Heydər Qasımlı
Heydər İftar oğlu Qasımlı ( 18 yanvar, 1942,Qazax) Yazıçı-dramaturq, yüksək ixtisaslı mədəni-maarif işçisi,Yeni Azərbaycan Partiyasının və Azərbaycan Yazıçılar Birliyinin üzvü, Ağköynək mədəniyyət evinin (1968-ci ildən), Qazax Tarix-Diyarşünaslıq Muzeyinin(1983-cü ildən), Qazax Dövlət Dram Teatrının(1991-ci ildən) direktoru, Göyəzən qəzetinin(1995-ci ildən) baş redaktoru.
| Heydər Qasımlı | |
|---|---|
 | |
| Doğum tarixi | 18 yanvar 1942-ci il |
| Doğum yeri | Qazax rayonu Kosalar kəndi |
| Vəfat tarixi | 11 mart 2012-ci il |
| Vəfat yeri | Qazax rayonu |
| Təhsili | M.A.ƏLİYEV adına Azərbaycan Dövlət İncəsənət İnstitutu |
| İxtisası | Yüksək ixtisaslı mədəni maarif işçisi |
| İlk əsəri | Ata kölgəsi |
| Mükafatları | "Araz" ali ədəbi mükafatı, "Nurlu qələm ustası" |
Yaradıcılığı
redaktəƏdəbi yaradıcılığa 1960-cı ildə başlayıb. İlk hekayəsi Ata kölgəsi Azərbaycan gəncləri qəzetində dərc olunub. Heydər Qasımlının "Qızdərəyə gedən yol","Çörək ətri","Ata kölgəsi","Kibrit qutusu","Axtaran tapar","Nəfsin bəlası","Qarasaqqal" və s. kitabları nəşr olunmuşdur. Yazıçı "Gümüş kəmər","Qisas" romanlarını,"Gülnarə","Yurd yeri","Sarı ürgə","Tənha çinar","Nəfsin bəlası" povestlərini Azərbaycan ədəbiyyatına bəxş etmişdir. Ədəbiyyatımızda İ.Şıxlı dan sonra Cahandar ağa kimi kişilik obrazını yaradanlardan biri də məhz Heydər Qasımlıdır. Yazıçının son illərdə qələmə aldığı Qanlı papaq tarixi romandır. Bu roman Azərbaycanda feodal-bəy münasibətlərinin hökm sürdüyü və onun süquta uğradığı dövrləri əhatə edir. Süjet Kürqırağı kəndlərin birində cərəyan edən canlı hadisələr üzərində qurulmuşdur. Heydər Qasımlı 1988-ci ildə "Araz" ali ədəbi və 2000-ci ildə "Nurlu qələm ustası" mükafatları laureatı olmuşdur.
Kitabları
redaktə
Fəaliyyəti
redaktə1961-ci ildən Suraxanı neft mədənlərində operator köməkçisi, operator, usta köməkçisi və usta vəzifələrində çalışıbdır. 9 sentyabr 1968-ci ildən 5 fevral 1971-ci ilədək yenidən rayona qayıtmış və Ağköynək Kənd Mədəniyyət Evinin bədii rəhbəri vəzifəsində işləmiş, 5 fevral 1971-ci ildən 30 oktyabr 1975-ci ilə kimi Mədəniyyət şöbəsi 2 nömrəli artoklubun müdiri, 1 noyabr 1975-ci ildən 1 avqust 1976-cı il tarixədək Radio verlişləri redaksiyasının redaktoru, 1983-cü ildən Qazax Tarix-Diyarşünaslıq Muzeyinin, 1989-cu ilin martından 1991-ci ilin iyulunadək Qazax Dövlət Dram Teatrının direktoru olmuşdur, 1995-ci ilin iyunundan Göyəzən qəzetinin redaktoru vəzifəsinə təyin edilmişdir.
Həyatı
redaktəHeydər İftar oğlu Qasımlı 1942-ci ildə yanvarın 18-də Qazax rayonunun Kosalar kəndində dünyaya gəlib. 1948-ci ildə Kosalar kənd tam orta məktəbinin 1-ci sinfinə daxil olub, 1958-ci ildə həmin məktəbin 10-cu sinfini bitirmişdir. 1973-cü ildə M. A. ƏLİYEV adına Azərbaycan Dövlət İncəsənət İnstitutuna daxil olub, 1978-ci ildə həmin istitutu bitirərək Yüksək ixtisaslı mədəni-maarif işçisi ixtisasına yiyələnmişdir. 1976-cı ildə ailə qurub, 4 övladı var. 2012-ci ildə vəfat etmişdir.
75 illik yubiley tədbiri
redaktəBu gün Qazax Tarix-Diyarşünaslıq Muzeyinin yeni binasının istifadəyə verilməsinin 1 ili və muzeyin ilk direktoru olmuş Heydər Qasımlının 75 illik yubileyi münasibətilə tədbir keçirilib. Qazax rayon İcra Hakimiyyətinin dəstəyi, Azərbaycan Yazıçılar Birliyi Qazax zona filialının və Qazax Tarix-Diyarşünaslıq Muzeyinin birgə təşkilatçılığı ilə keçirilən tədbir muzeyin dünənini və bu gününü özündə əks etdirən video-çarxın nümayişi ilə başlayıb. Muzeyin direktoru Gülnaz Alişanova giriş sözü ilə çıxış edərək kollektivi yeni binanın istifadəyə verilməsinin 1-ci ildönümü münasibətilə təbrik edib. Bildirib ki, 1984-cü ildə yaradılan muzey müasir tələblərə cavab verməyən birmərtəbəli binada fəaliyyət göstərirdi. 2016-cı ilin oktyabr ayının 19-da istifadəyə verilən yeni binanın açılışında Ölkə Başçısı İlham Əliyev cənabları iştirak etmişdir. Muzeyin ikimərtəbəli binasında rayonun təbiətini və tarixini əks etdirən 2450 eksponat mühafizə olunur. Binanın birinci mərtəbəsində ümummilli lider Heydər Əliyevin və Prezident İlham Əliyevin fəaliyyətini əks etdirən fotolardan ibarət guşələr yaradılıb. Həmçinin bu mərtəbədə Muzey barədə ümumi məlumat, təbiət, arxeologiya, qədim daş dövrü, orta əsrlər və "bəy evi" bölmələri var. Tarix-Diyarşünaslıq Muzeyinin ikinci mərtəbəsində "Qazax xalça məktəbi", "Etnoqrafiya və folklor", "Qazax XIX–XXI əsrin əvvəllərində", "Səməd Vurğun", "Görkəmli şəxsiyyətlər", "1929–1990-cı illər", "müasir dövr" və "Azərbaycan XXI əsrdə" bölmələri yaradılıb. Burada Qazaxın qədimdən bu günədək keçdiyi inkişaf yolu, təbiəti, mədəniyyəti, adət-ənənəsi, məişəti, tanınmış insanları haqda maraqlı məlumatlar və eksponatlar toplanıb. Binanın mansardında isə iş otaqları, konfrans zalı, kitabxana, mətbəx və kafe yaradılıb. G. Alişanova onlar üçün yaradılan yüksək şəraitə, göstərilən diqqət və qayğıya görə Respublika Prezidenti İlham Əliyev cənablarına və rayon İcra Hakimiyyətinin başçısı cənab Rəcəb Babaşova kollektiv adından öz dərin minnətdarlığını bildirib.
AYB Qazax zona filialının sədri, əməkdar incəsənət xadimi, şair Barat Vüsal çıxış edərək muzeyin kollektivini yeni binanın istifadəyə verilməsinin 1 illiyi münasibətilə səmimi-qəlbdən təbrik edərək gələcək işlərində uğurlar arzulayıb. Sonra muzeyin ilk direktoru olmuş Heydər Qasımlının həyat və fəaliyyəti, Azərbaycan ədəbiyyatındakı xidmətləri barədə söz açıb. Onun müxtəlif səpkidə yazılmış əsərləri haqqında danışıb. Onunla bağlı xatirələrini bölüşüb.
Qazax rayon İcra Hakimiyyəti başçısının müavini Gulaya Həsənova tədbirdə çıxış edərək muzeyin kollektivinə öz təbriklərini çatdırıb. Qeyd edib ki, bu gün respublikamızın hər yerində olduğu kimi, Qazax rayonunda da bütün sahələrdə inkişaf gedir. Səhiyyə, təhsil, mədəniyyət sahəsində olan yeniliklər göz qabağındadır. Müasir standartlara cavab verən Qazax Tarix-Diyarşünaslıq Muzeyi üçün tikilən yeni bina da Qazaxın tarixinə, dünəninə və bu gününə, bütövlükdə mədəniyyətimizə verilən ən böyük qiymətdir. Sonra Azərbaycanın Əməkdar Məşqçisi, Azərbaycanın Fəxri Bədən Tərbiyəsi və İdman Xadimi Ramiz Tağıyev, Qazax Dövlət Dram Teatrının direktoru Saqif İsgəndərov, aşıq Camoy Qurbanov, AYB-nin üzvlərindən Bilal Qoca, Mustafa Rasimoğlu, vaxtilə "Göyəzən" rayon qəzetində H. Qasımlı ilə çalışmış Hacı Müvəssəqi çıxış edərək onunla bağlı xatirələrini danışıblar. Sonra H. Qasımlının övladları Zəminə və Elnur Qasımovlar çıxış edərək atalarının yaradıcılığına, əməyinə verilən dəyərə, göstərilən diqqət və qayğıya görə rayon rəhbərliyinə ailələri adından öz dərin minnətdarlıqlarını bildiriblər. Sonda şəhər 2 saylı musiqi məktəbinin şagirdləri Mehman Həsənli və Nurlan İsmayılov müxtəlif saz havaları ifa ediblər. Tədbirdə təqaüddə olan mədəniyyət işçisi Nofəl Süleymanov öz əl işi olan hədiyyəni muzeyə bağışlayıb.
Mükafatlar
redaktə
İstinadlar
redaktə1.Heydər Qasımlının 65 illik yubileyi münasibətilə bağlı təbrik
2.Heydər qasımlının 75 illik yubileyinin Qazax Tarix-Diyarşünaslıq Muzeyində qeyd olunması
Axtarış teqləri
redaktəHeyder Qasimli,Heyder qasimli,heyder qasimli,HEYDER QASİMLİ,heyderqasimli,heyderqasimov,heyderqasimliqazax,Heydər Qasımlı, Heydər qasımlı,heydər qasımlı,Heydər Qasımlı Qazax,heyder qasimli qazax,Heyder qasimli kosalar,heyder qasimli vikipedia,heyder qasimli vikipediya,Heydər Qasımlı vikipedia,Heydər Qasımlı vikipediya,