Kaiyodo Kappa Muzeyi
Kaiyodo Kappa Muzeyi (海洋堂かっぱ館, Kaiyodo Kappa-kan?) – Yaponiyanın Koçi prefekturasının Şimanto qəsəbəsində yerləşən muzey. Yapon folklorunda olan əfsanəvi varlıqlar olan kappalara həsr olunmuşdur. Muzey oyuncaq istehsalı ilə məşğul olan "Kaiyodo" şirkəti tərəfindən yaradılmışdır.[1]
| Kaiyodo Kappa Muzeyi | |
|---|---|
 | |
| Əsası qoyulub | 7 iyul 2012 |
| Açılış tarixi | 7 iyul 2012 |
| Mövzu | kappa[d] |
| Ölkə | |
| Yerləşir | Şimanto[d] |
| 33°09′45″ şm. e. 133°02′18″ ş. u.HGYO | |
| ksmv.jp/kappakan/ | |
Tarixi
redaktəKaiyodo Kappa Muzeyi 7 iyul 2012-ci ildə Kaiyodo Hobbi Muzeyinin filialı kimi yaradılmışdır. Hər iki muzey bir-birinə yaxın yerləşir.[1]
Xüsusiyyətlər
redaktəİkimərtəbəli muzey binasının ətrafında bir çox kappa heykəlciyi yerləşdirilib: muzeyin qarşısındakı körpüdə, muzey həyətində, avtomobil dayanacağında, hətta skamyaların altında kappa heykəlləri yerləşir. Muzeydə kappa incəsənət müsabiqəsinin qalibi olmuş işlər sərgilənir. Burada kiçik pazl hissələrindən, metaldan, plastik butulkalardan, parçadan hazırlanmış müxtəlif kappa heykəlcikləri nümayiş etdirilir.[1] Ümumilikdə, muzeyin kolleksiyasına 1300-dən çox kappa heykəli daxildir.[2]
Muzeyin mağazasında kappalara aid suvenirlər satılır.[1] Muzey binasının arxasında kappalara həsr olunmuş şinto məbədi yerləşir.
İstinadlar
redaktə- ↑ 1 2 3 4 "We visit Kaiyodo Kappa Museum: dedicated to a yokai that loves cucumbers and human souls". SoraNews24 (ingiliscə). 22 iyun 2023. 19 noyabr 2023 tarixində arxivləşdirilib. İstifadə tarixi: 19 noyabr 2023.
- ↑ "Kaiyodo Kappa Museum". Atlas Obscura (ingiliscə). 22 iyun 2019. 19 noyabr 2023 tarixində arxivləşdirilib. İstifadə tarixi: 19 noyabr 2023.