Həsən Mirzə

(Həsən Mirzəyev səhifəsindən istiqamətləndirilmişdir)

Həsən Mirzə və ya Həsən Mirzəyev (azərb. Həsən İbrahim oğlu Mirzəyev‎; d. 26 noyabr, 1927, Ermənistan SSR – ö. 25 fevral, 2015, Azərbaycan) — filologiya elmləri doktoru, dilçi-türkoloq, Azərbaycan Respublikasının Əməkdar Elm Xadimi, professor.[1] Azərbaycan Aşıqlar Birliyinin üzvü[2] (2008-2015)

HƏSƏN MİRZƏ
azərb. Mirzəyev Həsən İbrahim oğlu
Həsən Mirzəyev.jpg
Doğum tarixi
Doğum yeri Qovuşuq, Dərələyəz, Ermənistan SSR, SSRİ
Vəfat tarixi (87 yaşında)
Vəfat yeri Bakı, Azərbaycan
Dəfn yeri
Vətəndaşlığı SSRİ SSRİAzərbaycan Azərbaycan
Elm sahəsi dilçi-türkoloq
Elmi dərəcəsi filologiya elmləri doktoru
Elmi adı professor
Mükafatları Əməkdar Elm Xadimi
"Əmək veteranı" medalı
"Şöhrət" ordeni
hasanmirza.az

HəyatıRedaktə

H.Mirzəyev 1927-ci il noyabr ayının 26-da Dərələyəz mahalındakı Qovuşuq kəndində anadan olub. Orta məktəbi bitirdikdən sonra o, 1948–1950-ci illərdə Naxçıvan Dövlət Müəllimlər İnstitutunda, 1951–1955-ci illərdə Azərbaycan Dövlət Pedaqoji İnstitutunda ali təhsil alıb.[3]

H. Mirzəyev əmək fəaliyyətinə 1950-ci ildə doğma kəndində orta məktəb müəllimi kimi başlayıb. 1955-ci ildə o, ali təhsilini başa vurduqdan sonra rayon xalq maarif şöbəsinin inspektoru və Qovuşuq kənd orta məktəbinin müəllimi, 19571959-cu illərdə isə məktəb direktoru işləyib. H. Mirzəyev 1959–1962-ci illərdə Azərbaycan Dövlət Pedaqoji İnstitutunda Azərbaycan dilçiliyi ixtisası üzrə aspiranturada oxuyub, aspiranturanı bitirdikdən sonra ömrünün sonunadək həmin institutda çalışıb. O, müxtəlif illərdə müəllim, baş müəllim, dosent, professor, kafedra müdiri və dekan vəzifələrini tutub.

H.Mirzəyev 1965-ci ildə namizədlik, 1988-ci ildə doktorluq dissertasiyalarını müdafiə edib və 1990-cı ildə professor elmi adını alıb.

Azərbaycan filologiya elminin inkişafında H. Mirzəyevin özünəməxsus yeri var. O, dilçiliyin müxtəlif problemlərinə dair bir sıra sanballı tədqiqatları ilə tanınırdı. Alimin xüsusən Qərbi Azərbaycanın yer adları ilə bağlı araşdırmaları milli tarixin öyrənilməsi baxımından xüsusi əhəmiyyət kəsb edir. H. Mirzəyevin 200-dən çox elmi əsəri, o cümlədən 25 kitabı və 10-a yaxın dərs vəsaiti işıq üzü görüb. O, eyni zamanda, mütəmadi surətdə bədii yaradıcılıqla məşğul olurdu.

Azərbaycan Respublikası Milli Məclisinin I çağırışında 22 saylı Binəqədi ikinci seçki dairəsindən deputat seçilmişdir. Həsən Mirzəyev 2002-ci ildə Azərbaycan Respublikası Prezidenti Heydər Əliyevin fərmanı ilə "Şöhrət" ordeninə, 2007-ci ildə Azərbaycan Respublikası Prezidenti İlham Əliyevin sərəncamı ilə Azərbaycan Respublikasının Əməkdar Elm Xadimi fəxri adına layiq görülmüşdür.[4]

25 fevral 2015-ci ildə Bakı şəhərində vəfat etmişdir.[5]

ƏsərləriRedaktə

  1. "Azərbaycan dilində sadə feillər". Bakı, 1984, 126 səh. (K. A. Məmmədova ilə birlikdə).
  2. "Hanı o səndəki el, Dərələyəz" Bakı. Elm 2007. 800 səh. şəkilli

İstinadlarRedaktə

  1. Dilçi-türkoloq, professor Həsən Mirzəyevin 80 illik yubileyi qeyd olundu
  2. "Həsən Mirzə vəfat edib". Azərbaycan Aşıqlar Birliyi (azərb.). azab.az. 2015. İstifadə tarixi: 2015-03-03.
  3. Buludxan Xəlilov, ŞƏRƏFLİ ÖMÜR YOLU. "Ozan dünyası" jurnalı, №1(22). 2015.
  4. Pedaqoq, alim həm də şair
  5. AZƏRBAYCAN ELMİNƏ AĞIR İTKİ. "Ozan dünyası" jurnalı, №1(22). 2015.

Xarici keçidlərRedaktə