Gavalı turşusu

Gavalı turşusu kələm və xiyar turşuları ilə birgə

Hazırlanma qaydası 1

1 balon gavalı turşusunun hazırlanma qaydası:

Tərkibi

• 2 kq gavalı
• 2x.q.duz
• 2x.q. üzüm sirkəsi
• 1ç.q. tünd sirkə (esensiya)
• 3 diş sarımsaq
• 1/2 ç.q. nanə qurusu
• 3 yarpaq dəfnə yarpağı
• 1 orta böyüklükdə acı bibər
• 5-6 ədəd qara istiot

Hazırlanma qaydası

Sterilləşdirilmiş 3 litrlik balona sarımsaq, nanə qurusu, acı bibər, qara istiot və dəfnə yarpağı yığılır.Üzərinə yuyulmuş və çəngəllə deşilmiş gavalılar yığılır. Duz, esensiya və üzüm sirkəsi əlavə edilir və qaynar su tökülür. Ağzı ehmalca bağlanılır və soyumasını gözləyirik. Soyumuş məhlul ehmalca boşaldılır və yenidən qaynadılır. Gavalılar təkrar balona tökülərək germetik yolla qapaqla bağlanılır. Bağlanmış balon ağzı üstə çevrilir və soyuyana qədər saxlanılır.

Tərkibi

• Gavalı
• Dəfnə yarpağı
• Sarımsaq
• Ətirli istiot
• Duz
• Esensiya (70% sirkə)

Hazırlanma qaydası

Gavalını yuyub çəngəllə deşin, sarımsağı təmizləyin dilimlərə, istiotu və dəfnə yarpağını yuyun. Sterilləşdirilmiş bankaya yığıb üstünə duz tökün (1 x.q. 1 litr suya). 1 x.q. 1 litr suya esensiya töküb qaynar su əlavə edin və bankanı qapaqla bağlayın.

Mənbə

• Sirkəyə qoyulmuş gavalı Arxivləşdirilib 2008-12-04 at the Wayback Machine