Həsən Sadıqov
Sadıqov Həsən Şiralı oğlu (1928, Aşağı Mollu, Qubadlı rayonu) — azərbaycanlı filosof, fəlsəfə elmləri doktoru, əməkdar müəllim, Sumqayıt Dövlət Universitetinin Ağsaqqallar Şurasının sədri, prezident təqaüdçüsü.[1]
| Həsən Sadıqov | |
|---|---|
| Həsən Şiralı oğlu Sadıqov | |
| Doğum tarixi | 1928 |
| Doğum yeri | |
| Vətəndaşlığı |
 SSRİ→ Azərbaycan |
| Milliyyəti | azərbaycanlı |
| Elm sahəsi | fəlsəfə |
| Elmi dərəcəsi | fəlsəfə elmləri doktoru |
| Elmi adı | professor |
| İş yerləri | |
| Təhsili | |
Həyatı redaktə
Həsən Sadıqov 1928-ci ildə Qubadlı rayonunun Aşağı Mollu kəndində anadan olmuşdur. Atasını və anasını erkən itirmiş, dayısı Bəylər Əliyevin himayəsi ilə təhsil almağa başlamışdır. Ancaq çox keçməmiş dayısı da vəfat etmişdir. Kimsəsiz qalan H.Sadıqov Gəncə şəhərinə getmiş və orada baytar-feldşer ixtisasına yiyələnmişdir. Sonra Şuşa Zoobaytar Texnikumunda təhsilini davam etdirmişdir. Lakin təhsilini yarımçıq qoyaraq ordu sıralarına qatılmışdır. Daha sonra öz arzusu ilə Ukraynanın Xerson şəhərində hərbi məktəbdə oxumuş, serjant və 2-ci dərəcəli radist ixtisasına yiyələnmişdir. Bu ixtisas üzrə Krım vilayətinin Krasnoperekopski rayonunda hərbi işdə çalışmışdır. 1953-cü ildə həmin rayonda orta məktəbi başa vurmuşdur.
H.Sadıqov 1955-ci ildə M.F.Axundov adına Azərbaycan Pedaqoji Rus Dili və Ədəbiyyatı İnstitutuna daxil olmuş və oranı qurtardıqdan sonra Saatlı rayonunda müəllimlik etmişdir. 1961-1964-cü illərdə Sumqayıt şəhərindəki 5, 7 və 9 nömrəli məktəblərdə müəllim, sonra isə məktəb direktoru işləmişdir. 1964-cü ildə Azərbaycan Elmlər Akademiyası Fəlsəfə və Hüquq İnstitutunun aspirantı olmuşdur. Sonra Sumqayıt şəhəri partiya komitəsində işləməyə başlamışdır. Lakin elmə olan böyük marağı onu partiya işindən ayırmışdır.
H.Sadıqov 1968-ci ildə namizədlik, 1984-cü ildə isə doktorluq dissertasiyası müdafiə etmiş və M.Əzizbəyov adına Neft və Kimya İnstiututunun Fəlsəfə və elmi kommunizm kafedrasının əvvəlcə aspirantı olmuş, sonra isə baş müəllimi olaraq çalışmağa başlamışdır. 1972-ci ildə həmin institutun Sumqayıt filialının ictimai elmlər kafedrasının müdiri seçilmiş, kafedranın dosenti, professoru olmuşdur.
H.Sadıqov fəlsəfə elminin müxtəlif sahələrinə aid onlarla kitabın, yüzlərlə məqalənin müəllifidir.
Əsərləri redaktə
Kitabları redaktə
- Sumqayıt: milli əsarət, ya milli səxavət? (kitab) (Ramazan Məmmədov ilə birlikdə)