Vikipediya

Fosterin xəyali dostlar evi

Fosterin xəyali dostlar evi ("Fosterin evi" olaraq da tanınır) — Creyk Makkreyken tərəfindən "Cartoon Network" üçün yaradılmış amerikan animasiya serialı.

Fosterin xəyali dostlar evi
ing. Foster's Home for Imaginary Friends
Loqonun şəkli
Janr fantaziya teleserialı[d], komediya-dram
İstehsalçı ölkə
Studiya Cartoon Network Studios
Dil ingilis dili[1]
Davametmə müddəti 22 dəq.
IMDb ID0419326
cartoonnetwork.com/tv_sh…

Süjet

redaktə

"Fosterin xəyali dostlar evi" uşaqların xəyali bir dost xəyal edən kimi həmin dostun fiziki forma alaraq canlandığı bir dünyadır. Uşaqlar böyüyəndən sonra xəyali dostlar başqa uşaqlar tərəfindən sahiblənməsi üçün bir növ sığınacağa — Fosterin evinə aparılır. Ev yaşlı, sevimli və mehriban qurucu madam Foster tərəfindən idarə olunur. Onun xəyali dostu dovşan mister Herriman sərt təbiətli ev meneceridir, nəvəsi Firanki isə günlük işlərlə məşğuldur.

Anası onun xəyali dost üçün çox böyük olduğunu düşündüyü üçün səkkiz yaşlı oğlu Maka xəyali dostu Blunu tərk etməsi üçün təzyiq göstərir. Mak bir televiziya reklamında gördükdən sonra Blunu Fosterin evinə aparanda öyrənir ki, əgər Blu burada yaşasa, başqa bir uşağa verilə bilər. Mak daha sonra Franki, mister Herriman və madam Foster ilə uzun danışıqlardan sonra onları razı sala bilir ki, Mak hər gün buranı saat 3-də ziyarət etdiyi müddətcə heç kəs Blunu buradan apara bilməz. Beləliklə, Mak hər gün dərsdən sonra Fosterin evini ziyarət etməyə başlayır. Bu ziyarətlər əsnasında çox maraqlı macəralar yaşanır.

Əsas personajlar

redaktə
  • Mak — Blunun yaradıcısı və ən yaxşı dostu olan 8 yaşlı uşaq. Hər gün Fosterə baş çəkir.[2] O, Bluya çox bağlıdır və ən böyük qorxusu onu bir daha görməməkdir. Dostları qərar verərkən əksər hallarda ən ağıllıca çıxış yolunu Mak tapır. O, şəkər yeyəndə həddindən artıq hiperaktiv olur.[3] Mak həm də Firenki ilə maraqlanır.[4][5]
  • Blu — Makın xəyali dostu. O, mavi rəngdədir və qübbəli sadə silindrə bənzəyir. O, həm də mənfəətpərəst, eqoist və narsistdir. Bu xüsusiyyətləri ilə Blu Makın tam əksidir. Tez-tez özünü problemin içinə atır. Bütün bunlara baxmayaraq Blu üzr istəməsini də bilir. Türkcə Özgür Özdural səsləndirmişdir.
  • Uilt — çox hündür, mehriban və inanılmaz dərəcədə gözəl qırmızı rəngli xəyali dost. Onun qolu yoxdur və sol gözü əyridir. Onun sadəlövh davranışı və heç kəs "yox" deyə nilməməsi tez-tez digər xəyali dostlar tərəfindən istismar edilir. O basketbol oyunçusu və qızğın azerkeşidir. O, həm də məşhur basketbolçu Cordan Mayklın (Maykl Cordanın parodiyası) xəyali dostudur. Uiltin sol qolu məğlub olduqları basketbol oyununda Cordanı əzilməkdən qoruduğu zaman möhkəm əzildi və son atışda top sol gözünü əzdi. Nəticədə, Uilt sol qolunu itirdi və gözü həmişəlik əyri qaldı. Ağır məğlubiyyətindən sonra Cordanın çox məyus olmasından narahat olan Uilt onu tərk edir. Otuz ildən sonra Uilt Cordanı yenidən görmək üçün onu axtarmağa başlayır. Bu axtarışın sonunda Uilt öyrənirdi ki, Cordan xəyalı dostunun yaralanmasına görə özünü təqsirkar bilir və onu ağır zədədən qoruduğu üçün Uiltə minnətdardır.[6] Türkcə Boğaçxan Sözmən səsləndirmişdir.
  • Eduardo — Nina Valerosa adında kiçik qız tərəfindən onu təhlükəli bir məhəllədə qoruması üçün yaradılan Latın amerikalı xəyali dost. Eduarda böyük buynuzları, nazik uzun quyruğu, iri dişləri olan iri, tüklü, bənövşəyi rəngli xəyali dostdur. İri cüssəsinə, əzici gücünə və təhdidkar görüşünə baxmayaraq Eduardo dinc, çəkingən biridir və demək olar ki, hər şeydən qorxur. Ancaq əsəbləşəndə və ya dostları təhlükədə olanda vəhşiləşə bilər.[7] Türkcə Əndər Yiğit səsləndirmişdir.
  • Koko — palma yarpaqlarına bənzər tükləri olan, yalnız adını (Koko) yaza və deyə bilən toyuq bənzəri quş. Digər personajlar adətən danışanda onu başa düşürlər. Görünüşünə və çılğın hərəkətlərinə baxmayaraq ağıllı və nəzakətli ola bilər. Adam və Duqlas adlı 2 alim tərəfindən Cənubi Sakit okean sahilində tapıldığı üçün yaradıcısı məlum deyil.
  • Fransis (Franki) — madam Fosterin 22 yaşında qırmızı saçlı nəvəsi. Sürücülük vəsiqəsinə görə, 25 iyul 1984-cü il təvəllüdlüdür.[8] Mister Herriman onu xanım Fransis kimi çağırır. Franki evdə baxıcıdır və hər şeyin yolunda getməsinə kömək edir. Əsasən mehriban, bacarıqlı, çalışqan, asan yola gedən, düşüncəli, qayğıkeş və şirindir. Amma bəzən Blu və mister Herriman onun səbrini daşırır.
  • Mister Herriman — madan Foster tərəfindən yaradılan, Britaniya ingilis ləhcəsi ilə danışan ağ və boz rəngli, antromorfik başlı böyük dovşan. O, frak, ağ əlcəklər geyinir, silindr şlyapa və monokl taxır. Özünü evin rəhbəri,[9] daha sonra isə evin prezidenti[10] kimi təqdim edir və evdə nizam-intizamın qorunmasında olduqca sərtdir. Mister Heriman tez-tez Blunu dəcəlliklərinə görə cəzalandırır və Frenkini bütün zəhmətinə baxmayaraq tənbəlliyinə görə danlayır.
  • Madan Foster — Frankinin nənəsi və xəyali dostlar evinin qurucusu, mister Herrimanın yaradıcısıdır. Madan Foster çox yaşlı olmasına baxmayaraq, hələ də uşaqca sərhədsiz enerjiyə sahibdir. Hətta bəzən hiperaktiv və çılğın olur.

Tez-tez yer verilən başqa personajlar da var: Makı tez-tez incidən böyük qardaşı Terens, Düşes olaraq adlandırılan özündənrazı xəyali dost, ilk dəfə ikinci sezonda qarşılaşdığımız uşaqca və bezdirici hərəkətləri olan Çiz və Qu adında ilk dəfə üçüncü sezonda qarşımıza çıxan çox danışan, yüksək xəyal gücüylə tez-tez xəyali dostlar yaradan qonşuluqdakı balaca qız.

İstehsal

redaktə

Animasiya serialının ideyası Creyk Makkreyken tərəfindən o vaxtlar nişanlı olduğu Lauren Faust və Mayk Mun ilə birlikdə heyvan sığınacağından iki it sahibləndiyi vaxt tapıldı. O, heyvan sahiblənmə şəklini xəyali dostlara tətbiq etdi.

"Fosterin xəyali dostlar evi"nin 13 avqust 2004-cü ildə saat 19:30-da "Blunun evi" başlığıyla xüsusi bir bölümlə premyerası baş tutdu. Serialın yayımı avqustun 20-də normal vaxt intervalında cümə günləri saat 19:00-da başladı.[11] Xüsusi bölüm "Cartoon Network"un o zamankı ən yüksək reytinqli premyerası idi.[12] 2006–2007-ci illər arası 18 qısa film çəkildi. İlk bölümə əlavə olaraq iki xüsusi bölüm də çəkildi: 23 noyabr 2006-cı ildə, saat 19:00-da premyerası olan "Good Wilt Hunting"[13] adındakı bölüm və 27 noyabr 2008-vi ildə, saat saat 20:00-da premyerası olan "Destination: Imagination"[14] adındakı bölüm. 3 may 2009-cu il tarixində saat 18:30-da yayımlanan "Bluya əlvida" adlı final bölümü filmin digər epizodlarının 6 saatlıq marafonundan əvvəl yayımlandı. Makkreyken filmin sonunda müəyyən bir kədər dilə gətirdi, amma o və prodüser komandasının "Fosterdə gördükləri işdən dəlicəsinə qürur duyduğunu" və "bunun onların istədikləri kimi alındığını" bildirdi.[15] İlkin yayım zamanı "Fosterin xəyali dostlar evi" "Cartoon Network"un ən yüksək reytinqli şoularından biri idi.[16][17][18] Film həm azyaşlı, həm də yetkin tamaşaçılar arasında populyar olduğunu sübut etdi.[19]

Tənqid

redaktə

"The New York Times"-dan Atina Geyts serialın premyerasının 1 1/2 saatlıq epizodunu təriflədi və serialın "yoluxucu bir əyləncə hissi ilə heyranlıq yaradan sədaqət və macəra təməlli öyrənmə hekayəsi" olacağını vəd etdiyini bildirdi. Mayk Pinski "DVD qərar"dakı (DVD Verdict) analizdə serialın sənət dizaynını və xarakteristikaları təriflədi,[20] xüsusən də ikinci mövsüm analizində Çizi "Fosterin qeyri-adi cazibəsinin əsası" kimi qeyd etdi.[21] "DVD Talk"dan David Kornelius serialı "[o vaxtlar] televiziyada istənilən növdə ən yaxşı şoulardan biri, istənilən yaşda olan tamaşaçılar üçün qazanan", həm də "yaradıcı möcüzə, gülməli dahi və yaxşı hazırlanmış xaosun çılğınca yaradıcı bir qarışımı" adlandırdı. Həm də 2-ci sezonun icmalında Kornelius "DVD Talk"da şounu "mükəmməl" adlandırdı.[22][23] Uşaqlar üçün texnologiya və media üzərində fokuslanan vəkillik qrupa olan "Common Sense Media"dan Coli Herman şouya daha az həvəs göstərdi və onu 5 ulduzdan 2 ulduzla qiymətləndirdi. Herman personajların yaradıcılığını, onların müxtəlifliyini və şounun əsasını yüksək qiymətləndirməklə yanaşı, kiçik uşaqlar üçün "çaşdırıcı mesajlar" təqdim edən hekayə və yazını tənqid etdi.[24]

İstinadlar

redaktə
  1. ↑ 1 2 3 fernsehserien.de (alm.).
  2. ↑ "Foster's Home for Imaginary Friends Characters". Cartoon Network.
  3. ↑ Partying Is Such Sweet Soiree". Foster's Home for Imaginary Friends. Season 2. Episode 1. January 22, 2005. Cartoon Network.
  4. ↑ "Frankie My Dear". Foster's Home for Imaginary Friends. Season 2. Episode 9. March 18, 2005. Cartoon Network.
  5. ↑ ""Watch Foster's Home for Imaginary Friends Episodes — Season 2". TV Guide". 2022-09-06 tarixində arxivləşdirilib. İstifadə tarixi: 2021-11-06.
  6. ↑ "Good Wilt Hunting". Foster's Home for Imaginary Friends. Season 4. Episode 12–13. November 23, 2006. Cartoon Network.
  7. ↑ "House of Bloo's". Foster's Home for Imaginary Friends. Season 1. Episode 1. August 13, 2004. Cartoon Network.
  8. ↑ "Bus the Two of Us". Foster's Home for Imaginary Friends. Season 4. Episode 7. August 1, 2006. Cartoon Network.
  9. ↑ "Gates, Anitas (2004–08-13). "Television Review; Where Imaginary Friends Wait for Real Love"". 2021-05-26 tarixində arxivləşdirilib. İstifadə tarixi: 2021-11-09.
  10. ↑ "Setting a President". Foster's Home for Imaginary Friends. Season 3. Episode 12. February 17, 2006. Cartoon Network.
  11. ↑ "Press, Joy (August 15, 2004). "Television; The Retirement Home For Imaginary Friends". The New York Times. Retrieved December 14, 2015". November 14, 2021 tarixində arxivləşdirilib. İstifadə tarixi: November 14, 2021.
  12. ↑ "Ball, Ryan (2004–08-17). "Foster's Home Nabs Big Ratings". Animation Magazine". 2021-05-25 tarixində arxivləşdirilib. İstifadə tarixi: 2021-11-14.
  13. ↑ "Baisley, Sarah. "Foster's Home for Imaginary Friends First Feature Movie Airs November 23". Animation World Network". 2021-05-26 tarixində arxivləşdirilib. İstifadə tarixi: 2021-11-14.
  14. ↑ "Fritz, Steve. "Animated Shorts: Craig McCracken — Back to Foster's". Newsarama". 2013-03-20 tarixində arxivləşdirilib. İstifadə tarixi: 2021-11-14.
  15. ↑ "Fritz, Steve. "Animated Shorts: McCracken on the End of Foster's". Newsarama". 2013-03-20 tarixində arxivləşdirilib. İstifadə tarixi: 2021-11-14.
  16. ↑ "Ball, Ryan (October 4, 2004). "Foster's Home Fully Adopted by Cartoon Network". Animation Magazine". June 1, 2021 tarixində arxivləşdirilib. İstifadə tarixi: November 14, 2021.
  17. ↑ Baisley, Sarah. "Foster's Home for Imaginary Friends Game Launches". Animation World Network.
  18. ↑ "Baisley, Sarah. "Foster's a Hot Topic for the Holidays". Animation World Network". 2022-09-06 tarixində arxivləşdirilib. İstifadə tarixi: 2021-11-14.
  19. ↑ Gardner, Jenara (2008–11-27). ""Foster's Home" fosters adult imaginations — The Boston Globe". The Boston Globe. 15.11.2021[ölü keçid]
  20. ↑ Pinsky, Mike (March 21, 2007). "Case Number 11045: Foster's Home For Imaginary Friends: The Complete Season 1". DVD Verdict.
  21. ↑ Pinsky, Mike (November 28, 2007). "Case Number 12469: Foster's Home For Imaginary Friends: The Complete Season 2". DVD Verdict.
  22. ↑ "Cornelius, David. "Foster's Home for Imaginary Friends — The Complete Season 1"". 2021-11-23 tarixində arxivləşdirilib. İstifadə tarixi: 2021-11-23.
  23. ↑ "Cornelius, David. "Foster's Home for Imaginary Friends — The Complete Season 2"". 2022-09-06 tarixində arxivləşdirilib. İstifadə tarixi: 2021-11-23.
  24. ↑ "Herman, Joly (October 2007). "Foster's Home for Imaginary Friends TV Review". Common Sense Media". 2021-06-05 tarixində arxivləşdirilib. İstifadə tarixi: 2021-12-24.
Mənbə — "https://az.wikipedia.org/w/index.php?title=Fosterin_xəyali_dostlar_evi&oldid=7622487"