Fəthlend

Fəthlend — Livanın cənubunda 1970-ci və 1980-ci illərin əvvəllərində FƏTH təşkilatı və Fələstin Azadlıq Təşkilatı (FAT) tərəfindən idarə olunan region üçün istifadə olunan neologizm. Qara sentyabrdan sonra İordaniyadan qovulan fələstinli fədailər bu regionda öz bazalarını qurmuşdular. 2 noyabr 1969-cu ildə Yasir Ərəfat və Livan Ordusunun komandiri general Emil Bustani arasında imzalanan Qahirə razılaşmasında müəyyən prinsiplər qəbul edilmişdir. Razılaşmaya görə Livanın cənub-şərqində fələstinli partizanların mövcudluğu və fəaliyyətləri Livan hakimiyyəti tərəfindən qəbul olunmalı idi. Daha sonra Fələstin Azadlıq Təşkilatı Livanda faktiki olaraq "dövlət içində dövlət" qurmuş və Livandan İsrailə qarşı əməliyyatlara başlamağa nail olmuşdur. Hücumlar 1978-ci ildə Litani əməliyyatında dayandırılmış və 1982-ci ildə Livan müharibəsindən sonra sona çatdı. Bu qarşıdurma zamanı İsrail Livanın cənubunu işğal edərək silahlı təşkilatları Beyruta doğru qaçmağa məcbur etmişdir. Onlar buradan Tunisə deportasiya olunmuşdular.

Bu termin 2000-ci illərin sonlarında, HƏMAS 2007-ci ilin iyununda Qəzzə zolağında FƏTH–HƏMAS münaqişəsinin bir hissəsi olaraq Qəzzə zolağını ələ keçirdikdən sonra mediada geniş şəkildə istifadə edilmişdir. Qəzzə zolağının HƏMAS-ın, İordan çayının qərb sahilinin isə FƏTH-in nəzarətində olduğu bu vəziyyət KİV-də Fələstin İdarəsinin iki quruma – Həmastan və Fəthlende bölünməsi kimi qələmə verilirdi.

Mənbə

Ədəbiyyat

• Cobban, Helena (1984). The Palestinian Liberation Organisation: People, Power, and Politics. Cambridge: Cambridge University Press. ISBN 0521272165
• Rubenberg, Cheryl A. (1986). Israel and the American National Interest: A Critical Examination. University of Illinois Press. ISBN 0252060741