IMEI
IMEI (ing. International Mobile Equipment Identity — azərb. mobil avadanlığın beynəlxalq tanınma kodu)) — hər bir istehsal olunan aparat üçün istifadə olunan unikal kod. Adətən kod, onluq say sistemindən olan 15 rəqəmdən ibarətdir. GSM, WCDMA və IDEN şəbəkələrini dəstəkləyən mobil telefonlarda, həmçinin bəzi peyk telefonlarında tətbiq edilir.
Ümumi məlumatlar redaktə
IMEI kod, zavodda, istehsal zamanı telefona mənimsənilir. Bu kod, qurğunun identifikasiyasına (eyniləşdirilməsinə) xidmət edir və aparatın daxilində (proqram təminatında) saxlanılır[1]. Bir qayda olaraq, IMEI kod dörd yerdə göstərilir:
- aparatı ılk dəfə aktiv etdikdə və ya xüsusi *#06#yes sorğusunu göndərdikdə IMEI kod ekranda əks olunur.
- akkumulyator batareyasının altında
- qablaşdırma qutusunda
- zəmanət talonunda.
IMEI kod aparatın seriya nömrəsi rolunu oynayır və şəbəkəyə avtorizasiya (daxil olma) zamanı efirə ötürülür. Həmçinin IMEI kod, aparatlar üçün izləmə və mobil rabitə əlaqəsi səviyyəsində oğurluq telefonların mühasirə edilməsi üçün istifadə olunur. Belə ki, zərərçəkmiş istifadə etdiyi operator vasitəsilə avadanlığı bloklaya bilər[1]. IMEI kod GSM-in dayaq şəbəkəsi olan EIR-də saxlanılır.
CDMA-da və başqa şəbəkələrdə istifadə edilən ESN və MEID-dən fərqli olaraq IMEI yalnız qurğunun eyniləşdirməsi üçün istifadə olunur və abunəçi ilə daimi əlaqəyə malik deyil. Bunun yerinə SIM-kartda saxlanılan IMSI nömrəsi istifadə olunur ki, bu nömrəni praktik olaraq istənilən başqa aparata yerləşdirmək olar. Ancaq bir telefonda yalnız müəyyən bir SIM-kartdan istifadə etməyə icazə verən xüsusi sistemlər də mövcuddur.
IMEI-də model və telefonun mənşəyi birinci 8 rəqəmdə təsvir edilir (TAC). Bundan sonrakı 2 rəqəm avadanlığın hansı ölkədə istehsal olunduğu göstərir[1]. Qalan nömrələr nəzarət seriya nömrələridir. İki SIM-kart dəstəkləyən telefonlara iki IMEI nömrəsi mənimsənilir.[2].
Dünyanın əksər ölkələrində mobil avadanlıqların tanınması üçün istifadə olunan IMEI kodların resursu yaradılıb. Belə ki, alıcı bu serverə daxil olmaqla cihazın təhlükəsiz olduğunu yoxlaya bilər. Rusiya, Latviya, Böyük Britaniyada IMEI kodun dəyişdirilməsi qanunla cinayət hesab olunur[1].
İstinadlar redaktə
- ↑ 1 2 3 4 Nuranə Abbasova. "İMEİ nədir və onun qeydiyyatının əhaliyə üstünlükləri". anl.az. 2012-03-31. 2021-12-05 tarixində arxivləşdirilib. İstifadə tarixi: 2014-01-06. (#apostrophe_markup)
- ↑ "Все, что вы не знали об IMEI". 2014-04-13 tarixində orijinalından arxivləşdirilib. İstifadə tarixi: 2014-01-06.
Xarici keçidlər redaktə
Mobil Cihazların Qeydiyyat Sistemi Arxivləşdirilib 2020-12-01 at the Wayback Machine