) 2012—h.h. Sumqayıt 0 (0) Milli yığma 2010—h.h. Azərbaycan 7 (1)

Fərid Quliyev gənc olsa da, artıq müəyyən özünəməxsus göstəricilər qazanıb. Çempionlar Liqasında qol vuran ən gənc azərbaycanlı futbolçudur. "Bakı" 2006-ci ildə Çempionlar Liqasının birinci mərhələsində mübarizəyə qoşularkən, o da bu komandanın üzvlərindən biriydi. Gürcüstanda "Sioni"yə uduzulan matçda (0:2) forma geyinməsə də, cavab görüşündə 45 dəqiqə meydanda oldu. Fasilədə Georgi Meqreladzeni əvəzləyən Fərid sona 15 dəqiqə qalmış adını tabloya yazdırdı. Başla vurduğu qol UEFA-nın rəsmi saytında da öz yerini tapdı. O, ilk mərhələnin ən gözəl qollarından birinə imza atmışdı. Gəncin təkbaşına fədakarlığı "Bakı"nın "Sioni" səddini keçməsinə çatmasa da, hər halda klub ÇL-də ilk qələbəsini qazandı. Oyunu izləmək üçün Tofiq Bəhramov adına Respublika stadionuna gələn azarkeşlərdən biri Rəşad Kərimov isə 18 min dollar uddu. "Bakı"nın udmasına əmin olub, bukmeyker kontoruna pul qoyduğu üçün. Milli çempionatlar tarixində vurulan ən erkən qol da Fəridin aktivindədir. "Standard"ın heyətində "Turan"ın qapısından 28-ci saniyədə ilk topu keçirib. Camal Məmmədovun ideal ötürməsini bir toxunuşla tora qovuşduran hücumçu bu görüşdə dubl etməklə yanaşı, 1 qolun da pasını verdi. Yola saldığımız çempionatda 7 dəfə rəqib qapıçılarını məyus edən forvard 4 qolu "Muğan"da, qalanlarını "Standard"da vurub. Legioner limiti götürüləndən sonra meydan gəlmələrə qalsa da, Quliyev əksər yerli futbolçular kimi gözdən itmədi. Bombardirlər siyahısı legionerlərin "oylağına çevrilib", bununla belə, Olimpiya yığmamızın keçmiş üzvü onların içərisində özünə yer edə bilib.

Uğurları

• Azərbaycan Milli Futbol Çempionatının bombardiri: (1) – 2009/2010

Mənbə

• Millidə oynamaq üçün "Real"a qol vurmalıyam?