Hikmət Atayev

Azərbaycan Milli Məclisinin deputatı, Milli Məclisin Sosial siyasət daimi komissiyasının üzvü

Hikmət Atayev (4 fevral 1953, Zaqatala7 mart 2013, Balakən rayonu) — Azərbaycan Milli Məclisinin deputatı, Milli Məclisin Sosial siyasət daimi komissiyasının üzvü.

Hikmət Atayev
Hikmət Atayev.jpg
Şəxsi məlumatlar
Doğum adı Atayev Hikmət İsmayıl oğlu
Doğum tarixi 4 fevral 1953(1953-02-04)
Doğum yeri
Vəfat tarixi 7 mart 2013(2013-03-07) (60 yaşında)
Vəfat yeri
Vəfat səbəbi avtomobil qəzası
Partiya
Təhsili

HəyatıRedaktə

Hikmət Atayev 4 fevral 1953-cü ildə Zaqatala şəhərində anadan olmuşdur. Azərbaycan Dövlət Tibb Universitetinin müalicə-profilaktika fakültəsini bitirmişdir. Rus və ingilis dillərini bilirdi.

1977-ci ildən Zaqatala Rayon Mərkəzi Xəstəxanasında cərrah, 2002-ci ildən Cərrahiyyə şöbəsinin müdiri vəzifələrində çalışmışdır. 2005–2006-cı illərdə Zaqatala şəhər bələdiyyəsinin sədri olmuşdur.

Yeni Azərbaycan Partiyasının üzvü olmuşdur.

2006-cı il mayın 13-də 110 saylı Zaqatala seçki dairəsindən deputat seçilmişdir. Milli Məclisin Sosial siyasət daimi komissiyasının üzvü olmuşdur. Azərbaycan-Almaniya Federativ Respublikası, Azərbaycan-Böyük Britaniya, Azərbaycan-Finlandiya, Azərbaycan-Ukrayna parlamentlərarası əlaqələr üzrə işçi qruplarının üzvü olmuşdur.

7 mart 2013-cü ildə Gürcüstandan Balakən istiqamətində hərəkət edərkən idarə etdiyi "VAZ-2106" markalı maşın "VAZ-21015" markalı maşınla toqquşub. Nəticədə Hikmət Atayev aldığı xəsarətdən hadisə yerindəcə vəfat etmişdir[1].

Evli idi və 4 övladı var.

İstinadlarRedaktə

  1. "Azərbaycan millət vəkili yol qəzasında öldü". 2013-03-11 tarixində orijinalından arxivləşdirilib. İstifadə tarixi: 2013-03-07.