Vikipediya

Süleyman Ələsgərov (bəstəkar)

Azərbaycan bəstəkarı

Lua xətası modul Modul:For, sətir 31: attempt to call field '_hatnote' (a nil value).

Süleyman Ələsgərov
Ümumi məlumatlar
Doğum tarixi 22 fevral 1924(1924-02-22)
Doğum yeri
Vəfat tarixi 21 yanvar 2000(2000-01-21) (75 yaşında)
Vəfat yeri
Dəfn yeri
Uşağı
Musiqiçi məlumatları
Fəaliyyəti dirijor, bəstəkar, pedaqoq, müəllim
Janr opera
Təhsili
Mükafatları
Vikianbarın loqosu Vikianbarda əlaqəli mediafayllar

Süleyman Əyyub oğlu Ələsgərov (22 fevral 1924, Şuşa, DQMV – 21 yanvar 2000, Bakı) — azərbaycanlı bəstəkar, Azərbaycan SSR xalq artisti (1974), Üzeyir Hacıbəyov adına Azərbaycan SSR Dövlət mükafatı (1967), Azərbaycan Bəstəkarlar İttifaqının Qarabağ filialının rəhbəri (1972–2000).[1]

Həyatı

redaktə

Süleyman Ələsgərov 22 fevral 1924-cü ildə Şuşada doğulub. 1943-1948-ci illərdə Azərbaycan Dövlət Konservatoriyasında oxuyub. Azərbaycan musiqi sənətinin inkişafı naminə yaradıcılıq səlahiyyəti geniş və çoxşaxəli olmuşdur. Respublika Radio Verilişləri Komitəsində xalq çalğı alətləri orkestrinin dirijoru (1943), Azərbaycan Dövlət Musiqili Komediya Teatrının baş dirijoru, musiqi hissə müdiri (1944–1948), Kinematoqrafiya komitəsinin kinoteatr orkestrlərinin bədii rəhbəri (1949–1951), M.Maqomayev adına Azərbaycan Dövlət Filarmoniyası mahnı və rəqs ansamblının bədii rəhbəri (1951–1952), Asəf Zeynallı adına Bakı Musiqi Texnikumunun direktoru (1952–1954), Respublika Mədəniyyət Nazirliyinin İncəsənət İşləri İdarəsinin rəisi (1954–1956), Azərbaycan Dövlət Musiqili Komediya Teatrının direktoru və baş dirijoru (1960–1971), Ü.Hacıbəyov adına Azərbaycan Dövlət Konservatoriyasında xalq musiqisi, xalq çalğı alətləri kafedrasının müdiri, professoru (1971–1998) vəzifələrində çalışmışdır. Yaradıcılığında operetta janrı əsas yer tutur. "Məhəbbət gülü" (1945), "Ulduz" (1948), "Özümüz bilərik" (1962), "Olmadı elə, oldu belə" (1964), "Milyonçunun dilənçi oğlu" (1966), "Hardasan ay subaylıq" (1968), "Sevindik qız axtarır" (1970), "Həmişəxanım" (1971), "Subaylardan görəsiz", "Gurultulu məhəbbət" operettaları Azərbaycan Musiqili Komediya Teatrının səhnəsində bu gün də oynanılır. Onun "Bahadır və Sona", "Solğun çiçəklər" operaları, bir neçə kantatası: "Böyük Oktyabra salam"(1947), "Vətən, eşq olsun"(1960),"Bahar təranələri", "Bir bayraq altında"(1970) ; "Gənclik" və "Vətən" simfoniyaları, "Bayatı-Şiraz" simfonik muğamı,"Çingiz İldırım" vokal simfonik poeması(1974), "Həzi Aslanovun xatirəsi"nə simfonik poema və süitaları, 3 tar konserti,200-ə qədər mahnı və romansları (22 sözsüz mahnı), "Tarantella", "Rəqs-tokkata","Rondo", "Aşıqvari", Qanun aləti üçün yazdığı "Poema"("Rapsodiya") və digər əsərləri Azərbaycan musiqisinin incilərindəndir.

1972-ci ildən Azərbaycan Bəstəkarlar İttifaqının Qarabağ filialının rəhbəri kimi çalışmışdır.

Süleyman Ələsgərov 21 yanvar 2000-ci ildə dünyasını dəyişib.

Xatirəsi

redaktə

Bəstəkar haqqında "Xəyala dalarkən" sənədli televiziya filmi çəkilib. Filmin rejissoru Tahirə Hüseynovadır.[2]

Mükafatları

redaktə
 
Süleyman Ələsgərovun 1965–2000-ci illərdə yaşadığı ev

Filmoqrafiya

redaktə

İstinadlar

redaktə
  1. ↑ Səda — Süleyman Ələsgərovun Doğum Günüdür (22.02.2016)
  2. ↑ Mədəniyyət TV. "Musiqi tarixinin Süleyman notu..." (az.). Youtube.com. 18.04.2024. 2024-04-18 tarixində arxivləşdirilib. İstifadə tarixi: 2024-04-18.
  3. ↑ S. Ə. Ələsgərovun "Şöhrət" ordeni ilə təltif edilməsi haqqında Azərbaycan Respublikası Prezidentinin Fərmanı[ölü keçid]

Mənbə

redaktə
  • Vidadi Xəlilov. Bəstəkar Süleyman Ələsgərov. Bakı: İşıq, 1985
  • İlhamını xalqdan alan bəstəkar. Vidadi Xəlilov. Ömür yollarında. Bakı: Nərgiz, 2012, səh.158.

Xarici keçidlər

redaktə
Mənbə — "https://az.wikipedia.org/w/index.php?title=Süleyman_Ələsgərov_(bəstəkar)&oldid=7597743"