Irmandades da Fala

Irmandades da Fala (azərb. Dil Qardaşlığı‎)— 1916–1936-cı illərdə fəaliyyətdə olan Qalisiya milliyətçi təşkilatı. Bu təşkilat Qalisiyanın ilk siyasi təşkilatı idi və ancaq Qalisiya dilindən istifadə edirdi.^[1]^[2]

Tarixi

Madriddə yaşayan qalisiyalı yazıçı Aurelio Ribalta 1915-ci ildə Qalisiya dilinin yox olmasının qarşısını almaq üçün xalqına müraciət etmişdi. 5 yanvar 1916-cı ildə Anton Vilar Ponte "La Voz de Galicia" qəzetində Qalisiya Dilinin Dostları Liqasının qurulması üçün kampaniya başlatmışdır. O, 1916-cı ilin martında "Qalisiya Millətçiliyi: Bizim Regional Təsdiqimiz" adlı məqalə nəşr etmiş və məqalədə Qalisiya dilinin istifadəsini və qorunmasını dəstəkləmişdir.

Bu təklif müxtəlif ideologiyalardan və liderlər tərəfindən də dəstəklənmişdir. Bunlardan əhəmiyyətliləri Karlizm, Anton Losada Diuqez və liberal demokratlardır.

Siyasi proqramı

1918-ci ilin noyabrında Luqo şəhərində siyasi proqram tərtib olunmuşdur:

Əsas hədəflər
1. Qalisiyanın muxtariyyət qazanması.
2. Bələdiyyə muxtariyyəti.
3. Qalisiyanın Millətlər Liqasına daxil olması.
4. Portuqaliya ilə federal birləşmə.
Qalisiya üçün hədəflər
1. Qanunverici parlament təşkil etmək.
2. Məhkəmə orqanını təşkil etmək.
3. Qalisiya və ispan dillərinin rəsmi dillər olması.
4. Qadın və kişi bərabərliyi.

İstinadlar

↑ Beramendi, X. G. and Núñez Seixas, X. M. (1996): O nacionalismo galego. A Nosa Terra, Vigo
↑ Beramendi, X. G. (2007): De provincia a nación. Historia do galeguismo político. Xerais, Vigo

Xarici keçidlər

Irmandades da Fala haqqında kitab

[1] Beramendi, X. G. and Núñez Seixas, X. M. (1996): O nacionalismo galego. A Nosa Terra, Vigo

[2] Beramendi, X. G. (2007): De provincia a nación. Historia do galeguismo político. Xerais, Vigo

[1]

[2]