Vikipediya

Hamısı Aqatadır (miniserial)

Hamısı Aqatadır (ing. Agatha All Along) — Marvel Comics tərəfindən nəşr edilmiş Aqata Harkness personajı əsasında Jak Şeffer tərəfindən Disney+ üçün yaradılmış ABŞ televiziya miniserialı. 2021-ci ildə yayımlanmış "VandaVijn" adlı miniserialın spin-offu olan "Hamısı Aqatadır", Marvel Studios tərəfindən "Marvel Television" leyblı ilə yaradılmış və Marvel Kinematoqrafiya Kainatına (MKK) daxil olan on birinci teleserial olmaqla, xronoloji baxımdan MKK filmlərinin xələfidir. Şaffer, serialın şouranneri və əsas rejissorudur.

Hamısı Aqatadır
ing. Agatha All Along
Loqonun şəkli
Janr qara komediya
fentezi
superqəhrəman
Əsaslanır Sten Li və Cek Körbi tərəfindən yaradılmış "Aqata Harkness" personajı
Operator Kaleb Heymann
Con Şema
Esaya Donte Li
Prodüser Kevin Fayqi
Lui D'Esposito
Bred Uinderbaum
Meri Livanos
Jak Şeffer
Yaradıcısı Jak Şeffer
Rollarda Ketrin Han
Co Lok
Mariya Dizzia
Pol Adelşteyn
Obri Plaza
Patti LuPon
Saşir Zamata
Alay An
Maylz Qutierrez-Rayli
Okvui Okpokvasili
Debra Co Rapp
Bəstəkar Kristof Bek
İstehsalçı ölkə ABŞ
İl 2024
Studiya Marvel Studios
Dil ingilis dili
Növü miniserial
Telekanal Disney+
İstehsalçı şirkət Marvel Television
IMDb ID15571732
marvel.com/tv-shows/agat…

Serialda, Ketrin Han "VandaVijn" teleserialında canlandırdığı Aqata Harkness roluna geri dönmüş, eyni zamanda Co Lok, Mariya Dizzia, Pol Adelşteyn, Obri Plaza, Patti LuPon, Saşir Zamata, Alay An, Maylz Qutierrez-Rayli, Okvui Okpokvasili, Debra Co Rapp kimi aktyorlar da rol almışlar. 2021-ci ilin oktyabrında Şeffer və Hanın layihəyə qoşulması ilə hazırlıqlara başlanmış, növbəti ayda isə serialı rəsmi elan edilmişdir. 2023-cü ildə, əsas çəkilişlərin başlamasından əvvəl, Şeffer, Reyçel Qoldberq və Qandja Monteyronun rejissorluğu elan edilmişdir. Əsas çəkilişlər 2023-cü ilin yanvar-may ayları arasında Atlantadakı Trilith Studiosda və Los-Ancelesdə baş tutmuşdur. "VandaVijn" üzərində çalışmış işçi heyət, o cümlədən musiqi heyəti bu serialda iş üçün yenidən bir araya gəlmişdir. 2024-cü ildə serialın adı rəsmi elan edilənə kimi, marketinq kampaniyası çərçivəsində müxtəlif ad variantları elan edilmiş, sonradan serialın "VandaVijn" serialında səslənən eyni adlı mahnıya istinadən "Hamısı Aqatadır" (ing. Agatha All Along) adlandırılacağı bildirilmişdir.

"Hamısı Aqatadır" serialının premyerası 18 sentyabr 2024-cü ildə Disney+ kanalında baş tutmuş və eyni gündə iki seriya yayımlanmışdır. Növbəti 5 seriya, hər həftə bir seriya olmaqla 23 oktyabra kimi yayımlanmış, 30 oktyabrda isə son iki seriya yayımlanmışdır. Serial MKK Beşinci fazasına daxildir.

Qısa məzmunu

redaktə

"VandaVijn" miniserialının (2021) finalında cadugər Aqatanın Nyu-Cersi ştatındakı Vestvyu şəhərində tələyə salınmasından üç il sonra, əfsanəvi Cadugər Yolunu keçəyi arzulayan qot yeniyetmə onu cadunun təsirindən azad edir. Heç bir gücə malik olmayan yeniyetmə və cadugər, yolun sınağından keçək üçün yeni şabaş yaradır, eyni zamanda Aqata keçmişindən gələn köhnə düşmənləri ilə də qarşılaşmalı olur. [1]

Rollarda

redaktə
  • Ketrin Han - Aqata Harkness:
    "VandaVijn" miniserialının finalında (2021) Vanda Maksimoffun cadusu ilə "Aqnes O'Konnor" kimi tələyə salınmış güclü cadugər.[2][3] Cadunun tələsindən xilas olub güclərini itirdiyini anlayan Aqata yeni şabaş yaradır.[1] İcraçı prodüsser Meri Livanos Aqatanı səmimi və təhlükəli biri kimi təsvir edərək[4] deyir ki, gücünü geri qaytarmaq üçün o, şabaşla birlikdə işləməyi öyrənməlidir.[5] Ketrin Han, personajın sarkastik davranışı altında yatan psixoloji problemlərin kökünə çıxmağa çalışdığını bildirmişdir.[6]
  • Co Lok - Yeniyetmə:
    Qara yumoru sevən familyar, Aqatanı Qırmızı cadugərin cadusundan xilas edir və Cadugər Yoluna getməyi arzulayır.[6][7] Buna görə də, köməkçi qismində Aqatanın yaratdığı yeni şabaşa qoşulur. Seenaridə Lokun canlandırdığı personaj yalnız "Yeniyetmə" kimi qeyd edilir[6] və bu, serialda zarafat mövzusuna çevrilir; belə ki, sigil cadusuna görə[8][9], digər personajlar onun haqqında heç nə öyrənə bilmirlər, ona "Yeniyetmə" deyə müraciət edirlər və o da, bu çağırışa cavab verir.[10][9] Canlandırdığı personajı "çox düşüncəli və xeyirxah", "həmçinin çox impulsiv"[10] kimi təsvir edən Lok, izah edir ki, personajın arzusu, Aqatanın şabaşına qoşulub onunla birlikdə Cadugər Yolunu keçəkdir və bir növ bu personaj, cadu ilə bağlı hər şeyin fanatıdır.[6]
  • Debra Co Rapp - Şeron Devis:
    Vestvyu şəhərinin sakinidir, təsadüfən Aqatanın şabaşında Yaşıl cadugəri əvəz edir. "VandaVijn" miniserialında Vanda Maksimoff tərəfindən yaradılmış eyni adlı sitkomda Devis "Missis Hart" adlı uydurma personajı canlandırmışdı.[11][12][13]
  • Obri Plaza - Rio Vidal/Yaşıl cadugər:
    Döyüşçü cadugər və Aqatanın ən köhnə düşmənlərindən biridir.[14]
  • Saşir Zamata - Cennifer Keyl:
    Bağlayıcı cadugər və Aqatanın yeni şabaşının üzvüdür. Eliksir və məlhəmlər üzrə mütəxəssisdir.[15][14]
  • Ali An - Alisa Vu-Qulliver:
    Müdafiəçi cadugər və Aqatanın şabaşının üzvüdür. Keçmişdə polis zabiti olub.[14]
  • Okvui Okpokvasili - Vertiqo:
    "Salem yeddiliyi"nin üzvü olan cadugərdir.[16]
  • Patti Lüpon - Liliya Kalderu:
    450 yaşlı Siciliya cadugəri, Aqatanın şabaşının üzvüdür. Görücülük qabiliyyətinə malikdir.[17] Liliyanın gənclik illəri aktrisa Xloya Kemp tərəfindən canlandırılmışdır.
  • Mariya Dizzia - Rebekka Kaplan[16]:
  • Pol Adelşteyn - Ceff Kaplan[16]:
  • Maylz Qutyerres-Rayli - Eddi[16][18][15]:
    Yeniyetmənin sevgilisidir.

"VandaVijn" serialındakı rollarını davam etdirərək, Vestvyu şəhərinin sakinləri kimi Aqnesin reallığında Sara Proktor/"Dotti Cons" rolunu Emma Kolfrid, Con Kollinz/"Herba Feltman" rolunu Devid Peyton, Saranın həyat yoldaşı Harold/Fil Cons rolunu Devid Lencel, Abilaş Tandon/Norma Centuliççi rolunu Asif Ali, Pizza daşıyıcı/"Dennis Vebber" rolunu isə Amos Qlik canlandırmışlar. Həmçinin "VandaVijn" serialında canlandırdıqları Aqatanın anası Evanora Harkness roluna Keyt Forbs, Nyu-Cersi ştatının İstvyu şəhərinin şerifi roluna isə Brayan Braytman qayıtmışdır.[19][20]

"Salem yeddiliyinin" ekranda görünən üzvlərindən İlan rolunu Marina Mazepa, Qarğa rolunu Betani Karri, Tülkü rolunu Afina Perampl, Siçovul rolunu Britta Qrant, Bayquş rolunu Alisa Vela-Beyli, Koyot rolunu Çau Naumov canlandırmışlar.[21] Xüsusi dəvət edilmiş qonaq aktyorlar arasında, Elizabet Enveys Elisin anası Lorna Vu rolunda, cavan Liliyanın ustadı rolunda Lora Bokkaletti, Cenniferin keçmişi ilə əlaqəli Həkim rolunda Skott Battler, Ceyd Kvon isə Vunun lənəti ilə əlaqəli demon rolunu canlandırmışlar.[22]

Seriyalar

redaktə
№BaşlıqRejissor [16]Ssenari
müəllifi [23]		Orijinal yayım tarixi [24]
1 "Seekest Thou the Road" Jak ŞefferJak Şeffer18 sentyabr 2024 (2024-09-18)
"Vestvyudan Aqnes" adlı kriminal teleserialda, polis detektivi Aqnes O'Konnor Ceyn Dounun işinə köklənib. Bir gecə, "Yol"un axtarışında olan yeniyetmə Aqnesin evinə soxulur. Aqnes yeniyetmənin qətl işi ilə əlaqəli olduğunu düşünür və həbs edir. FTB agenti Rio Vidal Aqnesə yaxınlaşaraq, araşdırmağa çalışdığı cəsədin Vanda Maksimoffa aid olduğunu, Aqnesin isə əslində cadugər Aqata Harkness olduğunu anlamağa kömək edir. Özünə gələn Aqata başa düşür ki, üç il ərzində Vandanın təsiri altında olub.[a] Cadudan ayılan Aqata bütün güclərini itirdiyini, özünü həmkarı kimi təqdim edən Vidalın isə onu öldürmək istədiyini görür. Aqata Vidaldan gücünü geri qaytarmaq üçün vaxt ala bilsə də, Vidal qeyd edir ki, yaxın vaxtda Salem yeddiliyi onun dalınca gələcək. Vidalın gedişindən sonra Aqata yeniyetmə ilə baş-başa qalır. 
2 "Circle Sewn with Fate / Unlock Thy Hidden Gate" Şak ŞefferLora Donni18 sentyabr 2024 (2024-09-18)
Yeniyetmə Aqataya onu Vandanın cadusundan azad etmə səbəbini danışır və birlikdə Cadugər Yoluna çıxmaq istədiyini deyir. Aqata öyrənir ki, yeniyetmə öz adını çəkəndə və ya hansısa şəxsi məlumat qeyd edəndə onu eşidə bilmir. Cadugər Yoluna gedən qapını açmaq üçün, cütlük cadugərlər Liliya Kalder, Cennifer Keyl və Elis Vu-Qulliverdən ibarət şabaş yaradırlar. Aqata Vidalın yerinə, Vestvyu sakini Şeron Devisi də şabaşa daxil edir. Dörd cadugər və Devis qapını tapmaq üçün mərasim icra etdikləri müddətdə Salem yeddiliyi Aqatanın evinə gəlir. Qadınlar və yeniyetmə açılmış qapıdan qaçaraq xilas olur və Cadugər Yoluna çıxırlar. 
3 "Through Many Miles / Of Tricks and Trials" Reyçel QoldberqKameron Skuirz25 sentyabr 2024 (2024-09-25)
Cadugər yolunun sonuna çatmaq üçün, şabaş, cadugərliyin müxtəlif tərəfləri ilə əlaqəli sınaqlardan keçməlidir. Yolun başlanğıcında cadugərlər başa düşürlər ki, sigil cadusu heç bir cadugərə Yeniyetmənin kimliyini öyrənməyə imkan vermir. Yeniyetmə ilə tək qalmaq fürsəti düşən kimi, Cen, ona xəbərdarlıq edir ki, öz övladını Darkholda dəyişmiş Aqataya etibar etməsin. Taymerdə geriyə sayım başlayır, Şeronun huşunu itirməsindən sonra, Cen başa düşür ki, içdikləri şərab zəhərlənmişdi. Zəhərə qarşı eliksir hazırlamaq üçün tərkib hissələri yığarkən cadugərlər fərqli hallsinasiyalar görürlər: Liliya gəncliyini və İntibah dövründə yaşamış müəllimini görür, Cen, onu su altında saxlamağa çalışan həkimi görür, Alisa, itmiş anasının intihar etməyə çalışdığını görür, Aqata isə uşaq beşiyində Darkholdu görür. Onlar məlhəmi hazırladıqları vaxtda cadu ilə ev su altına düşür və yavaş-yavaş dolmağa başlayır. Cadugərlər eliksiri hazırlayıb içirlər və bu zaman sobada xilas yolu açılır. Şeronu da özləri ilə götürən cadugərlər xilas olsalar da, şabaşın bir üzvü - Şeron həyatını itirir. 
4 "If I Can't Reach You / Let My Song Teach You" Reyçel QoldberqCovanna Sarkiz2 oktyabr 2024 (2024-10-02)
Şeronu dəfn edən Şabaş, onun yerinə yeni Yaşıl cadugər çağırmağa məcburdur. Çağırma cadusuna cavab olaraq, Şeronun məzarından Rio çıxır və bu Aqatanı qıcıqlandırır. Şabaş, 1970-ci illər tərzində dizayn edilmiş mənzillə qarşılaşır və içəri daxil olduqda mənzilin səsyazma studiyası olduğunu görür. Rio Aqataya təklif edir ki, digər cadugərləri qurban verib özlərini xilas etsinlər və bu müzakirəni hamı eşidir. Yeniyetmə tapdığı valı tərzinə oxudur və demonu çağırmış olur. Elisin ailə lənətinin bir hissəsi olan demonu məhv etmək üçün Şabaş, onun anası tərəfindən yazılmış balladanı ifa edir və Elis alovlara qərq olaraq demonu öldürür. Lənət tərəfindən səsyazma kabinetinin pəncərəsinə çırpılan Yeniyetmənin qarnına batan şüşə qırığı onu ağır yaralayır. Evdən qaçan Şabaş onun yarasını müalicə edərək sağaldır. Liliya, Elic və Cen bir-biri ilə yaxınlaşırlar, Rio Aqata ilə olan romantik keçmişlərinə işarə edir. Yeniyetmə Aqatadan oğlunun taleyini soruşsa da, cavab ala bilmir. Sonradan Aqata Rionu öpməyə çalışarkən, Rio bildirir ki, Yeniyetmə onun oğlu deyil. 
5 "Darkest Hour / Wake Thy Power" Reyçel QoldberqLora Monti9 oktyabr 2024 (2024-10-09)
Salem yeddiliyi şabaşın izinə düşür, lakin, şabaş cadugərləri ağac köklərindən hazırladıqları cadugər süpürgəsi ilə uçaraq yeddilikdən yayına bilirlər. Lakin, tezliklə Cadugər yolunun cazibəsi onları aşağı çəkir və şabaş növbəti sınağın olduğu 1980-ci illər estetikasında daxmaya daxil olur. Qrup, Uija lövhəsini istifadə edərək Aqatanın anası (Aqata, 1693-cü ildə anası və keçmiş şabaş cadugərlərini öldürmüşdü[b], öldürülən həmin cadugərlər Salem yeddiliyini təşkil edən və qisas almaq istəyən cadugərlərin anası idi) Evanora Harkness ilə əlaqəyə keçir. Evanora şabaşa xəbərdarlıq edərək, Aqatanı tərk etmələrini və yola davam edə biləcəklərini söyləyir, bundan sonra, Aqatanın bədəninə girərək, şabaş üzvlərinə hücum etməyə başlayır. Aqatanı xilas etmək istəyən Elis, gücünü Evanoranın ruhuna qarşı istifadə edir, ruhun bədənindən çıxmasından sonra Aqata Elisin gücünü çəkməyə davam edir və onun ölümünə səbəb olur. Aqata bunu istəmədən etdiyini bildirsə də, Yeniyetmə onu cəzalandırmaq qərarına gəlir, daha sonra isə məqsədlərinin Aqata ilə eyni olduğunu deyən Liliya və Ceni cəzalandırır. Cadugərlər palçıq bataqlığında boğulduqdan sonra Yeniyetmənin başında Qırmızı cadugərin tiarasını xatırladan tiara peyda olur. 
6 "Familiar by Thy Side" Qandja MonteyroCeyson Rostovski16 oktyabr 2024 (2024-10-16)
Xatirə olaraq, Vestvyu şəhərindən olan yeniyetmə - Uilyam Kaplanın Bar Mitzvah şənliyi zamanı Liliya ilə qarşılaşması təqdim edilir. Yeniyetmənin əlində nəsə görən Liliya, onu qorumaq üçün sigil yazır və özü də onu unudur. Vanda tərəfindən yaradılmış Heksin yoxa çıxması[a] ilə şənlik başa çatır. Vestvyunun yanından keçərkən Uilyamın valideynlərinin də olduğu avtomobil qəzaya düşür və Uilyam həlak olur. Bu zaman, Billi Maksimoffun ruhu onun bədəninə girərək, yeniyetməni oyadır. Əvvəlki həyatı haqqında heç nə xatırlamayan və qəzadan sonra insanların fikirlərini oxuya bilən Uilyam/Billi uyğunlaşma çətinliyi yaşayır. Üç il sonra, Uilyam, sevgilisi Eddi ilə birlikdə Ralf Bonerlə qarşılaşır (Vandanın yaratdığı Heksin içində Aqata Ralfı özünə tabe etmişdi[a]). O, Heksdə baş verənlər, Vandanın əkizləri Billi və Tommi haqqında gənclərə məlumat verir və Billinin kim olduğunu xatırlamasına kömək edir. Qardaşı Tommini tapmaq üçün Cadugər Yolunu istifadə etmək qərarına gələn Billi, Aqatanın yanına gedib, Vandanın cadusunu aradan qaldırır. Cadugər Yolunda, palçıq bataqlığından çıxan Aqata Billi ilə qarşılaşır. Sigilin məhv olduğunu anlayan Aqata rahatlıqla Billi ilə danışaraq onun məqsədini öyrənir, güclərinə nəzarət edə bilməyən gəncə yola davam etməyi təklif edir. 
7 "Death's Hand in Mine" Jak ŞefferCia Kinq & Kameron Skuirz23 oktyabr 2024 (2024-10-23)
Aqata və Billi yollarına davam edərək qotik bir qəsrə çatırlar. Qəsrə daxil olarkən onlardan biri Qərbin pis cadugəri, digəri isə Malefisenta cildinə girir, hər ikisinə Tarot kartları verilir. Əgər onlar kartları lazım olduğu kimi düzməsələr, tavandan asılmış qılınclar onların üstünə düşür. Liliyanın keçmişi ilə bağlı xatirələrində görünür ki, o, həyatını qaydalara uyğun yaşamayıb və bu, onun yaddaşında itkilərə səbəb olub. Bataqlığa düşən Liliya, Rionun Ölüm olduğunu (Aqata bunu bilirdi) öyrənir və vaxtının yaxınlaşması haqqında xəbərdarlıq alır. Liliya Ceni oyandırır və onlar birlikdə Salem yeddiliyindən qaçaraq tunelə keçir, daha sonra kovenin digər üzvləri kimi qəsrə daxil olurlar (bu zaman Liliya Qlinda, Cen isə Qəddar kraliça cildinə girir). Bu sınağın onun üçün olduğunu anlayan Liliya, kartları düzgün düzərək hər kəsi xilas edir. Hamını açılmış qapıdan yola salan Liliya, qəsrdə qalaraq onları izləyən Salem yeddiliyini qarşılayır. Tərsinə qüllə kartını istifadə edərək, otağı çevirir, beləcə Salem yeddiliyini qılınclara keçirərək öldürür, sonra isə özü qılıncların üstünə düşür. Xatirələrdə, gənc Liliyanın ilk falabaxma dərsinə gəlməsi göstərilir. 
8 "Follow Me My Friend / To Glory at the End" Qandja MonteyroPiter Kameron30 oktyabr 2024 (2024-10-30)
Rio ikinci həyat qazanmış Billini əclaf hesab edir, Aqata onu Rioya təslim etməyə razılaşır. Yolun sonunda Aqata ilə qovuşan Billi və Cen, yolun əslində dairə olduğunu anlayır. Billi yolun başlanğıcında soyunduğu çəkməsini geyinir və onların üçü də, Aqatanın zirzəmisinin yavaş-yavaş işıqları sönən variantında peyda olurlar. Cen öyrənir ki, Aqata onun əlini bağlayan cadugərdir, buna görə də cadu oxuyaraq onun təsirindən xilas olur. Beləcə, yoldan almaq istədiyini əldə edən Cen yoxa çıxır. Aqata Billiyə kömək edir ki, qardaşı Tomminin itmiş canını tapsın, billi qardaşının canını boğularaq ölən oğlanın bədəninə yerləşdirir. Billi yoxa çıxır, Aqata yerdəki çatda bitki yetişdirərək sonuncu sınağı tamamlayır və xilas olur. Öz evinin həyətinə çıxan Aqata Rio ilə qarşılaşır. Rio, azad olan Billinin yerinə Aqatanın canını almaq istəyir, bu zaman Billi onun köməyinə gələrək xilas edir və gücünü paylaşır. Aqata Ölümlə bacara bilməyəcəyini anlayaraq, taleyi ilə razılaşır, Rionu öpərək ölür. Rio, Billinin getməsinə icazə verir və o, evlərinə qayıdır. Otağına qayıdan Billi, başa düşür ki, bədəninə sahibləndiyi Uilyamın otağındakı bir çox predmetlər Cadugər yolunda qarşılaşdıqları predmetlərlə eynidir və bu zaman Aqatanın qəhqəhəsini eşidir. 
9 "Maiden Mother Crone" Qandja MonteyroJak Şeffer & Lora Donni30 oktyabr 2024 (2024-10-30)

1750-ci ildə, Aqata Nikolas adlı oğlunu doğur, bu zaman Ölüm, uşağın canını almaq üçün gəlir, Aqata sevgilisi olan Ölümə yalvararaq uşağı ilə olması üçün vaxt istəyir. Ölüm vaxt verərək gedir. Aqata oğlunu böyütməyə başlayır və digər cadugərlərin gücünü mənimsəmək üçün onu istifadə edir. Oğlu bir qədər böyüdükdən sonra buna qarşı çıxmağa başlayır. Aqata və oğlu birlikdə uşaq nəğməsi oxuyurlar və nəğmə dəyişib inkişaf edərək, Cadugər yolu haqqında balladaya çevrilir. Nikolas xəstələnir, Ölüm gələrək onun canını alır. Artıq heç nə ilə bağlılığı qalmayan Aqata, yüzillər boyunca onlarla cadugərin gücünü mənimsəyərək onların ölümünə səbəb olur.

İndiki zamanda, Uilyamın otağına gələn Aqatanın ruhu, Billiyə deyir ki, onun magiyası Cadugər yolunu reallığa çevirib. Billi, Liliya, Elis və Şeronun ölümündə özünü günahlandırır, Aqata isə bildirir ki, əslində Billi mane olmasaydı, o, Ceni də öldürməyi planlaşdırırdı. Vestvyu şəhərinə qayıdan Billi, Aqatanın ruhunu qovmağa çalışır, Aqata buna mane olur və Nikolasla qarşılaşmaqdan qorxduğunu bildirir. Billinin ürəyi yumşalır və Aqatanın ruhuna ona yol göstərməyə imkan yaradır. Cadugər yoluna aparan qapını bloklayan cütlük, Tomminin axtarışı üçün yola çıxır. 

Qeydlər

redaktə
  1. ↑ 1 2 3 VandaVijn miniserialının "The Series Finale" (2021) adlı seriyasında göstərilmişdi
  2. ↑ VandaVijn miniserialının "Previously On" (2021) adlı seriyasında göstərilmişdi

İstinadlar

redaktə
  1. ↑ 1 2 Zee, Michaela. "'Agatha All Along' Trailer: Kathryn Hahn Investigates Wanda's Dead Body and Teams Up With a Witchy Aubrey Plaza in 'WandaVision' Spinoff". Variety. July 8, 2024. July 8, 2024 tarixində arxivləşdirilib. İstifadə tarixi: July 8, 2024.
  2. ↑ Hipes, Patrick. "Disney+ Day: All The Streamer's Film & TV News From Premiere Dates To Series Orders". Deadline Hollywood. November 12, 2021. November 12, 2021 tarixində arxivləşdirilib. İstifadə tarixi: November 12, 2021.
  3. ↑ Otterson, Joe. "'WandaVision' Spinoff Starring Kathryn Hahn in the Works at Disney Plus (Exclusive)". Variety. October 7, 2021. October 7, 2021 tarixində arxivləşdirilib. İstifadə tarixi: October 7, 2021.
  4. ↑ Iannucci, Rebecca. "WandaVision Steelbook Release Includes First Glimpse at Agatha Spinoff Footage — Watch (Exclusive)". TVLine. November 27, 2023. November 28, 2023 tarixində arxivləşdirilib. İstifadə tarixi: November 29, 2023.
  5. ↑ Marvel Entertainment. Agatha Harkness: A Dark and Twisted History. August 28, 2024. Event occurs at 2:30–12:31. İstifadə tarixi: August 28, 2024 – YouTube vasitəsilə.
  6. ↑ 1 2 3 4 Travis, Ben. "Agatha All Along Is Marvel's Witchy Take On The Goonies: 'It's This Adventure Series'". Empire. July 30, 2024. July 30, 2024 tarixində arxivləşdirilib. İstifadə tarixi: July 30, 2024.
  7. ↑ Petski, Denise. "'Agatha: Coven Of Chaos': Joe Locke Cast In Disney+/Marvel Series". Deadline Hollywood. November 1, 2022. November 1, 2022 tarixində arxivləşdirilib. İstifadə tarixi: November 1, 2022.
  8. ↑ Romano, Nick. "How Marvel expands 'the WandaVision corner' of the MCU with Agatha All Along and Vision Quest". Entertainment Weekly. September 4, 2024. September 4, 2024 tarixində arxivləşdirilib. İstifadə tarixi: September 4, 2024.
  9. ↑ 1 2 Romano, Nick. "Joe Locke fuels the mystery of his Agatha All Along 'Teen,' addresses those fan theories". Entertainment Weekly. September 3, 2024. September 3, 2024 tarixində arxivləşdirilib. İstifadə tarixi: September 4, 2024.
  10. ↑ 1 2 Miller, Lauren; Taylor-Foster, Kim. "Heartstopper star Joe Locke responds to rumors he's playing Scarlet Witch's son in new Marvel series Agatha All Along". Total Film. GamesRadar+. August 14, 2024. August 29, 2024 tarixində arxivləşdirilib. İstifadə tarixi: August 30, 2024.
  11. ↑ Andreeva, Nellie. "'Agatha: Coven Of Chaos': Debra Jo Rupp Joins 'WandaVision' Marvel Spinoff For Disney+". Deadline Hollywood. January 3, 2023. January 3, 2023 tarixində arxivləşdirilib. İstifadə tarixi: January 3, 2023.
  12. ↑ Behbakht, Andy. "WandaVision's Agatha Spinoff Filming Start Date & Directors Revealed". Screen Rant. January 13, 2023. January 14, 2023 tarixində arxivləşdirilib. İstifadə tarixi: January 14, 2023.
  13. ↑ Travis, Ben. "Agatha All Along Sees The MCU Villain Gather Her Own Group Of 'Covenless Witches' – Exclusive Image". Empire. June 28, 2024. June 28, 2024 tarixində arxivləşdirilib. İstifadə tarixi: June 28, 2024.
  14. ↑ 1 2 3 Romano, Nick. "How Agatha All Along channels the history of iconic pop culture witches". Entertainment Weekly. September 6, 2024. September 7, 2024 tarixində arxivləşdirilib. İstifadə tarixi: September 7, 2024.
  15. ↑ 1 2 Horne, Karama. "Sasheer Zamata talks 'Agatha: Coven of Chaos' and 'The First Woman'". Mashable. August 14, 2023. August 14, 2023 tarixində orijinalından arxivləşdirilib. İstifadə tarixi: August 14, 2023. (#invalid_param_val)
  16. ↑ 1 2 3 4 5 "AGATHA ALL ALONG Production Brief FINAL2 9-13-24" (PDF). The Walt Disney Studios. September 13, 2024. September 17, 2024 tarixində orijinalından (PDF) arxivləşdirilib. İstifadə tarixi: 21 sentyabr 2024 – Getty Images vasitəsilə.
  17. ↑ Nolfi, Joey. "Patti LuPone spills major secrets on Agatha: Coven of Chaos role as Lilia Calderu". Entertainment Weekly. April 18, 2023. April 18, 2023 tarixində arxivləşdirilib. İstifadə tarixi: April 18, 2023.
  18. ↑ Kit, Borys. "'Agatha: Coven of Chaos' Sets Directors as Production Readies for Next Week". The Hollywood Reporter. January 13, 2023. January 13, 2023 tarixində arxivləşdirilib. İstifadə tarixi: January 13, 2023.
  19. ↑ Ouellette, Jennifer. "Kathryn Hahn is ready to walk the Witch's Road in Agatha All Along trailer". Ars Technica. July 8, 2024. July 8, 2024 tarixində arxivləşdirilib. İstifadə tarixi: July 9, 2024.
  20. ↑ Carter, Justin. "Agatha: Coven of Chaos Conjures Up Its Directors and Supporting Cast". Gizmodo. January 14, 2023. January 14, 2023 tarixində arxivləşdirilib. İstifadə tarixi: January 14, 2023.
  21. ↑ Ayala, Nicolas. "Who Are The Salem Seven? Agatha All Along Villains' Marvel Comics History & Powers Explained". Screen Rant. September 19, 2024. September 19, 2024 tarixində arxivləşdirilib. İstifadə tarixi: September 19, 2024.
  22. ↑ Andreeva, Nellie. "'Agatha: Coven Of Chaos': Sasheer Zamata Added To 'WandaVision' Marvel Spinoff For Disney+". Deadline Hollywood. November 7, 2022. November 7, 2022 tarixində arxivləşdirilib. İstifadə tarixi: November 7, 2022.
  23. ↑ "Agatha All Along – WGA Directory". Writers Guild of America West. August 26, 2024. August 29, 2024 tarixində arxivləşdirilib. İstifadə tarixi: 21 sentyabr 2024.
  24. ↑ Adams, Timothy. "Marvel Announces Agatha All Along Two-Episode Finale on Devil's Night". ComicBook.com. September 13, 2024. September 13, 2024 tarixində arxivləşdirilib. İstifadə tarixi: 21 sentyabr 2024.
Mənbə — "https://az.wikipedia.org/w/index.php?title=Hamısı_Aqatadır_(miniserial)&oldid=7831273"