Həsən Bitməz
Həsən Bitməz (15 dekabr 1969, Girəsun ili – 14 dekabr 2023[1], Ankara ili) — siyasətçi; Türkiyə Böyük Millət Məclisinin 28-ci çağırışının deputatı.[2]
| Həsən Bitməz | |
|---|---|
 | |
Türkiyə Böyük Millət Məclisinin 28-ci çağırışının deputatı | |
| 2 iyun 2023 – 14 dekabr 2023 | |
| Seçki dairəsi | 2023 — Kocaeli |
| Şəxsi məlumatlar | |
| Doğum tarixi | 15 dekabr 1969 |
| Doğum yeri | |
| Vəfat tarixi | 14 dekabr 2023[1] (53 yaşında) |
| Vəfat yeri | |
| Dəfn yeri |
|
| Partiya |
|
| Təhsili | |
| Fəaliyyəti | siyasətçi |
Həyatı
redaktəHəsən Bitməz 1969-cu ildə Giresun ilində anadan olub. Gebze İmam-Hatip Liseyində təhsil alıb. Əlcəzairin Əl-Əzhər Universiteti Usuliddin Bölməsindən məzun olub.[2]
Gebze İmam-Hatip Liseyi Məzunları Dərnəyinin qurucu prezidenti, 1999–2004-cü illərdə Milli Gənclər Fondunun (MGV) sədr müavini, 2000-ci ildə Anadolu Gənclər Fondunun qurucu üzvü, 2006–2010-cu illərdə Beynəlxalq İslam Tələbə Qurumları Federasiyasının (IIFSO) İdarə Heyətinin üzvü və 2010–2014-cü illərdə qurumun Məclisinin sədri, 2008–2010-cu illərdə Beynəlxalq Gənclər Forumunun sədri vəzifələrində çalışıb. Ölümünə qədər İqtisadi-Sosial Araşdırmalar İnstitutunda (ESAM) Müşahidə Şurasının üzvü və İslam Birliyi Araşdırma İnstitutunun (İSBAM) prezidenti idi.[2]
Siyasi fəaliyyəti ərzində Rifah Partiyası, Fəzilət Partiyası və Səadət Partiyasının üzvü olub. Rifah Partiyasında Gebze ilçə şöbəsinin sədri vəzifəsində çalışıb. Səadət Partiyasının sədr müavini idi.[2]
2023-cü il mayın 14-də Səadət Partiyasının namizədi olaraq Cümhuriyyət Xalq Partiyasının siyahısından Kocaeli ilindən Türkiyə Böyük Millət Məclisinin 28-ci çağırışının deputatı seçilib.[2]
Ölümü
redaktə2023-cü il dekabrın 12-də Türkiyə Böyük Millət Məclisinin tribunasında HƏMAS-İsrail müharibəsi ilə bağlı çıxışından sonra huşunu itirmişdir. Ürəyi dayanan Həsən Bitməz reanimasiyaya aparılmış, 14 dekabr 2023-cü ildə 53 yaşında müalicə aldığı xəstəxanada vəfat etmişdir.[2] Elə həmin gün TBMM-də Həsən Bitməz üçün vida mərasimi baş tutmuş, 15 dekabr 2023-cü il tarixində isə Fatih məscidində cənazə namazından sonra Əfəndi qəbiristanlığında dəfn edilmişdir.
İstinadlar
redaktə- ↑ 1 2 https://www.aa.com.tr/tr/politika/saadet-partisi-kocaeli-milletvekili-hasan-bitmez-vefat-etti/3082220.
- ↑ 1 2 3 4 5 6 7 TBMM. "Hasan BİTMEZ". www.tbmm.gov.tr (türk). 10.01.2024. 2024-02-02 tarixində arxivləşdirilib. İstifadə tarixi: 10.01.2024.