Hökümə Xəlilova

Hökümə Xəlilova (azərb. Hökümə Bəhrəm qızı Xəlilova‎; d. 8 mart 1960, Tovuz, Cəlilli) — Azərbaycan Jurnalistlər Birliyinin üzvü, "Türkel" Fondunun prezidenti, jurnalist-filoloq, Qırğızıstanın “Əməkdar mədəniyyət işçisi”

Hökümə Xəlilova
Hökümə Bəhrəm qızı Xəlilova
Doğum tarixi	8 mart 1960
Doğum yeri	Tovuz rayonu, Cəlilli
Vətəndaşlığı	Azərbaycan
Atası	Bəhrəm İsmayıl oğlu
Milliyyəti	azərbaycanlı
Təhsili	Qırğızıstan, Rus Dili vƏ Ədəbiyyatı İnstitutu
Fəaliyyəti	"Türkel" Fondunun prezidenti
Tanınır	jurnalist-filoloq, rejissor

Həyatı

Hökümə Xəlilova 1960-ci il mart ayının 8-də Tovuz rayonunun Cəlilli kəndində anadan olub. O, orta məktəbi 1977-ci ildə bitirdikdən sonra 1980-ci ildə Qırğızıstan Rus Dili və Ədəbiyyatı İnstitutunun Filologiya fakültəsində oxuyub.

Əmək fəaliyyəti

• 1981—1992-ci illərdə kitabxanada işləyib;
• 2003-cü ildən Manas TV Radiosunda Dostluq Körpüsü proqramının aparıcısı və redaktoru;
• 2007-ci ildən Qazaxıstan Dövlət radiosu — türkcə və azərbaycanca efirə çıxan verilişlərin müəllifi və aparıcısı;
• 2007-ci ildə Dünya Ahıska Türkləri Mətbuat Mərkəzinin həmsədri;
• 2007-ci ildən başlayaraq Qazaxıstan Azərbaycanlarının "Vətən" qəzetinin baş redaktoru;
• 2005-ci ildə "Türkel" qəzetinin və "Türkel Ekspress" əlavə qəzetinin redaktoru;
• 2007-ci ildə "Altın körpü" jurnalının redaktoru;
• 2017–ci ildə Azərbaycan Prezidentinin çağırışına cavab olaraq qurulan Almatı və Bişkek Mərkəzli Golden Bridge News Xəbər Agentliyinin redaktoru;
• 2018-ci ildən Türkiyənin Tek Rumeli TV və Bengü Türk TV Orta Asiya və Qafqazlar şöbəsinin təmsilçisi;
• 2018-ci il iyun ayından Qırğız Dövlət TV həftəlik Dostluq Körpüsü verilişinin aparıcı-müəllifi;
• Qırğız Parlamenti və Xarici İşlər Nazirliyi Mətbuat Mərkəzinin üzvü, Türkiyə Xəbər Agentliyinin Orta Asiya təmsilçisi, Azərbaycan Jurnalistlər Birliyinin üzvü, Qazaxıstan Xalqları Assambleyası yanında "Baş redaktorlar klubunun" üzvü;
• Hökümə Xəlilova "Xocalı soyqırımı"(qırğızca), "Sürgün", "İçimdə ağlayan Krım", "Pridçenko-100 kitablarının", "Həyatın içindən-Ahıska sürgünü", "İnsan və Əmək", "Keçmişi olmayanın gələcəyi yoxdur" və onlarla kiçikmetrajlı filmlərin müəllifidir.

Ailəsi

Hökümə Xəlilova ailəlidir. 1 oğlu, 1 qız və 1 oğul nəvəsi var.

Mükafatları

• 2007 — Qırğızıstan Hökumətinin Fəxri Fərmanı;
• 2008 — Qırğızıstan XİN Fəxri Diplomu;
• 2012 — TÜRKSOY Mükafatı laureatı;
• 2014 — Qazaxıstan Prezidenti imzası ilə Təşəkkürnamə;
• 2015 — Qazaxıstan Prezidentinin Fərmanı ilə Xalqlar Assambleyası 20 illik medalı;
• 2016 — Qırğızıstan Qadınlar Konqresinin Medalı;
• 2016 — Uygurların Amanisaxan Fondunun Medalı;
• 2016 — Qırğızıstan Xalqları Assambleyası Fəxri Fərmanı;
• 2017 — TÜRKSOY mükafatı (2-ci dəfə);
• 2017 — Qazaxıstan Xalqları Assambleyası Fəxri Fərmanı;
• 2018 — Qırğlzstan Parlamenti Fəxri Fərmanı;
• 2018 — Dünya Generalları Sülh Uğrunda Beynəlxalq Təşkilatının Bayrağı Mükafatı;