Jan Batist Buyo
Jan Batist Buyo (fr. Jean-Baptiste Bouillaud) - fransız terapevti, ürək xəstəliklərinin semiotikası haqqında təlimin banisi; Fransa Elmər Akademiyasının 1868-ci ildən üzvü. Tibb təhsilini 1823-cü ildə Paris Universitetində almışdır. Parisin Şarite xəstəxanasında daxili təbabət kafedrasının proffesoru, Sorbonnada tibb fakültəsinin dekanı olmuşdur. Klinik və patolo jianatomik müşahidələrini müqayisə etməklə ürək qüsurlarının diferensial diaqnostikasının əsasını yarat mışdır. 1835–1840-ci illərdə nəşr olunmuş klassik əsərlərində kəskin endokarditi təsvir etmiş və göstərmişdir ki, revmatizmin əsas hədəfi oynaqlar deyil, ürəkdir. Bununla da revmatizmin sistem xəstəliyi kimi müasir izahına qəti dönüş başlanmışdır. Həmçinin ürəyin səyirici aritmiyasını, çapma ritmini təsvir etmişdir. Jan Batist Buyo öz tibbi fəaliyyəti nəticəsində klinik məktəb yaratmışdır. Fəxri Legion ordeni ilə təltif edilmişdir.
| Jan Batist Buyo | |
|---|---|
| fr. Jean-Baptiste Bouillaud | |
 | |
| Doğum tarixi | |
| Doğum yeri | Qarat, Fransa |
| Vəfat tarixi | (85 yaşında) |
| Vəfat yeri | Paris, Fransa |
| Vətəndaşlığı |
 Fransa |
| Milliyyəti | Fransız |
| Fəaliyyəti | həkim, siyasətçi, kardioloq |
| Mükafatları | Fəxri legion ordeni |
| Üzvlüyü | |
 Vikianbarda əlaqəli mediafayllar | |
Mənbə
redaktə- Azərbaycan Milli Ensiklopediyası (25 cilddə). 5-ci cild: Brüssel – Çimli-podzol torpaqlar (25 000 nüs.). Bakı: "Azərbaycan Milli Ensiklopediyası" Elmi Mərkəzi. 2014. səh. 136. ISBN 978-9952-441-10-9.
