Hamfri (pişik)
Hamfri (ing. Humphrey; 1988, London – mart 2006, London) — 1989-cu ilin oktyabrından 1997-ci ilin 13 noyabrına qədər Böyük Britaniyanın Baş nazirinin Dauninq-strit 10 ünvanında yerləşən iqamətgahında baş siçantutan[ing.] vəzifəsində çalışan pişik.
| Hamfri | |
|---|---|
Böyük Britaniya Baş nazirinin iqamətgahında baş siçantutan[d] | |
| oktyabr 1989 – 13 noyabr 1997 | |
| Əvvəlki | Vilberfors |
| Sonrakı | Sibil |
| Məlumatlar | |
| Növü | ev pişiyi, fərdi heyvan[d] |
| Doğum tarixi | 1988 |
| Doğum yeri | London |
| Ölüm tarixi | mart 2006 |
| Ölüm yeri | London |
| Peşə | siçantutan[d] |
Marqaret Tetçer, Con Meycor və Toni Bleyrin baş nazirlikləri dövründə xidmət edib. Bleyerlər Dauninq-stritə köçdükdən altı ay sonra təqaüdə çıxdı.[1] O, Vilberforsun varisi idi.[2]
Həyatı
redaktəHamfri Nazirlər Kabinetinin bir məmuru tərəfindən azmış pişik kimi tapılıb və Yes Minister[ing.] sitkomundakı Hamfri Aplbi[ing.] şərəfinə adlandırılıb. Əvvəlki siçantutan Vilberforsun 1988-ci ildə ölümündən sonra iqamətgahda başqa pişiyə ehtiyac yarandı və Hamfri öz işinə başladı. Əsas hissəsi yeməyə sərf olunan illik 100 funt sterlinq xərc ilə Hamfri, heç vaxt siçan tuta bilməyən illik 4000 funt strelinq maaş alan İqamətgahın Zərərvericilərlə Mübarizə üzrə İnspektorundan daha dəyərli qiymətlənirdi.[3]
Tez-tez məşhur 10 nömrəli ön qapının qarşısında poza verən Hamfrinin əsas vəzifəsi Dauninq-Strit binalarında siçan və siçovulları tutmaq idi. Təqaüdə çıxanda Hamfri Nazirlər Kabinetinin Baş Siçantutan vəzifəsinə yüksəlmişdi.[4] 1993-cü ilin noyabrında Nazirlər Kabinetində daxili memorandum yayıldı və işçilərə Hamfrinin böyrək problemindən əziyyət çəkdiyi və xüsusi pəhriz saxladığı barədə məlumat verildi.[5]
7 iyun 1994-cü ildə ozamankı baş nazir Con Meycorun ofisinin qarşısındakı pəncərə qutusunda yuva salan dörd şəfəq quşu balasını öldürməkdə günahlandırıldı. Lakin Meycor ertəsi gün ona bəraət qazandırdı və dedi: "Qorxuram ki, Hamfri yalandan ittiham olunub."[1] Yalnız 2006-cı ilin mart ayında o bu iddihamdan təmizləndi. The Daily Telegraphdan jurnalist Corc Cons etiraf etdi ki, onun qəzetinin gündəliyindəki yazı heç bir sübut olmadan çap edilmişdi.[6]
1995-ci ilin iyununda Hamfri itkin düşdü.[7] Bir müddət sonra Kral Ordusu Tibb Kollecinin qarşısında tapıldı. O burada sahibsiz pişik kimi qəbul edilmişdi və Patrul pişiyi (ing. Patrol cat) olaraq adlandırılmışdı.[8] Geri qayıtdıqdan sonra Hamfri açıqlama vermişdi: Mən Kral Ordusu Tibb Kollecində gözəl tətil keçirdim, lakin qayıtmaq çox xoşdur və parlamentin yeni iclasını səbirsizliklə gözləyirəm.[3]
1997-ci ilin may ayında keçirilən ümumi seçkilərdən sonra Toni Bleyr Downing Street-ə köçdükdən sonra bir həftə ərzində mətbuatda Hamfri və nazirin həyat yoldaşı Çeri Bleyr[ing.] arasında fikir ayrılığı yarandığı yazılırdı.[9] Onun ya pişiklərə qarşı allergiyası olduğu, ya da onların qeyri-gigiyenik olduğuna inandığı bildirildi.[10]
O zaman iqamətgahın sözçüsü Dauninq-strit 10-un Hamfrinin evinin olduğu və burdana köçməyəcəyini bildirdi. Daha sonra Hamfri və Çerinin birlikdə şəkli yayınlandı, lakin bu da pişiyin qovulacağı ilə bağlı qorxuları aradan qaldırmadı.[11]
1997-ci ilin noyabrında Hamfrinin əsas baxıcısı, Baş Nazirin Siyasət Şöbəsində işləyən Conatan Rees, pişiyin "ona düzgün baxa biləcəyi sabit bir ev mühitinə" təqaüdə getməli olduğunu bildirən bir memorandum yazdı.[3]
Təqaüdə çıxması
redaktəHamfri 13 noyabr 1997-ci ildə London şəhərətrafı qəsəbəsindəki yaşlı bir cütlüklə birlikdə yeni evinə köçdü.[12] Mühafizəkarlar dərhal qeyd etdilər ki, Hamfri Mühafizəkarlar hökuməti dövründə təxminən səkkiz il ərzində iqamətgahda xoşbəxt yaşayıb, lakin Leyboristlər hakimiyyətə gəldikdən altı ay sonra oradan köçüb.[13]
Mühafizəkar deputat və heyvansevər Alan Klark Hamfrinin təqaüdə çıxması ilə bağlı elandan şübhələnib və pişiyin hələ də sağ olduğuna dair sübut tələb edib: "Hamfri indi itkin düşüb. Mən ondan xəbər almasam və ya ictimaiyyət qarşısına çıxmasa, onun güllələndiyindən şübhələnəcəyəm".[14] Bu Hamfrinin Çeri Bleyrin[ing.] əmri ilə qovulduğu ilə bağlı şayiələr yaratdı.[3] Baş nazirin ofisi pişiyin təqaüdə göndərilməsi qərarının arxasında baytarlıq məsləhətinin dayandığını israr etdi. 24 noyabr 1997-ci ildə bir qrup jurnalisti Londonun cənubundakı gizli yerə apardılar və Hamfrinin hələ də sağ olduğunu göstərdilər. Gündəlik qəzetlərin nüsxələri ilə poza verən pişiyin şəkilləri dərc edildi və xəbərlər onun kökəldiyini yazırdı.[4][15]
Sonrakı bir neçə il ərzində Hamfri haqqında çox az şey eşidildi və çoxları onun öldüyü qənaətinə gəldi.[3] The Daily Telegraph 2005-ci ilin əvvəlində ona aid sənədlər üçün İnformasiya Azadlığı Aktı sorğusu göndərdi. 2005-ci ilin martında Hamfri haqqında yazdığı hesabatda Teleqraf gileylənirdi: "Hamfri indi haradadır, hətta onun hələ də bizimlə olub-olmaması da sirr olaraq qalır." Bununla belə, 22 iyul 2005-ci ildə The Independent qəzeti yazıb ki, "17 yaşlı siçantutan sağ-salamatdır və Cənubi Londonda yaşayır."[16]
2006-cı ilin martında Toni Bleyrin sözçüsü Hamfrinin əvvəlki həftə ona sahiblik edən Nazirlər Kabinetinin işçisinin evində öldüyünü bildirdi.[17]
İstinadlar
redaktə- ↑ 1 2 White, Michael. "Obituary: Humphrey, cat; born 1988, died 2006". The Guardian. 21 March 2006. İstifadə tarixi: 25 December 2011.
- ↑ Pierce, Andrew. "Downing Street cat Sybil dies". The Daily Telegraph. 28 July 2009. İstifadə tarixi: 25 December 2011.
Humphrey, a long haired black and white cat, was the successor to Wilberforce who "took office" with Edward Heath in 1970.
- ↑ 1 2 3 4 5 Millward, David. "Humphrey... the Downing Street dossier". The Daily Telegraph. 15 March 2005. İstifadə tarixi: 3 September 2009.
- ↑ 1 2 "Purr-fect ending fur Humphrey!". BBC News. 25 November 1997..
- ↑ "Accommodation Officer's note: Humphrey" (PDF) (Press-reliz). Cabinet Office. 26 sentyabr 1995. səh. 26. 16 mart 2009 tarixində orijinalından (PDF) arxivləşdirilib. İstifadə tarixi: 20 fevral 2009.
- ↑ Jones, George. "Humphrey the cat: my part in his downfall". The Daily Telegraph. London. 21 March 2006.
- ↑ "Sheila Gunn (obituary)". The Times. 30 October 2014. səh. 62.
- ↑ "Humphrey the cat found alive and well" (PDF) (Press-reliz). Cabinet Office. 26 sentyabr 1995. səh. 30. 2 aprel 2007 tarixində orijinalından (PDF) arxivləşdirilib. İstifadə tarixi: 20 fevral 2009.
- ↑ Verkaik, Robert. "Status: Catnapped". The Independent. 9 December 2006. səh. 18.
- ↑ Alleyne, Richard. "Humphrey: a cat's life". The Daily Telegraph. 21 March 2006. İstifadə tarixi: 31 August 2009.
- ↑ Kirby, Ian. "Spin doc 'drugged' Humphrey at No10". News of the World. 25 April 1999. səh. 15.
- ↑ "Humphrey bids a feline farewell". BBC News. 15 November 1997..
- ↑ Nigel Evans, quoted in "Humphrey bids a feline farewell". BBC News. 15 November 1997. İstifadə tarixi: 31 August 2009.
- ↑ Hartston, William. "What the papers said". The Independent. 30 November 1997. İstifadə tarixi: 3 September 2009.
- ↑ "No 10 lets the cat out of the Bag", The Daily Telegraph, 25 November 1997[ölü keçid]
- ↑ "Celebrity Companions: Love me, love my pet", The Independent, 22 July 2005, 14 November 2005 tarixində orijinalından arxivləşdirilib
- ↑ "Downing Street cat Humphrey dies". BBC News. 20 March 2006.