Vikipediya

Frederik Renal

Fransa geymdizayneri və proqramçısı

Frederik Renal (fr. Frédérick Raynal; 15 mart 1966, Briv-la-Qayard[d]) — Fransa geymdizayneri və proqramçısı. O, "Infogrames", "Adeline Software International" və "No Cliché" şirkətlərindəki fəaliyyəti ilə tanınır, videooyun sənayesində 1990-cı və 2000-ci illərin öncül şəxslərindən biri hesab edilir.[1] Renal "İncəsənət və Ədəbiyyat" ordeninin kavaleridir.

Frederik Renal
fr. Frédérick Raynal
Doğum tarixi 15 mart 1966(1966-03-15) (58 yaş)
Doğum yeri
  • Briv-la-Qayard[d]
Fəaliyyəti video oyun dizayneri[d], proqramçı, rejissor
ludoid.fr
Vikianbarın loqosu Vikianbarda əlaqəli mediafayllar

Renal proqramlaşdırma karyerasına 1980-ci illərin axırlarında start vermiş, ancaq 1992-ci ildə "Infogrames" tərəfindən satışa çıxarılan "Alone in the Dark" survival horror videooyununun rejissoru olduqdan sonra populyarlaşmışdır. Renal "Infogrames" şirkətindən ayrılandan sonra "Adeline Software International" studiyasında çalışmış, "Little Big Adventure" (1994), "Little Big Adventure 2" (1997), və "Time Commando" (1997) kimi videooyunların üzərində işləmişdir. "Adeline" studiyası "Sega" korporasiyası tərəfindən satın alındıqdan sonra onun adı "No Cliché" olaraq dəyişdirilmişdir, ancaq studiya 2004-cü ildə bağlanmışdır. Renal videooyun sənayesinə geri dönmüş və müxtəlif studiyalarla çalışmışdır. Onun üzərində işlədəyi axırıncı layihə "2Dark" (2017) videooyunudur.

Həyatı

redaktə

Frederik Rünal 15 mart 1966-cı il tarixində Fransanın Briv-la-Qayard şəhərində anadan olmuşdur. Renal uşaqlıq illərində digərləri ilə əlaqə qurmaqdan qaçınardı.[2] Renalın maraqlarını nəzərə alan atası onu 1979-cu ildə proqramlaşdırma kursuna yazdırır. Renalın kompüterlərə olan marağı getdikcə artıq və o, 1981-ci ildə "Sinclair ZX81" kompüterini satın alır. Buna baxmayaraq, Renal satıcı olaraq işləyirdi. O, 1982–1983-cü illərdə video kaset mağazası işlətmişdir.[3] Renalın uşaqlıq və gənclik illərində izlədiyi qorxu filmləri onun gələcəkdə məhz bu janr üzrə ixtisaslaşmasına səbəb olmuşdur.[4]

İlhamı

redaktə

Frederik Renalın əsərləri mövzu baxımdan eklektikdir, lakin rejissor əsasən döyüş-macəra oyunları üzrə ixtisaslaşmışdır.[5] Onun iştirakı ilə istehsal edilmiş videooyunların hədəflədiyi auditoriyaları fərqlidir. Geymdizayner cizgi filminə bənzəyən "Little Big Adventure" videooyunundan tutmuş,[6] ağır zorakılıq və uşaqların öldürülməsini təsvir edən "2Dark" videooyununa qədər müxtəlif layihələr üzərində işləmişdir.[7] Renalın iştirakı ilə istehsal edilmiş videooyunların estetikası, az poliqonlu "Alone in the Dark" videooyunundan tutmuş[8] pikselli "2Dark" videooyununa qədər cürbəcürdür.[9] Onun işləri "dəlisov ideyalardan məhrum edilməmiş"[10] və "qeyri-real"[11] kimi təsvir edilmişdir. Baxmayaraq ki, Renal "Alone in the Dark" sayəsində məşhur oldu, o, yaradanı hesab edildiyi survival horror janrından uzaq qalmağa çalışmışdır. Renal yüksək qiymətləndirilən işlərindən nifrət edir,[12] onun iştirakı olmadan istehsal edilən sikvelləri "nəcis" adlandırır.[13]

Mükafatlar

redaktə

Fransa Mədəniyyət və Rabitə naziri Reno Donnedye de Vabr 13 mart 2006-cı il tarixində Frederik Renal, Şiqeru Miyamoto və Mişel Anseli "İncəsənət və Ədəbiyyat" ordeni ilə təltifləndirmişdir. Bu, videooyun istehsalçılarının bu fərqlənmə ilə ilk dəfə mükafatlandırılması idi.[14]

İşlər

redaktə
Müstəqil
Infogrames
Adeline Software International
No Cliché
F4
  • "Trium Planeta" (ləğv edildi)
Mekensleep
Ubisoft
  • "Battle Tag" (2010)
  • "Treasure Hunter Institute" (ləğv edildi)
Ludoïd
Gloomywood

Mənbə

redaktə

İstinadlar

redaktə
  1. ↑ Frédérick Raynal // Encyclopedia of Video Games: The Culture, Technology, and Art of Gaming (ingilis). Santa-Barbara: ABC-CLIO. 2012. səh. 219. ISBN 978-0-313-37936-9.
  2. ↑ Petronil, 2010. səh. 58
  3. ↑ Petronil, 2010. səh. 59
  4. ↑ Petronil, 2010. səh. 60
  5. ↑ Vayldqus, Devid. Flashback: Alone in the Dark (ingilis). 33. PC Powerplay. 1999. səh. 146. İstifadə tarixi: 4 iyul 2020.
  6. ↑ "Frédérick Raynal". gamekult.com (fransız). GameKult. July 23, 2019 tarixində arxivləşdirilib. İstifadə tarixi: 4 iyul 2020.
  7. ↑ Xau, Kassandra. ""The subject is touchy"—2Dark is a game where even the children aren't safe". arstechnica.com (ingilis). Ars Technica. 8 oktyabr 2015. January 18, 2016 tarixində arxivləşdirilib. İstifadə tarixi: 4 iyul 2020.
  8. ↑ Uels, Mett. "THQ Nordic has now acquired survival horror classic Alone In The Dark". eurogamer.net (ingilis). Eurogamer. 19 sentyabr 2018. September 20, 2018 tarixində arxivləşdirilib. İstifadə tarixi: 4 iyul 2020.
  9. ↑ O'Konnell, Adam. "Review – 2Dark". gamehype.co.uk (ingilis). Game Hype. 19 sentyabr 2018. October 21, 2018 tarixində arxivləşdirilib. İstifadə tarixi: 4 iyul 2020.
  10. ↑ "Toy Commander". Next Generation Magazine (ingilis). 56: 46–47. 1999. İstifadə tarixi: 4 iyul 2020.
  11. ↑ "Buyer's Guide". Computer Gaming World (ingilis). 161: 135. 1997. İstifadə tarixi: 4 iyul 2020.
  12. ↑ Aleksandr, Li. "GDC 2012: Inside the making of Alone in the Dark". gamasutra.com (ingilis). GamaSutra. 9 mart 2012. October 15, 2019 tarixində arxivləşdirilib. İstifadə tarixi: 4 iyul 2020.
  13. ↑ Hyuton, Devid. "2Dark digs up survival-horror's roots with murder-clowns, chain-smoking babysitters, and a lethal save system". gamesradar.com (ingilis). GamesRadar. 228 aprel 2016. November 2, 2016 tarixində arxivləşdirilib. İstifadə tarixi: 4 iyul 2020.
  14. ↑ Bliss de la Buasyer, Fransua. "Features - From Paris with Love: de Chevalier dans l'Ordre des Arts et des Lettres". gamasutra.com (ingilis). Gamasutra. 15 mart 2006. November 9, 2012 tarixində arxivləşdirilib. İstifadə tarixi: 4 iyul 2020.
  15. ↑ "Frederick Raynal Interview - Game Design Tools, Methods and Technology". theswapmeet.com (ingilis). Theswapmeet.com. 21 oktyabr 1998. November 18, 2000 tarixində arxivləşdirilib. İstifadə tarixi: 4 iyul 2020.
  16. ↑ Sega Master. "Agartha [Dreamcast - Cancelled]". unseen64.net (ingilis). Unseen64. 10 aprel 2008. December 21, 2012 tarixində arxivləşdirilib. İstifadə tarixi: 4 iyul 2020.

Ədəbiyyat

redaktə
  • Petronvil, Mark. Alone in the Dark. 21. Pix 'n Love. 2010. 58–73.

Xarici keçidlər

redaktə
 
Vikianbarda Frederik Renal ilə əlaqəli mediafayllar var.
Mənbə — "https://az.wikipedia.org/w/index.php?title=Frederik_Renal&oldid=7051509"