Geri Snayder
Qeri Snayder (8 may 1930[1][2][…], San-Fransisko, Kaliforniya[3]) — Amerika şairi. Postmodernist yazar.
| Geri Snayder | |
|---|---|
.jpg) | |
| Doğum tarixi | 8 may 1930[1][2][…] (94 yaş) |
| Doğum yeri | |
| Təhsili | |
| Fəaliyyəti | şair, tərcüməçi, yazıçı, sindikatçı[d], ətraf mühit fəalı |
| Fəaliyyət illəri | 1950-ci ildən |
| Əsərlərinin dili | ingilis dili |
| İstiqamət | Bit cərəyanı |
| Üzvlüyü |
|
 Vikianbarda əlaqəli mediafayllar | |
Həyatı
redaktəQeri Snayder 1930-cu ildə San-Fransiskoda (Kaliforniya ştatı) anadan olub. Kollecdə təhsil aldığı dövrdə ədəbiyyata və etnoqrafiyaya həvəs göstərirdi. İndiana Universitetində linqvistikanı, Berkli Universitetində isə şərq dillərini öyrənib. Meşəqıran, meşəbəyi və dəniçi kimi ağır işlərdə çalışıb.[4]
Qeri Snayder 1955-ci ildən sonra şair kimi şöhrət qazandı. 1956-cı ildə Yaponiyaya köçərək on il orada yaşayıb; Snayder yapon dilini və yapon poeziyasını öyrənir, yapon dilində şeirlər yazır, buddist monastrına gedir, ibadət mərasimlərində iştirak edir, Zen buddizmi öyrənir, buddist mətnlərini tərcümə edirdi.
Snayder "Tısbağalar adası", "Sonsuz dağlar və meşələr", "Riprap və soyuq dağların şeirləri", "Sapsız Balta" və s. (ümumiyyətlə, onun iyirmi kitabı çap olunb) kitabların müəllifidir. O, ABŞ-nin və Yaponiyanın ədəbiyyat üzrə mükafatlarına layiq görülüb. Bədii yaradıcılıqdan başqa Snayder həm də pedoqoji fəaliyyətlə məşqul olurdu: 1986 – 2002-ci illərdə Kaliforniyanın Devis Universitetində ədəbiyyat və yazıçılıq sənəti fənnini tədris edib.
Əksər postmodernistlər kimi, Snayder də bir şair olaraq süjetsizliyə, sərbəst şeirə, metaforik dilə, qeyri-ənənəvi leksikaya üstünlük verirdi. Onun yaradıcılığında əsas məqamlardan biri də təbitə sıx bağlılqdır.
Snayder müsahibələrinin birində deyir: "Hesab edirəm ki, mən daim biologiyanı, mistikanı, tarixdən əvvəlki dövrü və ümumi nəzəri sistemləri birləşdirən nəsnəni araşdırmaqla məşqul olmuşam." 2004-cü ildə Snayder tam səmimiyyətlə etiraf edib ki, onun yaradıcılığına ən çox təsir edən yapon poeziyası, ələlxüsus da yapon şeir forması olan haiku və bir də çin poeziyası olub.
Snayderin fikrincə, "Hər bir şeir insan ruhunun sərbəst uçuş enerjisindən yaranır, onun daxilində bir toxum var. İmkan verin o böyüsün, öz əvəzinə özü danışsın,– şairin işi, əsasən, elə bundan ibarətdir."
İstinadlar
redaktə- ↑ 1 2 Gary Snyder // Encyclopædia Britannica (ing.).
- ↑ 1 2 Gary Sherman Snyder // Brockhauz Ensiklopediyası (alm.).
- ↑ 1 2 Snyder, Gary (Sherman) 1930- // Contemporary Authors (ing.). Gale. ISSN 0275-7176; 0010-7468
- ↑ Ramiz Abbaslı. Postmodernist yazarlar – Geri Snayder. "Ulduz" jurnalı, 2017-ci il, № 3.