Fərrux bəy Ağakişibəyov

Fərrux bəy Ağakişibəyov
Fərrux bəy Ağakişibəyov
	Fərrux bəy Əlikişi oğlu Ağakişibəyov
Doğum tarixi	1879
Doğum yeri	Şuşa, Şuşa qəzası, Yelizavetpol quberniyası, Rusiya imperiyası;
Vəfat tarixi	1956
Vəfat yeri	Bakı, Azərbaycan SSR, SSRİ;
Təhsili	Odessa Universiteti,; İrəvan Müəllimlər Seminariyası;
Fəaliyyəti	həkim

Fərrux bəy Əlikişi oğlu Ağakişibəyov (1879, Şuşa – 1956, Bakı) — Azərbaycanın əməkdar həkimi (1942), Ağdam MRX-nin həkim-terapevti.

Həyatı

Fərrux bəy Əlikişi oğlu Ağakişibəyov 1879-cu ildə Şuşa qəzasının Pərioğlular (indiki Ağdam rayonunun Pərioğlular kəndi) kəndində anadan olmuşdur. 1899-cu ildə İrəvan Müəllimlər Seminariyasını bitirmişdir.^[1]

Fərruxbəy Ağakişibəyov Zəngəzur qəzasının Lənbəran, Qarıqışlaq, Minkənd kənd məktəblərində, Gəncə şəhər məktəbində dərs demişdir.

Fərruxbəy Ağakişibəyov 1909–1914 illərdə Odessa Universitetinin tibb fakültəsində ali təhsil almışdır.^[2] Odessa qəzasında həkim, Odessa-Poltava cəbhəsində həkim işləmişdir. 1915-ci ildə Odessa cərrahi qospitalına ordinator qəbul edilmişdir.

Fəaliyyəti

Fərrux bəy Ağakişibəyov 1918-ci ildə Azərbaycana qayıtmış, Vətənində adlı-sanlı cərrah olaraq tanınmışdır. Ağdamda həkim işləmək istəsə də, orada xəstəxana olmadığından Şuşa xəstəxanasında cərrah işləmişdir. Azərbaycan müstəqilliyini itirdikdən sonra 1920-ci ildə Şuşa səhiyyə şöbəsinin müdiri işləmişdir.

Fərrux bəy Ağakişibəyovun təşkilatçılığı ilə 1922-ci ildə Ağdamda xəstəxana, ambulatoriya yaradılmış, əhaliyə cərrahi yardımın təməli qoyulmuşdur. Onun təşəbbüsü ilə 1925-ci ildə Ağdamda üçkorpuslu xəstəxana və yardımçı binalar tikilmişdir. Ağdamda tibb məktəbinin 1936-cı ildə yaranması Fərrux bəy Ağakişibəyovun adı ilə bağlıdır. O, 1941–1945 illərdə Ağdam hərbi komissarlığı tibb komissiyasının sədri olmuşdur.

Fərrux bəy Ağakişibəyov 1925-ci ildə sahə həkimlərinin Moskvada keçirilən birinci Ümumittifaq qurultayına nümayəndə seçilmişdir. Ona 1942-ci ildə Azərbaycan SSR-nin əməkdar həkimi fəxri adı verilmişdir.

Fərrux bəy Ağakişibəyov 1956-cı ildə Bakıda vəfat etmişdir.^[3]

İstinadlar

↑ Fərrux Rüstəmov. İrəvan Müəllimlər Seminariyası və onun məzunları (PDF). Bakı: Elm və təhsil. 2022. səh. 148. ISBN 978-9952-5455-010.
↑ "Arxivlənmiş surət". 2021-07-30 tarixində arxivləşdirilib. İstifadə tarixi: 2018-04-07.
↑ Ənvər Həmidov. Loğmanlar yurdu. Bakı, 1991

Xarici keçidlər

Fərrux bəy Ağakişibəyov – səhhət və sağlamlığın atası

[1] Fərrux Rüstəmov. İrəvan Müəllimlər Seminariyası və onun məzunları (PDF). Bakı: Elm və təhsil. 2022. səh. 148. ISBN 978-9952-5455-010.

[2] "Arxivlənmiş surət". 2021-07-30 tarixində arxivləşdirilib. İstifadə tarixi: 2018-04-07.

[3] Ənvər Həmidov. Loğmanlar yurdu. Bakı, 1991

[1]

[2]

[3]