Kürd canavargiləsi

Kürd canavargiləsi (lat. Daphne kurdica) — bitkilər aləminin əməköməciçiçəklilər dəstəsinin timeleyakimilər fəsiləsinin canavargiləsi cinsinə aid bitki növü. IUCN Qırmızı Siyahısına görə növün kateqoriyası və statusu "Nəsli kəsilməyə həssas olanlar" kateqoriyasına aiddir –VU D2. Azərbaycanın nadir növüdür.

Kürd canavargiləsi
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptophyta Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superrosids Klad: Rosids Klad: Malvids Dəstə: Əməköməciçiçəklilər Fəsilə: Timeleyakimilər Yarımfəsilə: Thymelaeoideae Cins: Canavargiləsi Növ: Kürd canavargiləsi
Beynəlxalq elmi adı
Daphne kurdica Bornm., 1911
Şəklin VikiAnbarda axtarışı

Qısa morfoloji təsviri

Qısa, çoxbudaqlı, alçaq koldur. Qabığı bozvə ya qonur rənglidir. Yarpaqlar ellipsivari və ya uzunsov–lansetvari, 1-3 sm uzunluğunda, 4–8 mm enindədir. Çiçəkləri 3-6, ağ və ya çəhrayı, budaqların üst tərəfindədir. Çiəkyanlığı bardaqvari, sıx, qısa boz tükcüklüdür. Boru 8–10 mm uzuluğundadır. Erkəkciklərin tozcuqları çiçəyin ağızcığından çıxır. Yumurtalıq tükcüklüdür. Çəyirdək uzunsov, qırmızıdır.

Bioloji, ekoloji və fitosenoloji xüsusiyyətləri

Çiçəkləmə-meyvə əmələgətirmə dövrü may-avqust aylarına düşür, kserofit bitkidir. Əhəngli yerlərdə, əhəngli–gilli yamaclarda bitir.

Yayılması

Kiçik Qafqazın cənub hissəsində və Naxçıvan Muxtar Respublikasının dağlıq hissəsində yayılmışdır.

Sayı və tendensiyası

Populyasiyanın sayı azdır, ətraf mühitin mənfi təsirlərinə həssasdır.

Məhdudlaşdırıcı amillər

Yayılma sahəsinin məhdud olması və antropogen təsirlər. 

Mühafizə tədbirləri

Yayıldığı sahələr xüsusi nəzarət altına alınmalıdır.

Sinonimləri

Homotipik sinonimləri

• Daphne oleoides subsp. kurdica (Bornm.) Bornm.
• Daphne oleoides var. kurdica Bornm.