Firudin Mustafayev
Firudin Bəylər oğlu Mustafayev (5 oktyabr 1950, Kürçülü, Noraşen rayonu) — Azərbaycan Respublikasının Əməkdar mühəndisi, ARDNŞ-in "Azərikimya" İstehsalat Birliyinin Baş direktorunun müşaviri[1], kimya elmləri namizədi.
| Firudin Mustafayev | |
|---|---|
  | |
| 2013 – indiyə kimi | |
| |
| 2010 – 2013 | |
| |
| 2000 – 2010 | |
| Şəxsi məlumatlar | |
| Doğum tarixi | 5 oktyabr 1950 (74 yaş) |
| Doğum yeri | |
|
|
|
| Təltifləri |
  |
Həyatı
redaktəFirudin Mustafayev 1950-ci ildə Naxçıvan Muxtar Respublikası Şərur rayonunun Kürçülü kəndində anadan olmuşdur
1966–1970-ci ildə M. Əzizbəyov adına Azərbaycan Neft — Kimya institutunun kimya-texnologiya fakültəsində ali təhsil almış, 1977–1981-ci illərdə D. İ. Mendeleyev adına Moskva Kimya-Texnologiya İnstitutunda (indiki D. İ. Mendeleyev adına Rusiya Kimya-Texnologiya Universiteti) aspirantura bitirmiş və kimya elmləri namizədi adını almışdır.
1989–90-cı illərdə Serqo Orconikidze adına Moskva İdarəçilik Akademiyasında təhsilini davam etdirmiş və xarici iqtisadi əlaqələr üzrə iqtisadçı ixtisasına yiyələnmişdir.
Təhsil aldığı müddətdə 5 elmi məqalənin və 2 ixtiranın müəllifi olmuşdur.
1970–1971-ci illərdə hərbi xidmətdə olmuşdur.
Azərbaycan, rus, ingilis və alman dillərini bilir.
Əmək fəaliyyəti
redaktəƏmək fəaliyyətinə 1971-ci ildə Sumqayıt şəhəri kimya kombinatının benzol sexində növbə rəisi kimi başlamışdır.
1973–1974-cü illərdə Azərbaycan Neft — Kimya institutununda mühəndis kimi çalışmış, daha sonra (1974–1975) Elmlər Akademiyasının Neft — Kimya prosesləri institutunun Sumqayıt şəhəri filialında böyük mühəndis kimi işləmişdir.
1975–1977-ci illərdə Sumqayıt "Kimyasənaye" İB-nin "Üzvi sintez" İB-nin (zavodunun) müxtəlif sexlərində növbə rəisi kimi çalışmışdır.
1981-ci ildə Azərbaycana geri döndükdən sonra Sumqayıt "Kimyasənaye" İB-nin (zavodunun) mərkəzi laboratoriyasının rəis müavini təyin olunmuşdur. 1987–1988-ci illərdə Rumıniyanın Curcu şəhərində yerləşən kimya zavoduna texniki yardım üzrə mütəxəssis kimi ezam olunmuşdur.
1991-ci ildə təcrübə mübadiləsi üzrə bir il müddətinə Almaniyanın BASF konserninə ezam olunmuşdur. 1992-ci ildə Sumqayıt şəhəri "Səthi fəal maddələr" İB-nin (zavodunun) baş direktoru vəzifəsinə təyin olunmuşdur.
2000–2010-cu illərdə Azərkimya Dövlət Şirkətinin vitse-prezidenti olmuşdur. Azərbaycan Respublikası Prezidentinin "Neft-kimya sənayesində idarəetmə mexanizmlərinin təkmilləşdirilməsi haqqında" 2 aprel 2010-cu il tarixli Sərəncamına[2] əsasən "Azərikimya" Dövlət Şirkəti ARDNŞ-nin tabeliyinə verildikdən sonra İcraçı direktorun müavini və Baş mühəndis vəzifəsinə təyin olunmuşdur.
2013-cü ildən etibarən ARDNŞ-in "Azərikimya" İstehsalat Birliyinin Baş direktorunun müşaviri vəzifəsini yerinə yetirir.[3]
Ailəsi
redaktəAiləlidir, 3 övladı və 4 nəvəsi var.
Mükafatları
redaktəAzərbaycanın neft sənayesinin inkişafındakı xidmətlərinə görə Azərbaycan Respublikası Prezidentinin 18 sentyabr 2010-cu il tarixli Sərəncamı ilə "Əməkdar Mühəndis" fəxri adı təltif edilib.[4]
Kimya sənayesinin yaradılmasının 70 illiyi ilə əlaqədar olaraq Azərbaycan Respublikası Prezidentinin 26 oktyabr 2015-ci il tarixli Sərəncamı ilə Azərbaycanda səmərəli fəaliyyətlərinə görə "Şöhrət" ordeni təltif edilib.[5]
İstinadlar
redaktə- ↑ ""Azərkimya" İstehsalat Birliyinin İcraçı direktorunun müşaviri Firudin Mustafayev ilə müsahibə". 2020-09-24 tarixində arxivləşdirilib. İstifadə tarixi: 2018-12-25.
- ↑ "Neft-kimya sənayesində idarəetmə mexanizmlərinin təkmilləşdirilməsi haqqında Azərbaycan Respublikası Prezidentinin Sərəncamı". 2020-06-29 tarixində arxivləşdirilib. İstifadə tarixi: 2018-12-28.
- ↑ "Azərbaycan Dövlət Neft Akademiyasında kimyaçı-mühəndislərlə görüş keçirilmişdir". 2017-09-25 tarixində arxivləşdirilib. İstifadə tarixi: 2020-09-04.
- ↑ "Azərbaycan Respublikasının neft sənayesi işçilərinə "Əməkdar Mühəndis" fəxri adının verilməsi haqqında Azərbaycan Respublikası Prezidentinin Sərəncamı". 2017-06-12 tarixində arxivləşdirilib. İstifadə tarixi: 2018-12-25.
- ↑ "Kimya sənayesi işçilərinin təltif edilməsi haqqında Azərbaycan Respublikası Prezidentinin Sərəncamı". 2023-07-13 tarixində arxivləşdirilib. İstifadə tarixi: 2018-12-25.