Azərbaycan milli futbol komandası

Azərbaycan milli futbol komandasıAzərbaycanı beynəlxalq futbol arenasında təmsil edir və AFFA tərəfindən idarə olunur. Azərbaycan milli futbol komandası əsasən iki peşəkar futbol turnirində iştirak etmək üçün mübarizə aparır: FİFA Dünya KubokuUEFA Avropa Çempionatı. Azərbaycan futbol komandasının ev oyunlarının əksəriyyəti Tofiq Bəhramov adına Respublika Stadionunda keçirilir.

Azərbaycan milli futbol komandası
Shirt badge/Association crest
LəqəbiMilli
AssosiasiyaAFFA
KonfederasiyaUEFA
KapitanAzərbaycan Maksim Medvedev
Ən çox oyun keçirənAzərbaycan Rəşad Sadıqov (111)
Ən çox qol vuranAzərbaycan Qurban Qurbanov (14)
StadionTofiq Bəhramov adına Respublika Stadionu
Bakcell Arena
Bakı Olimpiya Stadionu
Dalğa Arena
FİFA koduAZE
FİFA reytinqi114 (21 dekabr 2019)
Ən yüksək FİFA reytinqi73 (iyul 2014)
Ən aşağı FİFA reytinqi170 (iyun 1994)
Elo reytinqi112 5 (5 oktyabr 2019)
Ən yüksək Elo reytinqi73 (14 avqust 2014)
Ən aşağı Elo reytinqi152 (2 iyun 2001)
Ev forması
Səfər forması
Üçüncü forma
İlk beynəlxalq oyunu
 Gürcüstan 6-3  Azərbaycan
(Gürcaani, Gürcüstan; 17 sentyabr 1992)[1]
Ən böyükhesablı qələbəsi
 Azərbaycan 4-0  Lixtenşteyn
(Bakı, Azərbaycan; 5 iyun 1999)[2]
 Azərbaycan 5-1  San-Marino
(Bakı, Azərbaycan; 4 sentyabr 2017)[2]
Ən böyükhesablı məğlubiyyəti
 Fransa 10-0  Azərbaycan
(Oser, Fransa; 6 sentyabr 1995)[3]

Azərbaycan heç vaxt FİFA Dünya KubokuUEFA Avropa Çempionatında seçmə mərhələni keçməyib.[4] Azərbaycan milli futbol komandasının tarixində ən çox oyun keçirən Rəşad Sadıqovdur. O, 111 oyunda 5 qol vurub.[5] Azərbaycan milli futbol komandasının tarixində ən çox qol vuran oyunçu — Qurban Qurbanovdur. O, 68 oyunda 14 qol vurub.[6]

TarixiRedaktə

Əsas məqalə: Azərbaycanda futbol

Erkən tarixiRedaktə

Azərbaycanda ilk futbol klubları 1905-ci ildə yaranıb.[7] Bu komandalar əsasən Bakının iri neft sənayesi şirkətlərini təmsil edirdilər.[7] İlk rəsmi çempionat Bakıda 1911-ci ildə keçirilib, qalib isə İngiltərə Neft Şirkətinin "Britaniya Klubu" komandası olub.[7] 1912-ci ildə "Bakı" komandası Tbilisidə "Sokol" komandasına qarşı ilk beynəlxalq oyununu keçirib və 4:2 hesabı ilə qalib gəlib.[7] 1914-cü ildə Azərbaycanda Futbol İttifaqı yaradılmışdır. İttifaq rəsmi şəhər birinciliklərini və digər yarışların təşkili, keçirilməsini öz üzərinə götürmüşdür.

1927-ci ildə Zaqafqaziya Sosialist Federativ Sovet Respublikasında Azərbaycan ilk yoldaşlıq oyununu Gürcüstan və Ermənistana qarşı keçirmişdir.[8] Azərbaycanın futbol yığması özünün ilk yoldaşlıq oyunlarını 1929-cu ildə Tehranda İran yığmasına qarşı keçirib və həmin oyunlarda 4:0, 4:1 və 11:0 hesabı ilə üç böyük qələbə qazanıb.[7]

Azərbaycan futbolunun "qızıl dövrü" 1960-cı illər sayılır.[9] Məhz bu dövrdə Azərbaycandan Anatoli BanişevskiƏləkbər Məmmədov kimi futbolçular çıxmış, futbol hakimi Tofiq Bəhramov isə 1966-cı ildə İngiltərədə keçirilən dünya çempionatının finalında İngiltərə komandasının lehinə verdiyi obyektiv qərar Uembli stadionuna toplaşmış 98000 tamaşaçının yaddaşına həkk olmuş və dünya futbol tarixinə qızıl hərflərlə yazılmışdı.[10][11] SSRİ milli futbol komandasının tərkibində çıxış edən digər futbolçulardan Kazbek Tuayev, Nikolay Smolnikov, Vitali Şevçenkoİqor Ponomaryovu qeyd etmək olar.

1990-cı illərRedaktə

Azərbaycan SSRİ-nin tərkibindən çıxmasından sonra, 1992-cı ildə ölkədə Azərbaycan Futbol Federasiyaları Assosiasiyası yaranmışdır.[12] Həmin il Azərbaycan millisinin ilk baş məşqçisi postuna Ələkbər Məmmədov gətirildi.[13] Azərbaycan ilk oyununu 17 sentyabr 1992-ci il tarixində Gürcüstanda yerli komandaya qarşı oynadı.[13] Həmin oyunda Azərbaycan 6-3 hesabı ilə məğlub oldu. Millinin ilk qolunu Nazim Süleymanov vurdu.[13] 1993-cü ildə Azərbaycan millisi 3 oyun keçirdi və hər 3 oyununu qələbə ilə başa vurdu.[13] 25 may tarixində Gəncədə Gürcüstanı 1-0 hesabı ilə məğlub etdi.[13] Daha sonra ECO Kubokunda 6 iyunda Tehranda Tacikistanı Vidadi RzayevSamir Ələkbərovun qolları ilə 2-0 məğlub etdi.[13] Kubokun ikinci oyununda Qırğızıstanı Ruslan Lukinin iki və Vidadi Rzayevin qolları ilə 3-2 məğlub etdi və nəticədə ECO Kubokunun 3-cü yerinə sahib oldu.[13] Bu oyun Ələkbər Məmmədovun sonuncu oyunu oldu.[13]

Ələkbər Məmmədovun istefasından sonra Millinin sükanı arxasına Ağasəlim Mircavadov keçdi.[14] Ağasəlim Mircavadovun rəhbərliyi altında, Milli ilk oyununa 19 aprel 1994-cü ildə Ta' Qalidə Malta ilə keçirdi. Azərbaycan Maltaya 5-0 hesabı ilə məğlub oldu.[14] Daha sonra Azərbaycan Moldovaya 2-1 hesabı ilə məğlub oldu. Ardıcıl iki məğlubiyyətdən sonra Ağasəlimə Mircavadov tənqid olunsa da, AFFA Mircavadovu bu postda saxladı.[14] Avropa Çempionatı 1996 seçmə mərhələsində Azərbaycan Rumıniyaya Buxarestdə 3-0, Polşaya isə 1-0 hesabı ilə məğlub oldu.[14] 1994-cü ildə təhlükəsizlik səbəblərindən Azərbaycan ev oyunlarını Azərbaycanda yox, Türkiyədə Trabzonda keçirirdi.[14] Azərbaycan Trabzonda 16 noyabrda İsrailə 2-0, 13 dekabrda isə Fransaya 2-0 məğlub oldu. 29 martda Azərbaycan Slovakiyada yerli komandaya 4-1 məğlub oldu, Millinin yeganə qolunu Nazim Süleymanov vurdu. Daha sonra eyni hesab ilə Trabzonda Rumıniyaya məğlub oldu.[14] 1994-cü il 6 sentyabrda isə Fransada Ağasəlim Mircavadov son oyununa çıxdı. Azərbaycan Fransaya 10-0 hesabı ilə məğlub oldu.[14] Bu oyundan sonra 10 oyun, 10 məğlubiyyət ilə Ağasəlim Mircavadov komandadan ayrıldı.[14] Bu oyun Azərbaycan futbol tarixində ən böyük məğlubiyyət idi və yerli KİV-lər tərəfindən isə "Oser faciəsi" adlandırılıb.[14][15]

Ağasəlim Mircavadovun istefasından sonra Milliyə Kazbek Tuayev gətirildi. 1996-cı ilin avqust ayında, Milli seçmə mərhələlərdə İsveçrəni 1-0 məğlub edərək, tarixinin ilk rəsmi qələbəsini qazanmışdı.[16] Əhməd Ələsgərovun rəhbərliyi altında, 1999-cu ilin iyunun 5-də Tofiq Bəhramov adına Respublika stadionunda Azərbaycan Lixtenşteyn yığmasını 4:0 məğlub etmişdi.[17] Bu nəticə, Millinin 1994-cü ildən çıxış etdiyi seçmə mərhələlərdə ilk və hələ ki ən böyük hesablı qələbəsidir.[17]

2000-ci illərRedaktə

 
2008-ci ildə Azərbaycan milli futbol komandası İslandiyaya qarşı

2000-ci illərin əvvələrindən başlayaraq Azərbaycan milli futbol komandasına AFFA əcnəbi oyunçular cəlb etməyə başladı.[18] Avro-2004-ün seçmə mərhələsində SerbiyaÇernoqoriya yığmasına uduzmayaraq, 2 oyundan 4 xal götürməsi, bu komandanı UEFA Avropa Kuboku 2004-ə çatmağa qoymadı.[19] Əsgər Abdullayev Azərbaycanın milli futbol komandasına rəhbərlik etdiyi dövrdə səfərdə ilk dəfə xal qazanmışdı.[20]

2004-cü ilin fevral ayında Karlos Alberto Torres Azərbaycan milli futbol komandasının ilk əcnəbi məşqçisi təyin olundu.[21] Karlos Alberto Torresin başçılığı altında, Milli ilk oyununu İsrailə 6-0 uduzmağına baxmayaraq, 2004-cü ilin aprelində Qazaxıstan yığmasını yoldaşlıq oyununda 3:2 hesabı ilə məğlub edib, səfərdə ilk qələbəsini qazanmışdır.[22]

2005-ci ildə Azərbaycan milli futbol komandasının baş məşqçisi Şahin Diniyev oldu.[23] Avropa çempionatı 2008-in final mərhələsinə çıxmaq uğrunda mübarizə aparan yığma son iki oyunda Portuqaliya və Serbiya komandalarına məğlub olduqdan sonra baş məşqçi Şahin Diniyev istefa verdiyini bəyan etmişdi. Lakin AFFA onun istefasının qəbul etməyərək, Diniyevdən yığmanı seçmə mərhələnin son iki oyununa da çıxarmağı xahiş etmişdi.[23] Diniyevdən sonra, AFFA Azərbaycan milli futbol komandasını müvəqqəti olaraq Goko Haciyevski, daha sonra Nazim Süleymanov çalışdırdı.[24]

2008-ci ilin mart ayında AFFA İcraiyyə Komitəsinin qərarı ilə Berti Foqts Azərbaycan millisinin baş məşqçisi təyin olunub.[25] Berti Foqts Azərbaycanda futbolun inkişafına dair iki illik proqramını AFFA-ya təqdim edib.[26] Foqtsun müqaviləsinə görə, o, ayda 95 min avro qazanmalı idi.[27]7 iyun 2009-cu ildə 0-1 hesabı ilə başa çatan Azərbaycan-Uels qarşılaşmasında azarkeşlər Foqtsu istefaya səsləyiblər. Mətbuat konfransı zamanı isə Foqts fikir bildirməyə başlayanda jurnalistlər zalı tərk ediblər.[28] Bundan 2 gün sonra Foqtsun rəhbərliyi altında İspaniyaya 0-6 hesabı ilə uduzaraq Azərbaycan millisi ev oyunlarında ən böyük hesablı məğlubiyyətlə üzləşib.[29] Berti Foqtsun rəhbərliyi altında Lixtenşteynlə qarşılaşmada Azərbaycan millisi rəsmi oyunlarda ilk səfər qələbəsini qazanıb.[30] 2009-cu ildə müqaviləsi 2011-ci ilə qədər uzadılıb.[31][32] Yeni şərtlərə görə, Foqts ayda 150 min avro qazanacaqdı.[27]

2010-cu illərRedaktə

2010-cu ildə Vaqif Sadıqov "Neftçi"yə baş məşqçi təyin olunduğu üçün millidəki köməkçi məşqçi vəzifəsindən getmiş onun yerinə isə Vəli Qasımov keçmişdi.[33] Berti Foqts Azərbaycanda işlədiyi müddətdə dəfələrlə futbolçulardan razı olmadığını bildirib.[34][35][36][37][38] Həmin il Berti Foqtsun köməkçisi vəzifəsində Vəli Qasımovu Nazim Süleymanov əvəz edib.[39] Berti Foqts Azərbaycan yığmasını ən çox oyuna çıxaran baş məşqçidir.[40]

 
2014-cü ildə Azərbaycan milli futbol komandasının heyəti

Dünya çempionatı 2014-ün seçmə mərhələsi çərçivəsində 26 mart 2013-cü ildə Azərbaycan-Portuqaliya oyununun 60-cı dəqiqəsindən oyunun sonlarına kimi azarkeşlər Foqtsu istefaya səsləyiblər.[41] Azərbaycan onun rəhbərliyi altında heç bir uğur qazanmayıb.[23] İyun ayında 0-0 hesabı ilə başa çatan Azərbaycan-Lüksemburq oyunundan sonra da azarkeşlər Foqtsu istefaya səsləyiblər.[42][43] 2014-cü ilin iyul ayında ilk dəfə Azərbaycan milli futbol komandası FİFA reytinqində 73-cü pilləyə yüksəldi və 2014-cü ildə Braziliyada keçiriləcək Dünya Çempionatına seçmə mərhələsində 9 xal topladı.[44] Berti Foqts Millinin oyun quruculuğunda problemləri həll edə bilməməsi, yanlış taktiki seçimi və komandanın zəif rəqiblərə uduzması, yerli KİV-lər və azarkeşlər tərəfindən boykot və kəskin tənqidə tutulurdu.[45][46][47]

2013-cü ildə Berti Foqtsun Azərbaycan millisindən göndəriləcəyi ehtimal olunurdu. Foqtsun özü də müqaviləni yeniləməyəcəyini bildirmişdi.[48][49] Lakin Azərbaycan millisinin seçmə mərhələnin son iki oyunundan dörd xal toplaması Foqtsun öz vəzifəsində qalmağına kömək etdi. 2013-cü ilin sonlarında AFFA növbəti dəfə Foqtsla müqaviləni uzatmağı qərara aldı.[50] Azərbaycan milli komandası Avro 2016-nın seçmə mərhələsində onun başçılığı altında ardıcıl məğlubiyyətlər aldığı üçün Xorvatiyaya 6-0 hesablı məğlubiyyətdən sonra komandadan göndərilib.[51]

AFFA Berti Foqtsun istefasından sonra müvəqqəti olaraq Millini Mahmud Qurbanova həvalə etdi.[52] Qurbanovun ilk və yeganə oyunu 16 noyabrda Norveçə qarşı idi. Həmin oyunda Milli 1-0 məğlub oldu. Daha sonra Azərbaycan millisinə xorvatiyalı mütəxəssis Robert Prosineçki gətirildi.[53] Robert Prosineçki Azərbaycan millisini ilk dəfə meydana 28 mart 2015-ci ildə Malta millisi qarşı oyunda çıxartdı. Həmin oyunda Azərbaycan millisi Cavid HüseynovDimitriy Nazarovun qolları ilə 2-0 rəqibini məğlub etdi.

 
Rəşad Sadıqovun 100-cü oyunu

2015-ci il oktyabrın 10-da Azərbaycan Bakıda yeni istifadəyə verilmiş Bakı Olimpiya Stadionunda İtaliya ilə qarşılaşdı.[54] Həmin oyun Millinin kapitanı Rəşad Sadıqovun 100-cü oyununa çıxması ilə əlamətdar oldu.[54] DÇ-2018-in seçmə mərhələsində Azərbaycan ilk dəfə bir tsikldə səfərdə 10 xal toplayıb və tarixində görünməmiş nailiyyətə imza atıb.[55]

2017-ci il noyabrın 3-də Qurban Qurbanov futbol üzrə Azərbaycan milli komandasının baş məşqçisi təyin olunub.[56] 2018-ci ildə Milli UEFA Millətlər Liqasının D diviziyasının qrupunu 2-ci yerdə başa vurub.[57] 2018-ci il dekabrın 8-də Qurban Qurbanov milli komandadan istefa verdi.[58]

2019-cu il fevralın 11-də Nikola Yurçeviç Azərbaycan milli komandasının baş məşqçisi təyin olunub.[59] 2019-cu il dekabrın 13-də yığmanın AVRO-2020-nin seçmə mərhələsindəki çıxışını uğursuz hesab edən AFFA müqavilə müddəti fevrala qədər olan xorvatiyalı mütəxəssisi istefaya göndərib.[60]

Beynəlxalq turnirlərdə iştirakıRedaktə

FİFA Dünya KubokuRedaktə

FİFA Dünya Kuboku FİFA Dünya Kubokunun seçmə mərhələsinin statistikası
İl Raund Yer O Q H M QV QB Heyət O Q H M QV QB Yer
  1930 SSRİ  SSRİ tərkibində
  1934
  1938
  1950
  1954
  1958
  1962
  1966
  1970
  1974
  1978
  1982
  1986
  1990
  1994 Qatılmayıb - - - - - - -
  1998 Seçmə mərhələni keçməyib 8 1 0 7 3 22 5/5
    2002 10 1 2 7 4 17 6/6
  2006 10 0 3 7 1 21 6/6
  2010 10 1 2 7 4 14 5/6
  2014 10 1 6 3 7 11 4/6
  2018 10 3 1 6 10 19 5/6
  2022 Təyin olunacaq - - - - - - -
      2026 Təyin olunacaq - - - - - - -
Cəmi 0/21 - 51 6 14 31 21 85 104 -

UEFA Avropa ÇempionatıRedaktə

UEFA Avropa Çempionatı UEFA Avropa Çempionatının seçmə mərhələsinin statistikası
İl Raund Yer O Q H M QV QB O Q H M QV QB Yer
  1960 SSRİ  SSRİ tərkibində
  1964
  1968
  1972
  1976
  1980
  1984
  1988
  1992
  1996 Seçmə mərhələni keçməyib 10 0 1 9 2 29 6/6
    2000 10 1 1 8 6 26 5/6
  2004 8 1 1 6 5 20 5/5
    2008 12 1 2 9 6 28 8/8
    2012 10 2 1 7 10 26 5/6
  2016 10 1 3 6 7 18 5/6
  2020 8 0 1 7 5 18 5/5
  2024 Təyin olunacaq - - - - - - -
Cəmi 0/16 68 6 10 52 41 175 -

UEFA Millətlər LiqasıRedaktə

UEFA Millətlər Liqası
Mövsüm Diviziya Qrup Raund Yer O Q B M VQ BQ Y/E
2018–19 D 3 Qruplar 2-ci 6 2 3 1 10 4
2020–21 C Bilinmir Bilinmir
Cəmi 6 2 3 1 10 4

Digər mükafatlarRedaktə

StadionRedaktə

 
Bakı Olimpiya Stadionu Azərbaycan milli futbol komandasının oyun keçirdiyi əsas stadionlardan biridir

Bakıda yerləşən Tofiq Bəhramov adına Respublika Stadionu Azərbaycan milli futbol komandasının ənənəvi ev stadionudur. 1951-ci ildən tikilən stadionun 2012-ci ilə qədər 35 000 tamaşaçı tutumuna malik idi.[62] 16 avqust 2012-ci ildə Tofiq Bəhramov adına Respublika Stadionunun əsaslı təmir və yenidənqurmadan sonra açılışı olmuşdur.[63][64]

2015-ci ilin mart ayının əvvəlində istismara hazır olan Bakı Olimpiya Stadionu 68 700 tamaşaçı tutumuna malikdir.[65] 2015-ci il oktyabrın 10-da stadionda ilk rəsmi futbol oyunu Avro-2016-nın seçmə mərhələsində, Azərbaycan və İtaliya arasında baş tutmuşdur.[66]

Millinin bəzi yoldaşlıq oyunları kiçik meydançalarda keçirilir. Belə stadionlardan Bakcell Arena, Xəzər Lənkəran Mərkəzi Stadionu, İnter Arena, Bayıl stadionuDalğa Arenanı qeyd etmək olar. 5 sentyabr 2009-cu ildə Azərbaycan milli futbol komandasının Lənkəran şəhərində Xəzər Lənkəran Mərkəzi Stadionunda 2010 Dünya Çempionatının seçmə mərhələsi çərçivəsində Finlandiya yığmasına qarşı keçirdiyi oyun tarixi əhəmiyyət daşıdı. Azərbaycan milli futbol komandası tarixində ilk dəfə olaraq ölkə daxilindəki ev qarşılaşmasını Bakı şəhərində deyil, regionda keçirdi.[67][68][69][70][71]

Media işıqlandırmasıRedaktə

Azərbaycan milli futbol komandasının oyunlarını hazırda müxtəlif kanallar yayımlayır. Televiziya hüquqları oyundan oyuna dəyişir: CBC Sport, İctimai TV, AzTV, İdman Azərbaycan TV kanallarında yayımlanır.[72][73] Keçmişdə Azərbaycanın oyunlarını yayımlayan kanallardan Lider TV-ini qeyd etmək olar.[74]

RəngləriRedaktə

 
Azərbaycan milli futbol komandasının klassik formaları

Milli müxtəlif dövrlərdə ev və səfər oyunlarında ağ köynək, mavi şort və ağ corab və ya mavi köynəklə, qırmızı şort və yaşıl corab, tam qırmızı və ya tam mavi formalarından da istifadə etmişdir.[75] 2012-ci ildə əvvəl Azərbaycan milli futbol komandasının üzərində Azərbaycan bayrağıAzərbaycan gerbidə olmuşdur.[76] 2006-cı ildən 2017-ci ilə kimi Azərbaycan milli futbol komandasının formalarını Umbro şirkəti hazırlayırdı. 2017-ci ildə Nike şirkəti Umbro ilə müqayisədə tələb olunan geyimləri daha tez və 11 faiz ucuz qiymətə təmin etdiyi üçün AFFA ilə Nike arasında razılıq əldə olunub.[77] Beləliklə, Azərbaycan milli komandası DÇ-2018-in seçmə mərhələsində iyunun 10-da Şimali İrlandiya yığmasına qarşı keçirəcəyi oyundan başlayaraq mövsümün sonuna qədər meydana Nike istehsalı formada çıxıb.[77]

Sıra İllər Şirkət
1 1992—2006   Puma
2 2006—2017   Umbro
3 2017—h.h.   Nike

AzarkeşləriRedaktə

Azərbaycan azarkeşləri kollektiv olaraq tanınmasa da, hazırda komandanı əsas olaraq "Milli Dəstə" azarkeş dəstəsi dəstəkləyir.[78] 2013-cü ilə qədər Millini "Sektor11" azarkeş dəstəsi də dəstəkləyib.

LəqəbiRedaktə

Azərbaycan milli futbol komandasının konkret bir ləqəbi olmasa da, azarkeşlər və yerli media tərəfindən "Milli" çağırılır.[79] DÇ-2018-in seçmə mərhələsində Azərbaycan milli futbol komandası "Niyə də yox?" şüarı altında iştirak edib.[80][81]

Populyar mədəniyyətdəRedaktə

2019-cu il avqustun 21-də "PES" video oyun seriyasının yaradıcısı olan "Konami" şirkəti UEFA Avro 2020 futbol turnirinin Bakı şəhərində keçirilməsini nəzərə alaraq, AFFA ilə müqavilə imzalamışdır. Bu müqaviləyə əsasən, Azərbaycan milli futbol komandası 2019-cu ildə satışa çıxardılan "eFootball PES 2020" video oyununda təmsil edilib.[82]

OyunçularRedaktə

Komandanın heyətiRedaktə

Aşağıdakı oyunçular 2019-cu il noyabrın 16-da Uels və noyabrın 19-da Slovakiya ilə oyunlara çağırılıblar.

11 yanvar 2020 tarixində yenilənib
Nöm. Möv. Futbolçu Doğum tarixi (yaşı) Oyun Qol Klub
1GK Emil Balayev 17 mart 1994 (25 yaş) 5 0   Tobol
23 1GK Səlahət Ağayev 4 noyabr 1991 (28 yaş) 19 0   Neftçi
1GK Mehdi Cənnətov 26 yanvar 1992 (27 yaş) 0 0   Sumqayıt
5 2DF Maksim Medvedev (C) INJ 29 sentyabr 1989 (30 yaş) 60 3   Qarabağ
6 2DF Bədavi Hüseynov 11 iyul 1991 (28 yaş) 49 0   Qarabağ
2DF Abbas Hüseynov 13 iyun 1995 (24 yaş) 3 0   Qarabağ
2DF Bəhlul Mustafazadə 27 fevral 1997 (22 yaş) 6 0   Sabah
21 2DF Təmkin Xəlilzadə 6 avqust 1993 (26 yaş) 18 3   Sabah
2DF Anton Krivotsyuk 20 avqust 1998 (21 yaş) 7 0   Neftçi
2DF Ömər Buludov 15 dekabr 1998 (21 yaş) 1 0   Neftçi
2DF Şəhriyar Əliyev 25 dekabr 1992 (27 yaş) 0 0   Sumqayıt
2DF Şəhriyar Rəhimov 6 aprel 1989 (30 yaş) 9 0   Səbail
4 2DF Pavel Paşayev 4 yanvar 1988 (32 yaş) 21 0   Aleksandriya
2 3MF Qara Qarayev 12 oktyabr 1992 (27 yaş) 57 0   Qarabağ
20 3MF Riçard Almeyda 20 mart 1989 (30 yaş) 22 3 Klubsuzdur
7 3MF Araz Abdullayev 18 aprel 1992 (27 yaş) 36 3   Qarabağ
3MF Cavid Hüseynov 9 mart 1988 (31 yaş) 58 2   Zirə
3MF Elvin Camalov 4 fevral 1995 (24 yaş) 1 0   Zirə
28 3MF Emin Mahmudov 27 aprel 1992 (27 yaş) 14 1   Neftçi
3MF Vüsal İskəndərli 3 noyabr 1995 (24 yaş) 1 0   Keşlə
13 3MF Dimitri Nəzərov 4 aprel 1990 (29 yaş) 43 8   Erzgebirge Aue
14 3MF Eddi İsrafilov 2 avqust 1992 (27 yaş) 13 0   Albasete
11 4FW Ramil Şeydayev 15 mart 1996 (23 yaş) 25 4 Klubsuzdur
4FW Ağabala Ramazanov 17 may 1993 (26 yaş) 18 1   Zirə
4FW Rüfət Dadaşov 29 sentyabr 1991 (28 yaş) 24 5   Feniks Rayzinq
4FW Renat Dadaşov 17 may 1999 (20 yaş) 4 0   Vulverhempton Vonderers

Son çağırışlarRedaktə

Son 12 ayda yığmaya çağırılan oyunçular.

Möv. Oyunçu Doğum tarixi (yaşı) Oyun sayı Qol Klub Son çağırış
1GK Şahruddin Məhəmmədəliyev 22 iyun 1994 (25 yaş) 0 0   Qarabağ v.   Macarıstan, 13 oktyabr 2019
2DF Rahil Məmmədov PRE 24 noyabr 1995 (24 yaş) 9 0   Sabah v.   Uels, 6 sentyabr 2019
3MF Əli Babayev 1 noyabr 1990 (29 yaş) 1 0   Makkabi Petax-Tikva v.   Slovakiya, 11 iyun 2019
3MF Aleksey İsayev 9 noyabr 1995 (24 yaş) 0 0   Sumqayıt v.   Slovakiya, 11 iyun 2019
3MF Namiq Ələsgərov 3 fevral 1995 (24 yaş) 16 0   Neftçi v.   Macarıstan, 13 oktyabr 2019
3MF Rəşad Eyyubov 3 dekabr 1992 (27 yaş) 7 0   Sabah v.   Macarıstan, 13 oktyabr 2019
4FW Mahir Emreli INJ 1 iyul 1997 (22 yaş) 19 4   Qarabağ v.   Bəhreyn, 9 oktyabr 2019
4FW Mirabdulla Abbasov 27 mart 1995 (24 yaş) 3 0   Neftçi v.   Slovakiya, 11 iyun 2019
Qeydlər

INJ Zədə səbəbindən kənarlaşdırılıb
PRE İlkin heyət
RET Milli komandada karyerasını başa vurub
SUS Cəza səbəbindən kənarlaşdırılıb

Baş məşqçilərRedaktə

 
Berti Foqtsun rəhbərliyi altında, Azərbaycan FİFA-nın reytinqdə ən yüksək göstəricisinə çatmışdır.
 
Robert Prosineçkinin rəhbərliyi altında, Azərbaycan DÇ-2018-in seçmə mərhələsində ilk dəfə bir tsikldə səfərdə 10 xal toplayıb.
14 dekabr 2019 tarixində yenilənib
Baş məşqçi Azərbaycan karyerası Oyun Qələbə Heç-heçə Məğlubiyyət Qələbə %
  Məmmədov, ƏləkbərƏləkbər Məmmədov 1992–1993 5 3 1 1 60,00
  Tuayev, KazbekKazbek Tuayev (müvəqqəti)
  Mircavadov, AğasəlimAğasəlim Mircavadov (müvəqqəti)
1994 1 0 0 1 00,00
  Mircavadov, AğasəlimAğasəlim Mircavadov 1994–1995 9 0 0 9 00,00
  Tuayev, KazbekKazbek Tuayev 1995–1996 11 3 3 5 27,27
  Sadıqov, VaqifVaqif Sadıqov 1997–1999 20 6 3 11 30,00
  Ələsgərov, ƏhmədƏhməd Ələsgərov 1999–2000 9 1 2 6 11,11
  Abdullayev, ƏsgərƏsgər Abdullayev (müvəqqəti) 2000 4 0 2 2 00,00
  Ponomaryov, İqorİqor Ponomaryov 2000–2001 13 1 2 10 07,69
  Tuayev, KazbekKazbek Tuayev (müvəqqəti) 2002 2 0 0 2 00,00
  Sadıqov, VaqifVaqif Sadıqov 2002 9 1 4 4 11,11
  Abdullayev, ƏsgərƏsgər Abdullayev 2002–2004 9 1 2 6 11,11
  Torres, Karlos AlbertoKarlos Alberto Torres 2004–2005 18 2 5 11 11,11
  Sadıqov, VaqifVaqif Sadıqov (müvəqqəti) 2005 5 0 1 4 00,00
  Diniyev, ŞahinŞahin Diniyev 2005–2007 20 4 7 9 20,00
  Haciyevski, GokoGoko Haciyevski (müvəqqəti) 2007–2008 3 0 1 2 00,00
  Süleymanov, NazimNazim Süleymanov (müvəqqəti) 2008 1 0 0 1 00,00
  Foqts, BertiBerti Foqts 2008–2014 71 15 22 34 21,13
  Qurbanov, MahmudMahmud Qurbanov (müvəqqəti) 2014 1 0 0 1 00,00
  Prosineçki, RobertRobert Prosineçki 2014–2017 23 6 6 11 26,09
  Qurbanov, QurbanQurban Qurbanov 2017–2018 12 4 5 3 33,33
  Nikola Yurçeviç 2019–2020 10 1 2 7 10,00
TBA 2020– 0 0 0 0 !

Oyun təqvimi və nəticələrRedaktə

Son nəticələrRedaktə

Son 24 ayda qeyd olunan nəticələr və qarşıdan gələn oyunlar.

May 26, 2020 Yoldaşlıq oyunu   Antalya   Türkiyə   Azərbaycan
Mart ??, 2020 Yoldaşlıq oyunu   Ta' Qali   Latviya   Azərbaycan
Mart 30, 2020 Yoldaşlıq oyunu   Ta' Qali   Malta   Azərbaycan
Noyabr 19, 2019 UEFA Avro 2020 seçmə mərhələsi   Trnava   Slovakiya 2–0   Azərbaycan
Noyabr 16, 2019 UEFA Avro 2020 seçmə mərhələsi   Bakı   Azərbaycan 0–2   Uels
Oktyabr 13, 2019 UEFA Avro 2020 seçmə mərhələsi   Budapeşt   Macarıstan 1–0   Azərbaycan
Oktyabr 9, 2019 Yoldaşlıq oyunu   Manama   Bəhreyn 2–3   Azərbaycan Rüfət Dadaşov   41', Təmkin Xəlilzadə   62', Ramil Şeydayev   70'
Sentyabr 9, 2019 UEFA Avro 2020 seçmə mərhələsi   Bakı   Azərbaycan 1–1   Xorvatiya Təmkin Xəlilzadə   72'
Sentyabr 6, 2019 UEFA Avro 2020 seçmə mərhələsi   Kardiff   Uels 2–1   Azərbaycan Mahir Emreli   29'
İyun 11, 2019 UEFA Avro 2020 seçmə mərhələsi   Bakı   Azərbaycan 1–5   Slovakiya Ramil Şeydayev   29'
İyun 8, 2019 UEFA Avro 2020 seçmə mərhələsi   Bakı   Azərbaycan 1–3   Macarıstan Mahir Emreli   69'
Mart 25, 2019 Yoldaşlıq oyunu   Bakı   Azərbaycan 0–0   Litva
Mart 21, 2019 UEFA Avro 2020 seçmə mərhələsi   Zaqreb   Xorvatiya 2–1   Azərbaycan Ramil Şeydayev   19'

Oyunçu statistikasıRedaktə

Azərbaycan milli futbol komandasının həyətində ən çox qol vuran və ən çox oyun keçirmiş futbolçuların siyahısı (qalın şriftlərlə göstərilən oyunçular hələ seçim üçün mövcuddur):

16 noyabr 2019 tarixində yenilənib[83]
 
Qurban Qurbanov, Azərbaycan milli futbol komandasında ən çox qol vuran futbolçudur.
Ən çox qol vurmuş oyunçular[83]
# Oyunçu Dövr Oyun sayı Qollar
1 Qurban Qurbanov 1992–2005 68 14
2 Vaqif Cavadov 2006–2014 58 9
3 Dimitri Nəzərov 2014–h.h. 43 8
4 Rauf Əliyev 2010–h.h. 48 7
Branimir Subaşiç 2007–2013 40 7
Elvin Məmmədov 2008–h.h. 38 7
7 Zaur Tağızadə 1997–2008 40 6
8 Rəşad Sadıqov 2001–2017 111 5
Əfran İsmayılov 2010–h.h. 39 5
Vidadi Rzayev 1992–2001 37 5
Fərrux İsmayılov 1998–2007 35 5
Rüfət Dadaşov 2012– 24 5
Nazim Süleymanov 1992–1998 24 5
 
Rəşad Sadıqov, Azərbaycan milli futbol komandasında ən çox oyun keçirən futbolçudur.
Ən çox oyun keçirən oyunçular[83]
# Oyunçu Dövr Oyun sayı Qollar
1 Rəşad Sadıqov 2001–2017 111 5
2 Aslan Kərimov 1994–2008 80 1
3 Kamran Ağayev 2008–h.h. 79 0
4 Mahir Şükürov 2004–2015 76 4
5 Mahmud Qurbanov 1994–2008 75 1
6 Tərlan Əhmədov 1992–2005 74 0
7 Qurban Qurbanov 1992–2005 68 14
8 Emin Ağayev 1992–2005 65 1
9 Vüqar Nadirov 2004–2015 61 4
10 Rahid Əmirquliyev 2007–h.h. 60 3
Maksim Medvedev 2009–h.h. 60 3

İstinadlarRedaktə

  1. "MİLLİNİN BÜTÜN OYUNLARI". AFFA. İstifadə tarixi: 5 sentyabr 2017.
  2. 1 2 "Belə qələbə olmamışdı". apasport.az. İstifadə tarixi: 5 sentyabr 2017.
  3. ""Oser faciəsi" birinci yerdə!". apasport.az. İstifadə tarixi: 5 sentyabr 2017.
  4. "Oil-rich Azerbaijan finally gets chance in spotlight". www.eurosport.com. www.eurosport.com. 12 iyul 2016 tarixində orijinalından arxivləşdirilib. İstifadə tarixi: 12 iyul 2016.
  5. "Rəşad Sadıqovun 100-cü oyunu". az.trend.az. az.trend.az. 2017-06-07 tarixində orijinalından arxivləşdirilib. İstifadə tarixi: 12 iyul 2016.
  6. "Qarabağ v Internazionale background". www.uefa.com. UEFA. 12 iyul 2016 tarixində orijinalından arxivləşdirilib. İstifadə tarixi: 12 iyul 2016.
  7. 1 2 3 4 5 "100 il! Azərbaycan futbolu tarixindən maraqlı faktlar". trend.az. trend.az. İstifadə tarixi: 17 dekabr 2019.
  8. "World Football Elo Ratings: Azerbaijan". www.eloratings.net. www.eloratings.net. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  9. Cruz, Sarah. "Football in Azerbaijan: Pride and Heritage". cushtravel.com. cushtravel.com. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  10. Wright, Joe. "Tofiq Bahramov - the story of football's most famous linesman". www.goal.com. www.goal.com. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  11. "Baku memorial for 1966 linesman". news.bbc.co.uk. BBC. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  12. "AFFA-nın 20 İLLİK FƏALİYYƏTİNƏ "2" VERİLDİ". www.musavat.com (Azerbaijani). İstifadə tarixi: 26 June 2014.
  13. 1 2 3 4 5 6 7 8 ""Bravo, senyor Məmmədov!"". anl.az. anl.az. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  14. 1 2 3 4 5 6 7 8 9 ""Oser faciəsi" birinci yerdə!". www.apasport.az. www.apasport.az. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  15. "Yamayka "Oser faciəsi"ni unutdura bilmədi". sportnet.az. sportnet.az. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  16. "Milli komandamız avqustda Bakıda qarşısıalınmazdır!". apasport.az. apasport.az. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  17. 1 2 "4650 gündən sonra". www.apasport.az. www.apasport.az. 14 iyul 2016 tarixində orijinalından arxivləşdirilib. İstifadə tarixi: 14 iyul 2016.
  18. "Это не те немцы. И футбол они дают неправильный". azerifootball.com. İstifadə tarixi: 7 November 2013.
  19. "Fifa back Azeri return". news.bbc.co.uk. BBC. 14 iyul 2016 tarixində orijinalından arxivləşdirilib. İstifadə tarixi: 14 iyul 2016.
  20. "Azərbaycanın "futbol mövsümünün ən yaxşı məşqçisi"". az.trend.az. az.trend.az. 14 iyul 2016 tarixində orijinalından arxivləşdirilib. İstifadə tarixi: 14 iyul 2016.
  21. Johnson, William. "Carlos Alberto adds flair to Azerbaijan". www.telegraph.co.uk. www.telegraph.co.uk. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  22. "Karlos Alberto Torres: "Bağışlayın, amma bunu edə bilmərəm"". news.milli.az. news.milli.az. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  23. 1 2 3 "Шахин ДИНИЕВ: В 2007-м сборная Азербайджана показала против Португалии более интересную игру". www.azerisport.com. www.azerisport.com. 14 iyul 2016 tarixində orijinalından arxivləşdirilib. İstifadə tarixi: 14 iyul 2016.
  24. "Milli Hadziyevskiyə həvalə olundu". www.azadliq.org. www.azadliq.org. 14 iyul 2016 tarixində orijinalından arxivləşdirilib. İstifadə tarixi: 14 iyul 2016.
  25. Z. Səfərov (30 mart 2008). "AFFA-nın İcraiyyə Komitəsi Berti Foqtsın lehinə səs verib" (Azərb.). Trend.az. İstifadə tarixi: 6 fevral 2014.
  26. R. Ergün (24 aprel 2008). "Berti Foqts Azərbaycanda futbolun inkişafına dair proqram təqdim edib" (Azərb.). Trend.az. İstifadə tarixi: 6 fevral 2014.
  27. 1 2 "AFFA-nın FOQTSLA SEPARAT MÜQAVİLƏSİ" (azərb.). Futbolpress.az. 20 noyabr 2009. İstifadə tarixi: 8 fevral 2014.
  28. "Azarkeşlər Foqtsun istefasını istəyir" (azərb.). Azadlıq radiosu. 7 iyun 2009. İstifadə tarixi: 8 fevral 2014.
  29. "Azərbaycan - İspaniya 0:6" (azərb.). AFFA. 9 iyun 2009. İstifadə tarixi: 8 fevral 2014.
  30. Mehman Süleymanov (24 noyabr 2010). "Berti Foqtsun 3 ili" (Azərb.). Lent.az. İstifadə tarixi: 7 fevral 2014.
  31. "Berti Foqtsla müqavilənin müddəti 2 il uzadılıb" (azərb.). AFFA. 10 noyabr 2011. İstifadə tarixi: 3 fevral 2014.
  32. "AFFA Berti Foqtsla yeni müqavilə imzaladı" (azərb.). Qol.az. 10 noyabr 2011. İstifadə tarixi: 3 fevral 2014.
  33. "Berti Foqtsun yeni köməkçisi təyin olundu" (azərb.). Milli.az. 27 avqust 2010. İstifadə tarixi: 7 fevral 2014.
  34. "Foqts futbolçulardan narazılıq etdi" (Azərb.). Milli.az. 4 mart 2010. İstifadə tarixi: 7 fevral 2014.
  35. "Berti Foqts:"Mən oyundan razı qala bilmərəm"" (Azərb.). Lent.az. 6 fevral 2013. İstifadə tarixi: 7 fevral 2014.
  36. "Berti Foqts narazı qaldığı futbolçuları yenidən yığmaya çağırdı" (Azərb.). Lent.az. 4 apre 2011. İstifadə tarixi: 7 fevral 2014.
  37. "Berti Foqts Azərbaycan futbolçularını cəsarətsizlikdə suçlayıb" (azərb.). Milli.az. 21 aprel 2011. İstifadə tarixi: 7 fevral 2014.
  38. ""Təcrübəli futbolçulardan narazı qaldım"" (azərb.). Milli.az. 25 fevral 2012. İstifadə tarixi: 7 fevral 2014.
  39. "Nazim Süleymanov AFFA ilə müqavilə imzaladı" (azərb.). Milli.az. 13 aprel 2012. İstifadə tarixi: 7 fevral 2014.
  40. İsmayıl (16 fevral 2011). ""Teryer" ləqəbini alan Berti Foqts" (azərb.). hafta-ichi.az. İstifadə tarixi: 3 fevral 2014.
  41. "Elxan Məmmədov: "Stadionda "istefa" qışqıranlar Azərbaycan futboluna qeyri-sabitlik gətirmək istəyirlər"" (azərb.). Milli.az. 27 mart 2013. İstifadə tarixi: 8 fevral 2014.
  42. "Ruslan Abışov: Azarkeşlərin "istefa" qışqırmaları bizi ruhdan salırdı" (azərb.). APA. 8 iyun 2013. İstifadə tarixi: 8 fevral 2014.
  43. "Azarkeşlər Foqtsu 'istefa'ya səslədi: Azərbaycan – Lüksemburq (1:1)" (azərb.). Azxeber.com. 7 iyun 2013. İstifadə tarixi: 8 fevral 2014.
  44. "Berti Foqts Azərbaycan millisindən qovuldu". virtualaz.org. virtualaz.org. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  45. "Berti Foqts boykot edildi". www.avropa.info. www.avropa.info. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  46. "Jurnalistlərin Foqtsu boykot etməsi düzgün idimi?". news.lent.az. news.lent.az. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  47. "REKORD PİLLƏDƏ". regionplus.az. regionplus.az. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  48. "Berti Foqts millimizdən imtina etdi" (azərb.). Lent.az. 23 avqust 2013. İstifadə tarixi: 7 fevral 2014.
  49. "Berti Foqts: "Azərbaycanda artıq maraq yoxdur, getmək istəyirəm"" (azərb.). Milli.az. 26 oktyabr 2013. İstifadə tarixi: 8 fevral 2014.
  50. "Berti Vogts 2 yıl daha Azerbaycan Milli Takımında" (türk). 1news.com.tr. 18 dekabr 2013. İstifadə tarixi: 2014-01-26.
  51. "Berti Foqts Azərbaycan millisindən ayrılıb". AFFA (azərb.). AFFA.az. 17 oktyabr 2014. İstifadə tarixi: 17 oktyabr 2014.
  52. "utbol millimizin başına Mahmud Qurbanov gətirildi". musavat.com. musavat.com. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  53. "Former Croatia midfielder Robert Prosinecki appointed Azerbaijan coach". www.theguardian.com. www.theguardian.com. İstifadə tarixi: 13 iyul 2016.
  54. 1 2 Atayev, Oqtay. "Azerbaijan captain Sadygov receives 100-cap honour". www.uefa.com. UEFA. 13 iyul 2016 tarixində orijinalından arxivləşdirilib. İstifadə tarixi: 13 iyul 2016.
  55. "Azərbaycandan görünməmiş nailiyyət". apasport.az. İstifadə tarixi: 5 sentyabr 2017.
  56. "Гурбанов стал 13-м в сборной Азербайджана". www.azerisport.com. İstifadə tarixi: 3 noyabr 2017.
  57. "Millətlər Liqası bitdi: Rusiya qrupda qaldı". fanat.az. fanat.az. İstifadə tarixi: 20 noyabr 2018.
  58. "Гурбан Гурбанов больше не тренер сборной Азербайджана". www.azerisport.com. www.azerisport.com. İstifadə tarixi: 8 dekabr 2018.
  59. "AFFA millinin yeni baş məşqçisini rəsmən açıqladı". rekord.az. rekord.az. İstifadə tarixi: 11 fevral 2019.
  60. "Nikola Yurçeviç istefaya göndərildi". oxu.az. oxu.az. İstifadə tarixi: 21 dekabr 2019.
  61. "ECO Tournament 1993 - Tehran, Iran". www.rsssf.com. İstifadə tarixi: 16 noyabr 2017.
  62. "France end Asian domination". fifa.com. FIFA. İstifadə tarixi: 6 July 2013.
  63. "AZN 10 million financed for overhaul of potential venue of Eurovision 2012". İstifadə tarixi: 10 July 2011.
  64. "Azerbaijan: Buildings Commissioned & Upgraded in Baku". İstifadə tarixi: 10 July 2011.
  65. "Baku Olympic Stadium goes to Tekfen Construction". www.tekfen.com.tr. www.tekfen.com.tr. 12 iyul 2016 tarixində orijinalından arxivləşdirilib. İstifadə tarixi: 12 iyul 2016.
  66. "Azərbaycan-İtaliya oyununun ən bahalı bileti". www.azadliq.org. www.azadliq.org. 12 iyul 2016 tarixində orijinalından arxivləşdirilib. İstifadə tarixi: 12 iyul 2016.
  67. "Azərbaycan – Finlandiya oyunu Lənkəranda keçiriləcək" (azərb.). apa.az. 17 iyul 2009. İstifadə tarixi: 31 iyul 2018.
  68. "Lənkəran şəhər stadionu Azərbaycan-Finlandiya matçına tam hazırdır" (azərb.). azertag.az. 2 sentyabr 2009. İstifadə tarixi: 31 iyul 2018.
  69. "Azərbaycan 1:2 Finladya" (azərb.). affa.az. 5 sentyabr 2009. İstifadə tarixi: 31 iyul 2018.
  70. "Azərbaycan 1:2 Finlandiya. Oyunun icmalı" (azərb.). youtube.com. 20 iyun 2011. İstifadə tarixi: 31 iyul 2018.
  71. "Azərbaycan-Finlandiya oyunu Lənkəranda keçiriləcək" (azərb.). azertag.az. 18 iyun 2009. İstifadə tarixi: 31 iyul 2018.
  72. "UEFA yeni qərar qəbul etdi: qurum millimizin oyunlarını AzTV-dən alıb, İTV-yə verdi". korner.az (Azerbaijani). İstifadə tarixi: 14 August 2014.
  73. "Millinin oyunları CBC Sport kanalında". www.azadliq.org. www.azadliq.org. 12 iyul 2016 tarixində orijinalından arxivləşdirilib. İstifadə tarixi: 12 iyul 2016.
  74. "UEFA millimizin oyunlarını AzTV-dən alıb, İTV-yə verdi". apasport.az. İstifadə tarixi: 14 August 2014.
  75. "Azərbaycan millisinin Avro-2016 formaları". sportnet.az. sportnet.az. 12 iyul 2016 tarixində orijinalından arxivləşdirilib. İstifadə tarixi: 12 iyul 2016.
  76. "AFFA MİLLİ KOMANDANIN FORMASINDA GERBDƏN NİYƏ İMTİNA EDİB?". musavat.com. musavat.com. 12 iyul 2016 tarixində orijinalından arxivləşdirilib. İstifadə tarixi: 12 iyul 2016.
  77. 1 2 "AFFA ilə Nike arasında razılıq əldə olunub". www.affa.az. www.affa.az. 7 iyun 2017 tarixində orijinalından arxivləşdirilib. İstifadə tarixi: 7 iyun 2017.
  78. "Milli Dəstə rəsmən fəaliyyətə başladı". www.azerisport.com. www.azerisport.com. İstifadə tarixi: 15 iyun 2018.
  79. "How much do you know about Azerbaijan?". www.irishfa.com. İstifadə tarixi: 3 noyabr 2017.
  80. ""Hər kəs həyacan keçirir" – AFFA rəsmisi". modern.az. modern.az. 13 oktyabr 2016 tarixində orijinalından arxivləşdirilib. İstifadə tarixi: 13 oktyabr 2016.
  81. "Азербайджан продолжает удивлять". ru.uefa.com (rus). UEFA. 13 oktyabr 2016 tarixində orijinalından arxivləşdirilib. İstifadə tarixi: 13 oktyabr 2016.
  82. "Azərbaycan milli futbol komandası "PES 2020"də!". Geekon.az (azərb.). GeekOn. August 21, 2019. August 21, 2019 tarixində orijinalından arxivləşdirilib. İstifadə tarixi: August 21, 2019.
  83. 1 2 3 "Azerbaijan NT Top Stats". eu-football.info. İstifadə tarixi: 16 November 2014.

Xarici keçidlərRedaktə