Farsala
Farsala (yun. Φάρσαλα) — Yunanıstanda qədim Farsala şəhərinin yerində mövcud olan kiçik bir şəhər. Dəniz səviyyəsindən 160 metr hündürlükdə, Profitis İlias dağının yamacında, Enipefsa çayının yaxınlığında, Larissadan 38 kilometr cənubda, Volosdan 48 kilometr qərbdə və Afinadan 187 kilometr şimal-qərbdə yerləşir. Fessaliya periferiyasında Larissa periferik vahidində eyniadlı icmanın (dima) inzibati mərkəzi. 2011-ci il siyahıyaalınmasına görə şəhərdə 9298 nəfər əhali yaşayır. Fessaliya və ümumiyyətlə Yunanıstanın böyük kənd təsərrüfatı mərkəzidir. Əhalinin böyük hissəsi kənd təsərrüfatında (pambıqçılıq və maldarlıq) və kənd təsərrüfatı məhsullarının emalı ilə məşğuldur.
| Farsala | |
|---|---|
 | |
| 39°17′ şm. e. 22°23′ ş. u.HGYO | |
| Ölkə | |
| Tarixi və coğrafiyası | |
| Mərkəzin hündürlüyü | 160 m |
| Əhalisi | |
| Əhalisi |
|
| Rəqəmsal identifikatorlar | |
| Telefon kodu | +30 24910 |
| Poçt indeksi | 403 00 |
| Digər | |
| farsala.gov.gr | |
|
| |
 Vikianbarda əlaqəli mediafayllar | |
Tarix
redaktəArxeoloji tapıntılar Farsala ərazisində əhalinin neolit dövründən davamlı olaraq məskunlaşdığını göstərir. Ayia-Paraskevi (yun. Αγία Παρασκευή) qayasında, Apidanos çayının (Απιδανός) mənbəyində, şəhərin şimal-qərbində Miken yaşayış məntəqəsi aşkar edilmişdir. Arxeoloji tapıntılar göstərir ki, qədim Farsala şəhəri Salonitin (Θεσσᾰλιῶτις) mərkəzi, Tesaliya tetraxiyasının bir hissəsi olub və arxik dövrün sonlarında çiçəklənib. Yunan-İran müharibələri zamanı Farsala öz sikkəsini zərb etdirir. Təxminən eramızdan əvvəl 374-cü ildə Fessaliya (yun. ταγὸς Θετταλῶν) ali lider olmuş Fer tiranı Yason (yun. Ἰάσων) tərəfindən tabe edilir.
Eramızdan əvvəl 48-ci ildə şəhərin yaxınlığında Roma üzərində tək hakimiyyət uğrunda mübarizə aparan Yuli Sezar və Qney Pompey qoşunları arasında həlledici döyüş baş verir.
Müasir şəhər qədim şəhərin yerində salınıb. Şəhərin cənubunda, Nartakion silsiləsinin (qədim yunanca Ναρθάκιον) şimal-qərb ucu Profitis-İlias (Προφήτης Ηλίας) dağında hündür və möhkəmləndirilmiş akropolun xarabalıqları vardır[1]. Farsaladan bir qədər aralıda, Enipefsin o biri tərəfində Fetida ziyarətgahı var idi.
Farsala icması
redaktəFarsala icmasına 4 yaşayış məntəqəsi daxildir. 2011-ci il siyahıyaalınmasına görə burada 9337 nəfər əhali yaşayır[2]. Sahəsi 57,928 kvadrat kilometrdir.
İstinadlar
redaktə- ↑ "Ακρόπολη Φαρσάλου. Ιστορικό". Οδυσσέας (yunan). Υπουργείο Πολιτισμού και Αθλητισμού. 2012. 2014-11-08 tarixində arxivləşdirilib. İstifadə tarixi: 2018-03-26.
- ↑ "Πίνακας αποτελεσμάτων Μόνιμου Πληθυσμού-Απογραφής 2011" (yunan). Ελληνική Στατιστική Αρχή. 2014-03-20. 2015-11-13 tarixində arxivləşdirilib. İstifadə tarixi: 2017-10-22.