Hüsnü Qubadov
Hüsnü Baba oğlu Qubadov (4 yanvar 1922, Disər, Naxçıvan MSSR – 13 avqust 1991, Bakı) — opera müğənnisi.
| Hüsnü Qubadov | |
|---|---|
| Ümumi məlumatlar | |
| Doğum tarixi | 4 yanvar 1922 |
| Doğum yeri | |
| Vəfat tarixi | 13 avqust 1991 (69 yaşında) |
| Vəfat yeri | |
| Dəfn yeri | |
| Vətəndaşlığı | |
| Milliyyəti | Azərbaycanlı |
| Musiqiçi məlumatları | |
| Fəaliyyəti | opera müğənnisi |
| Janr | Opera |
Həyatı redaktə
Hüsnü Baba oğlu Qubadov 1922-ci il yanvar ayının 4-də Ordubad rayonunun Disər kəndində anadan olmuşdur. 1938-ci ildə Naxçıvan Kənd Təsərrüfatı Texnikumuna daxil olmuş, təhsil illərində İbrahim Həmzəyevin yaratdığı dram dərnəyində iştirak etmiş, Səməd Vurğunun "Vaqif" dramında xanəndə rolunu oynamışdır. O vaxtdan uşaqlıqdan həvəs göstərdiyi müğənnilik sənətinə bağlanmış, özfəaliyyət olimpiadalarında uğur qazanmış, 1958-ci ildə isə Respublika Özfəaliyyət Müsabiqəsinin laureatı olmuşdur. Həmin il M.F.Axundov adına Opera və Balet Teatrına dəvət edilmiş, onun səhnəsində yaddaqalan obrazlar yaratmışdır. Təbii ifa tərzi ilə seçilən müğənni İbn Səlam, Məcnunun atası, Kərəm ("Leyli və Məcnun", Üzeyir Hacıbəyli), "Əsli və Kərəm", Çapqınçı, Rəmmal ("Şah İsmayıl", Müslüm Maqomayev) və s. rolları ifa etmişdir. Teatrın tərkibində Tiflisdə (indiki Tbilisi), Gəncə, Naxçıvan, Şəki və respublikanın digər şəhər və rayonlarında qastrol səfərlərində olmuşdur. Onun ifasında "Şuşa yaylağı", "Üçtelli durna", "Bəhbəh", "Dilin can incidəndir" və digər mahnılar, habelə Ü.Hacıbəylinin "Leyli və Məcnun" operası (YUNESKOnun xətti ilə) qrammofon valına yazılmışdır.[1][2][3][4]
Müğənni 1962-ci ildə Naxçıvan Muxtar Respublikasının Əməkdar artisti fəxri adına layiq görülmüşdür. O, 1991-ci il avqust ayının 13-də Bakı şəhərində vəfat etmiş və doğulduğu kənddə dəfn edilmişdir.
İstinadlar redaktə
- ↑ Asiman, A. Unutsaq unudularıq [Mətn]: lirik poema: [Hüsnü Qubadov haqqında] /A.Asiman.- Bakı: Adiloğlu, 2006.- 107 s.
- ↑ İlyasoğlu, R. Xatirə gecəsi [Mətn]: Hüsnü Qubadov-85 /R.İlyasoğlu //Respublika.- 2010.- 22 iyun.- S. 4.
- ↑ Qubadov Hüsnü Baba oğlu [Mətn] //Naxçıvan ensiklopediyası.- Bakı: Azərbaycan Milli Elmlər Akademiyası, 2002.- S. 282-283.
- ↑ Mustafa, Ç. Hüsnü Qubadov [Mətn] /Ç.Mustafa // “Leyli və Məcnun” – 100 il səhnədə.- Bakı: “E.L.” NPŞ, 2008.- S. 242-245.