Həsənəli bəy Vəlibəyov

Həsənəli bəy Vəli bəy oğlu Vəlibəyov — Qarabağda quberniya katibi, dövlət məmuru.

Həsənəli bəy Vəlibəyov
Həsənəli bəy Vəli bəy oğlu Vəlibəyov
Doğum tarixi	24 fevral 1836
Doğum yeri	Xocalı, Çiləbörd mahalı, Rusiya imperiyası
Vəfat yeri	Şuşa, Şuşa qəzası, Yelizavetpol quberniyası, Rusiya imperiyası
Həyat yoldaşı	Bilqeyis xanım Əhməd bəy qızı Haqverdiyeva
Uşaqları	Mahmud bəy, Saray xanım, Sayalı xanım, Tərlan xanım və Alagöz xanım
Milliyyəti	azərbaycanlı

Həyatı

Həsənəli bəy Vəli bəy oğlu 1836-cı ildə Qarabağın Çiləbörd mahalınin Xocalı kəndində (hazırkı Xankəndi ərazisində) anadan olmuşdur. İbtidai təhsilini molla yanında almışdır. Sonra Şuşa şəhərində qəza məktəbində oxumuşdur. Rus və şərq dillərini bilirdi. Xankəndidəki qəsa idarəsində fəaliyyətə başlamış, II dərəcəli dəftərxana xidmətçisi, dilmanc, polis pristavı vəzifələrində çalışmışdı. Quberniya katibi çini almışdır. XIX əsrin sonlarında vəfat edib. Qəbri Şuşanın Mirzə Həsən qəbiristanlığındadır.

Ailəsi

Həsənəli bəy Bilqeyis xanım Əhməd bəy qızı Haqverdiyeva ilə ailə qurmuşdu. Mahmud bəy adlı oğlu, Saray xanım, Sayalı xanım, Tərlan xanım və Alagöz xanım adlı qızları vardı.

Mənbə

• Ənvər Çingizoğlu, Vəlibəyovlar, "Soy" еlmi-kütləvi dərgi, 2011, №2, səh.3-19.