Hüseyn Məhəmmədoğlu

Hüseyn Hüseynov
Hüseyn Hüseynov
	Hüseynov Hüseyn Məhəmməd oğlu
Ümumi məlumatlar
Doğum adı	Hüseyn Məhəmməd oğlu Hüseynov
Doğum tarixi	2 mart 1984 (40 yaş)
Doğum yeri	Xətai rayonu, Bakı, Azərbaycan SSR
Vətəndaşlığı	SSRİ → Azərbaycan
Milliyyəti	azərbaycanlı
Musiqiçi məlumatları
Fəaliyyəti	musiqiçi
Fəaliyyət illəri	2012-ci ildən
Janrlar	Azərbaycan musiqisi, klassik musiqi, xalq musiqisi, pop musiqisi
Musiqi alətləri	klarnet, balaban, saksofon, Zurna
Albom şirkəti	AzSound PRO
Əlaqələri	Siyavuş Kərimi, Ənvər Sadıqov
Təhsili	Azərbaycan Milli Konservatoriyası,; Azərbaycan Milli Konservatoriyası nəzdində Musiqi Kolleci;
Mükafatları	"Qönçə-98" laueratı

Hüseyn Məhəmmədoğlu (doğum adıyla: Hüseyn Məhəmməd oğlu Hüseynov; 2 mart 1984, Xətai rayonu, Bakı, Azərbaycan SSR) — Azərbaycan musiqiçisi, klarnet ifaçısı^[1]

Həyatı

Hüseynov Hüseyn 1984-cü il mart ayının 2-də Bakı şəhərinin Xətai rayonunda anadan olmuşdur. 1991–2000-ci illər paytaxtın 63 saylı orta məktəbində və 1996–2000-ci illər Süleyman Ələsgərov adına 1 saylı Uşaq İncəsənət Məktəbində təhsil almışdır. 2002–2006-cı illər Azərbaycan Milli Konservatoriyası nəzdində Musiqi Kollecində İnstrumental ifaçılıq ixtisası (klarnet aləti) üzrə təhsil almışdır. 2018-ci ildə Azərbaycan Milli Konservatoriyasına daxil olaraq, "Estrada sənəti" ixtisası üzrə təhsilini bitirməkdədir.^[2]

1993–1994-cü illər ilk musiqi dərslərini atası musiqiçi Məşədi Məhəmməd Hüseynovdan almışdır. 1996–2000-cı illər Süleyman Ələsgərov adına 1 saylı Uşaq İncəsənət Məktəbində təhsil alarkən, tanınmış saksofon ifaçısı Eldar Zeynalovdan da dərslər almışdır. 1998–2000-ci illər klarnet ifaçılığı üzrə bilikləri artırmaq üçün Qulammirzə Mirzəyevdən dərslər almağa davam etmişdir.^[1]

Ailəsi

Atası mərhum Hüseynov Məhəmməd Hüseyn oğlu musiqiçi olub.
Anası mərhumə Hüseynova Sıddiqə Azər qızı evdar qadın olub.^[1]

Şəxsi həyatı

Evlidir.^[3] 3 övladı var^[4] — 2 qızı, 1 oğlu var^[5].

Karyerası

İlk dəfə 1998-ci ildə "Qönçə 98" adlı musiqi müsabiqəsində iştirak edərək, müsabiqənin nəfəs alətləri üzrə laureatı olmuşdur. 1999-cu ildə Fikrət Əmirov adına "Nəfəs alətləri" üzrə musiqi yarışmasında iştirak etmişdir.^[1]

İlk dəfə 2003-cü ildə müəllifi Nadir Əzimov olan "Əlvida Cəmilə" adlı kompozisiyasını ifa edərək, 2004-cü ildə eyniadlı "Əlvida Cəmilə" albomunu buraxmışdır. 2010-cu ildə "Yenə tək", 2013-cü il "Təkcə səni", 2017-ci il öz bəstəsi olan "Ürəyimin səsi" ifa etdiyi kompozisiyalar musiqiçiyə populyarlıq qazandırmışdır^[6].

2006–2008-ci illər Şeron qrupunun və Elton Hüseynəliyevin ansamblında klarnet ifaçısı olmuşdur.^[1]

2014-cü ildə Xalq artisti, qarmon ifaçısı Ənvər Sadıqovla birlikdə Avstriyanın Vyana şəhərində keçirilən dövlət tədbiri olan Nar bayramı konsertində çıxış etmişdir.^[1]

2015-ci ildə Aslan Növrəsli və Əməkdar artist, pianoçu Şahin Növrəsli ilə birlikdə Birləşmiş Krallığın paytaxı Londonda konsert proqramı baş tutmuşdur.^[1]

Bu Şəhərdə kollektivinin bir çox konsertlərinin ansamblla birlikdə və solo musiqi müşayiətini etmişdir.^[1]

Xalq artistlər Aygün Kazımova, Röya Ayxan və Əməkdar artistlər Aybəniz Haşımova, Elton Hüseynəliyev və tanımış Qismət Məmmədzadə, Zamiq Hüseynov kimi populyar müğənnilərlə işbirliyi olmuşdur.^[1]

2004-cü ildən solo karyerasına başlamış, 2011-ci "Nəfəs" adlı instrumental ansamblını yaratmışdır.^[1]

Hal-hazırda ansamblı ilə birlikdə və solo ifalarla fəaliyyətini davam etdirməkdədir.^[1]

Bir sıra kompozisiyaların bəstə müəllifidir.

İncəsənət nəhəngləri olan Xalq artistləri Siyavuş Kərimi və Ənvər Sadıqov kimi musiqiçilərdən böyük dəstək görmüşdür.

Musiqiçi, populyar komediya aktyorlarının Müşfiq Şahverdiyev, İslam Mehrəliyev, Əlixan Rəcəbov, Fərda Xudaverdiyev, müğənni Nigar Camal və rejissor Aqil M. Quliyevin yer aldığı komediya filmi olan "Kəklikotu"^[7] və "Qız qaçırtma 2"^[8] filmində rol almışdır.^[1]

2013-cü ildə Maşın Şou yarışmasında iştirak etmiş, son iki filanistdən biri olmuş və Dj Çina oyunda qalib gəlmişdir.^[9]

Diskoqrafiya

Albomlar

Əlvida Cəmilə (2004)
Sözsüz (2010)^[1]

Kompozisiyalar

Əlvida Cəmilə (2003)
Mən səni axtarıram (2003)
Vağzalı (2003)
İlahə (2003)
Bağışla (2006)
Kürdü rəqsi (2007)
Beşatılan (2008)
Yenə tək (2008)
Bulaq üstə (2009)
Bir il keçdi (2011)
Zəhər (2012)
Qızım (2013)
Bilirəm gələn deyilsən (2014)
Gözümün içinə bax (2014)
Bəyənmir məni (2015)
Bayram rəqsi (2016)
Kamilə (2017)
Gözümün işığı (2017)
Peşimanı kim olacaq (2018)
Gecikmiş etiraf (2019)
Yaşa Azərbaycan (2020)
Yaşayıram el üçün (2020)
Buzovnadan Bilgəhə (2021)
Dünyadan uzaq (2021)^[1]

Filmoqrafiya

İstinadlar

↑ ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ "Tanınmış klarnet ifaçısı Hüseyn Məhəmmədoğlunun yeni kompozisiyası işıq üzü gördü" (az.). azertimes.az. 2021-11-24. 2022-01-13 tarixində arxivləşdirilib. İstifadə tarixi: 2022-01-14.
↑ "35 yaşlı Əməkdar artist tələbə adını qazandı" (az.). baku.ws. 2012-08-09. 2022-01-15 tarixində arxivləşdirilib. İstifadə tarixi: 2022-01-14.
↑ "Hüseyn Məhəmmədoğlu evləndi" (az.). qafqazinfo.az. 2021-02-03. 2022-01-14 tarixində arxivləşdirilib. İstifadə tarixi: 2022-01-14.
↑ "Hüseyn Məhəmmədoğlu ailəvi fotosunu paylaşdı" (az.). sonxeber.az. 2018-09-04. 2022-01-14 tarixində arxivləşdirilib. İstifadə tarixi: 2022-01-14.
↑ "Hüseyn Məhəmmədoğlu üçüncü dəfə ata oldu" (az.). 7news.az. 2021-11-04. 2022-01-15 tarixində arxivləşdirilib. İstifadə tarixi: 2022-01-14.
↑ "Hüseyn Məhəmmədoğlu ayaqqabısının qiymətini açıqladı" (az.). milli.az. 2021-07-12. 2022-01-15 tarixində arxivləşdirilib. İstifadə tarixi: 2022-01-14.
↑ ¹ ² ""Kəklikotu" filminin möhtəşəm qala-gecəsi keçirildi" (az.). oxu.az. 2017-12-26. 2022-01-15 tarixində arxivləşdirilib. İstifadə tarixi: 2022-01-14.
↑ ¹ ² "Kinoteatrlarda yenidən "Qızqaçırtma" həyəcanı yaşanır" (az.). xezerxeber.az. 2018-10-30. 2022-01-14 tarixində arxivləşdirilib. İstifadə tarixi: 2022-01-14.
↑ "Dj Çina və Hüseyn Məhəmmədoğlu oyuna vəsiqə qazandı, sonda qalib Çina oldu" (az.). big.az. 2014-01-10. 2022-01-14 tarixində arxivləşdirilib. İstifadə tarixi: 2022-01-14.

Xarici keçidlər

[bio-1] ¹ ² ³ ⁴ ⁵ ⁶ ⁷ ⁸ ⁹ ¹⁰ ¹¹ ¹² ¹³ ¹⁴ "Tanınmış klarnet ifaçısı Hüseyn Məhəmmədoğlunun yeni kompozisiyası işıq üzü gördü" (az.). azertimes.az. 2021-11-24. 2022-01-13 tarixində arxivləşdirilib. İstifadə tarixi: 2022-01-14.

[tehsil-2] "35 yaşlı Əməkdar artist tələbə adını qazandı" (az.). baku.ws. 2012-08-09. 2022-01-15 tarixində arxivləşdirilib. İstifadə tarixi: 2022-01-14.

[aile-3] "Hüseyn Məhəmmədoğlu evləndi" (az.). qafqazinfo.az. 2021-02-03. 2022-01-14 tarixində arxivləşdirilib. İstifadə tarixi: 2022-01-14.

[usaq-4] "Hüseyn Məhəmmədoğlu ailəvi fotosunu paylaşdı" (az.). sonxeber.az. 2018-09-04. 2022-01-14 tarixində arxivləşdirilib. İstifadə tarixi: 2022-01-14.

[ata-5] "Hüseyn Məhəmmədoğlu üçüncü dəfə ata oldu" (az.). 7news.az. 2021-11-04. 2022-01-15 tarixində arxivləşdirilib. İstifadə tarixi: 2022-01-14.

[populyarliq-6] "Hüseyn Məhəmmədoğlu ayaqqabısının qiymətini açıqladı" (az.). milli.az. 2021-07-12. 2022-01-15 tarixində arxivləşdirilib. İstifadə tarixi: 2022-01-14.

[keklikotu-7] ¹ ² ""Kəklikotu" filminin möhtəşəm qala-gecəsi keçirildi" (az.). oxu.az. 2017-12-26. 2022-01-15 tarixində arxivləşdirilib. İstifadə tarixi: 2022-01-14.

[qizqacirtma2-8] ¹ ² "Kinoteatrlarda yenidən "Qızqaçırtma" həyəcanı yaşanır" (az.). xezerxeber.az. 2018-10-30. 2022-01-14 tarixində arxivləşdirilib. İstifadə tarixi: 2022-01-14.

[oyun-9] "Dj Çina və Hüseyn Məhəmmədoğlu oyuna vəsiqə qazandı, sonda qalib Çina oldu" (az.). big.az. 2014-01-10. 2022-01-14 tarixində arxivləşdirilib. İstifadə tarixi: 2022-01-14.

[1]

[2]

[3]

[4]

[5]

[6]

[7]

[8]

[9]