Hacı Murad Yagizarov
Hacı Murad Hacı Əhməd oğlu Yagizarov (18 iyul 1939 və ya 1939, Bakı) — Azərbaycan teatr və kino aktyoru, Azərbaycan SSR xalq artisti (1982), Azərbaycan SSR Dövlət mükafatı laureatı, Humay mükafatçısı,[1][2] Azərbaycan Dövlət Rus Dram Teatrının aktyoru,[3] Şamaxı xanı Mahmud ağanın nəticəsi.
| Hacı Murad Yagizarov | |||
|---|---|---|---|
| Hacı Murad Hacı Əhməd oğlu Yagizarov | |||
| Digər adları |
Hacı Murad Yagiazarov Murad Yegizarov Hacımurad Yegizarov Hacı Murad Hacımurad Hacıəhmədoviç Yagizarov |
||
| Doğum tarixi | |||
| Doğum yeri | Bakı, Azərbaycan SSR, SSRİ | ||
| Vətəndaşlığı |
 SSRİ→ Azərbaycan |
||
| Atası | Hacı Əhməd Yagizarov | ||
| Fəaliyyəti | aktyor | ||
| Fəaliyyət illəri | 1958-ci ildən | ||
| Teatr | Səməd Vurğun adına Azərbaycan Dövlət Rus Dram Teatrı | ||
| Mükafatları |
|
||
| IMDb | ID0613411 | ||
Həyatı redaktə
Hacı Murad Hacı Əhməd oğlu Yagizarov 18 iyul 1939-cu ildə Bakıda anadan olub. Hələ məktəbdə oxuduğu dövrdə dram dərnəyində çıxış etmişdir. Çıxışı izləyən görkəmli aktyor Ələsgər Ələkbərov ona Teatr İnstitutuna daxil olmağı məsləhət görür. M. A. Əliyev adına Azərbaycan Dövlət İncəsənət İnstitutunun aktyorluq fakültəsində Məhərrəm Haşımovun kursunda[4] təhsil alıb (1958–1962). 1962-ci ildən Səməd Vurğun adına Azərbaycan Dövlət Rus Dram Teatrında işləyir.
Mükafatları redaktə
- "Azərbaycan SSR əməkdar artisti" fəxri adı — 1 iyun 1974
- "Azərbaycan SSR xalq artisti" fəxri adı — 1 dekabr 1982[5]
- Azərbaycan SSR Dövlət mükafatı — 1986
- "Qızıl Dərviş" mükafatı — 1996
- "Şöhrət" ordeni — 28 oktyabr 2009[6]
- "Şərəf" ordeni — 1 avqust 2019[7]
Soyadı redaktə
Yagizarov (Yegiazarov tamam başqa şəcərəyə aid soyaddır) soyadı yalnız onun nəslinə mənsubdur.[8] Aktyorun ulu babası Şamaxı xanı Mahmud ağa Əliyev, babası İsmayıl bəy isə tanınmış vəkil olmuşdur. Vaxtilə aktyorun Dağıstanın Buynaksk şəhərindən olan atasını varlı olduqları üçün 1917-ci ilin sosialist inqilabından sonra onun bütün ailəsini Sibirə sürgün ediblər. Xeyli cəhd göstərəndən sonra, atası Hacı Əhməd Moskvada rəhbər şəxslərdən birinin qəbuluna düşərək ailəsini azad etdirə bilib. Sibirdən qayıdandan sonra, o nəslin nümayəndələrinin yarısı Mahaçqalada, yarısı Kislovodskda, yarısı Qafqazın başqa şəhərlərində məskunlaşıb. Hacı Əhməd isə Bakıya gəlib.[9]
Filmoqrafiya redaktə
- Arşın mal alan (film, 1965)
- Aygün (film, 1960)
- Babək (film, 1979)
- Bağ mövsümü (film, 1985)
- Bir cənub şəhərində (film, 1969)
- Birisigün, gecəyarısı... (film, 1981)
- Bizi bağışlayın (film, 1979)
- Böyük dayaq (film, 1962)
- Ən vacib müsahibə (film, 1971)
- Gəmi saatının sirri (film, 1983)
- Güllələnmə təxirə salınır!... (film, 2002)
- Həyat öyrədir (film, 1961)
- İcazə (film, 1972)
- İnsan məskən salır (film, 1967)
- Qara gölün cəngavərləri (film, 1984)
- Qorxma, mən səninləyəm! 1919 (film, 2013)
- Mahnı qanadlarında (film, 1959)
- Mahnı qanadlarında (film, 1972)
- Matteo Falkone (film, 1960)
- Məkkə
- Nigarançılıq (film, 1998)
- Nizami (film, 1982)
- O qızı tapın (film, 1970)
- Ögey ana (film, 1958)
- Səmt küləyi (film, 1973)
- Şeytan göz qabağında (film, 1987)
- Şpeyer və o (film, 2005) (Almaniya) — polkovnik Raginski
- Ulduz (film, 1964)
- Uzaq sahillərdə (film, 1958)
- Yarımçıq qalmış mahnı (film, 1979)
- Şosedə hadisə (film, 1960)
- İçəri şəhər (film, 2016)
İstinadlar redaktə
- ↑ "Ягизаров Гаджи Мурад Гаджи Ахмедович". 2013-07-22 tarixində orijinalından arxivləşdirilib. İstifadə tarixi: 2012-03-15.
- ↑ "Hacı Murad Yegizarov və Fuad Poladov…". 2017-12-23 tarixində arxivləşdirilib. İstifadə tarixi: 2012-03-15.
- ↑ http://www.azerbaijans.com/content_209_az.html Arxivləşdirilib 2021-08-12 at the Wayback Machine Azərbaycan Dövlət Rus Dram Teatrı
- ↑ Gəlin, danışaq. Hacı Murad Yagizarov
- ↑ Respublika teatr sənətinin işçilərinə Azərbaycan SSR fəxri adları verilməsi haqqında Azərbaycan SSR Ali Soveti Rəyasət Heyətinin 1 dekabr 1982-ci il tarixli Fərmanı Arxivləşdirilib 2020-01-16 at the Wayback Machine — anl.az saytı
- ↑ "H.H.Yagizarovun "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". 2021-10-22 tarixində arxivləşdirilib. İstifadə tarixi: 2019-08-01.
- ↑ President.Az. "H.H.Yagizarovun "Şərəf" ordeni ilə təltif edilməsi haqqında Azərbaycan Respublikası Prezidentinin Sərəncamı" (az.). President.az. 01.08.2019. 2019-08-01 tarixində arxivləşdirilib. İstifadə tarixi: 2019-08-01.
- ↑ Ülviyyə Həsənqızı. ""Onun dərdindən dəliyə dönmüşdüm"" (az.). Primetime.az. 09.01.2017. 2017-04-25 tarixində orijinalından arxivləşdirilib. İstifadə tarixi: 2017-01-10.
- ↑ "Hacı Murad Yagizarov: "Aktyoru hər adam başa düşə bilməz"". 2021-10-21 tarixində arxivləşdirilib. İstifadə tarixi: 2014-04-10.
Mənbə redaktə
- Yagizarov, H. M. "Azəri kinematoqrafçılarının yeni il arzuları və planları". //Kino yenilikləri.- 1969.- 1 yanvar.
- Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 817.
- [https://web.archive.org/web/20111104031134/http://milli.az/news/radio/51655.html Arxivləşdirilib 2011-11-04 at the Wayback Machine Aktyoru canlı dinləmək imkanı…]