Firudin Cəm
Firudin Cəm (1914, Tehran – 13 oktyabr 2000, London; farsca: فريدون جم) — İranın keçmiş yüksək rütbəli hərbçisi (General) və keçmiş baş nazir Mahmud Cəmin oğlu.[1]
| Firudin Cəm | |
|---|---|
| fars. فريدون جم | |
 | |
| Şəxsi məlumatlar | |
| Doğum tarixi | 1914 |
| Doğum yeri | |
| Vəfat tarixi | 13 oktyabr 2000 |
| Vəfat yeri | |
| Vətəndaşlığı | |
| Həyat yoldaşı | |
| Hərbi fəaliyyəti | |
| Qoşun növü | İran Quru Qoşunları |
| Rütbəsi | general |
 Vikianbarda əlaqəli mediafayllar | |
Həyatı
redaktə1914-cü ildə Təbrizdə Mahmud Cəmin ailəsində anadan olmuşdur. Atası Mahmud Cəm 1935-ci ildən 1939-cu ilə qədər İranın baş naziri olmuşdur. Anasının adı Məleykə Zaman olmuşdur.
1937-ci ildə Rza şah Pəhləvinin böyük qızı Şəms Pəhləvi ilə evlənmişdir. Rza şahın ölümündən sonra Firudin Cəm Şəms Pəhləvi ilə boşanmışdır.[2]
Təhsili
redaktəTehranda və Saint-Cyrda hərbi təhsil almışdır. Daha sonra Birləşmiş Krallıqda hərbi akademiyanı bitirmişdir.
Karyerası
redaktə1969–1971-ci illərdə İran İmperial Ordu Korpusunun komandanı vəzifəsində xidmət etmişdir. Məhəmmədrza şah Pəhləvi ilə konfliktlərə görə 1973-cü ildə ordudan ayrılmışdır. Həmin bu müddətdən sonra 1978-ci ilə qədər İranın İspaniyadakı səfiri olmuşdur. 1978-ci ildə Londona köçmüşdür. Pəhləvi hakimiyyəti zamanı son hökumət başçısı olan Şapur Bəxtiyar ona hökumət kabinetində Müdafiə Naziri vəzifəsini təklif etsə də, hökumətin real gücünün çox aşağı olmasını səbəb göstərərək bundan imtina etmişdir.
İran İslam İnqilabı zamanı İran ordusunun bitərəfliyini elan etməsinə etiraz etmiş və bunu vətənə xəyanət adlandırmışdır.[3] Lakin İran-İraq müharibəsi zamanı İran ordusunu dəstəkləmişdir.
Xatirəsi
redaktə2011-ci ildə Firudin Cəm Yardım Fondu tərəfindən London Universitetinin Afrika və Şərqşünaslıq bölməsinə İranşünaslığın inkişafı üçün 2 milyon dollar yardım edilmişdir. Bunun qarşılığında bu univeristet İranşünaslığı inkişaf etdirmək üçün fərqli dərslərlə yanaşı, İranşünaslıq üçün yeni təqaüd planları da hazırlamışdır. Bütün bu işlər London Universitetindəki İran İşləri Mərkəzi tərəfindən təşkil edilir. Bütün bunlar Firudin Cəmin valideynlərindən daha əvvəl ölən oğlu Kamran Cəmə həsr edilir.[4]
Həmçinin bax
redaktəİstinadlar
redaktə- ↑ Iran and Its Place Among Nations, Alidad Mafinezam, Aria Mehrabi, 2008, p. 57
- ↑ "Shams Pahlavi". Fouman. 16 December 2013 tarixində orijinalından arxivləşdirilib. İstifadə tarixi: 21 February 2013.
- ↑ "Defection delays presentation of Iranian cabinet". The Phoenix. Tehran. AP. 9 January 1979. 14 June 2021 tarixində arxivləşdirilib. İstifadə tarixi: 5 August 2013.
- ↑ "The Kamran Djam Annual Lecture" (PDF). Tehran: SOAS. AP. 2012. 24 September 2015 tarixində arxivləşdirilib (PDF). İstifadə tarixi: 14 May 2014.